أفكار لتقديم هدية العريس

danndanh 15-11-2008 22 رد 1,696 مشاهدة
d

السلام عليكم كيفكم حبيباتي

بصراحة هادي أول مشاركة ليا في المنتدى

وأنا متأكدة إني ما راح أندم لأنو إلي شفتو من مواضيعكم شي يشجع


ويحس إنو بيتعامل مع أخوات مو بس عضوات في منتدى


<<<< لا تطوليها وهي قصيرة

المهم


كنت أرجو مساعدتكم في اختيار فكرة لتقديم هدية للعريس


ملكتي بعد 3 أسابيع وأبغا مساعدتكم

قاعتي فيها ديكون زي المسبح وفوقها جسر وبعدين الدبل نسحبها بسنارة

وتكون معلقة في دلافين

وبعدها تكون الهية


أنا أشتريت الهدية ساعة

وافكر أحطها في صندوق السجاجيد وشراشف الصلاة من خشب

وأملي الصندوق بورق أو جرايد أو أي شي

وبعد كدا الوجه أحط قش وفوقو أحط صندوق صغير برضو من خشب أخط جوتو مخدة قطيفة أو ستان وأحط الساعة عليها ويكون مزين بورد بنفس لون فستاني

وجمبها أحط قارورة وأدخل فيها ورقة زي الورق القديم ويكون ملفوف ومكتوب فيه شعر

والصندوق محفور عليه من الغطا من جوا الله يباركلي فيك لأني حشغل هادي الأغنية معاها

بس الوالدة مو موافقة


تقولي حطي مخدة في قفص وحطي الساعة عليها والقفص يتزين بورد بلون فستاني


وفي فكرة كمان وحدة قريبتي قدمت الساعة لعريسها يوم ملكتها في صدفة

وقالتلي أعطيكي هيا مو مشكلة

ممكن أغير في زينتها بنفس لون فستاني


ساااااااااااعدوني الله يخليكم مرررررررررررررة محتارة ومو عارفة إش أختار

وإلي عندها أفكار تانية تقولي الله يعطيكم ألف عافية


وفي طلب صغنون كمان


إلي تعرف شي عن مدفع الورد تقولي فين ألاقيه في جدة وبكم


بلييييييييييييز بلييييييييز بنات لا تبخلو عليا بردودكم
ش
d
وجزاك أختي شمس الصومال


ومشكورة ع مرورك الطيب


بس ليش مافي أحد رد عليا

الله يخليكم يا بنات أنا داخلة ع الله ثم عليكم

لا تردوني

:8875:
S
هلا اختي مبروك مقدما ..

و فكره الدبل روووعه ... و افكارش لتقديم الهديه كلها حلوين و مناسبين الصدفه و الصندوق ..



فكره الوالده ربي يخليها لش بعد حلوه ..




بس اكثر شي عجبني الصندوق فيه الساعه و معاه غرشه فاضيه فيها الشعر .. و الاحلى انتي تكتبي الكلام ..




ربي يخليكم لبعض و يحميكم من عين الحساد ..

موفقه .. دعواتك لي ..
d
الله يبارك فيك أختي

والجميع إن شاء الله

ويسلمووووووو ع المرور
m
وعليكم ا لسلام
ماشاء الله فكرةحلوة مرة ورائعة بجد
يبغالي اخترع طريقة انا كمان يومملكتي و زفافي باذن الله
تسلموا
d
الله يسلمك أختي moly amal


بس أنا غيرت الفكرة


لمن رحت ع يابلاش إلي في سوق الشاطئ لقيت عندو زي الفازة ع شكل سمكة وديلها مايل ع قدام


ماما قالتلي إس رأيك تاخديها وتحطي في المكان إلي بين جسم السمكة والديل مخدة وعليها الساعة

والسمكة نفسها نعبيها خرز ملون


والتبسي إلي فيه السمكة نحط فيه أحجار وأصداف

إش رأيكم ؟؟

إش أحلى؟؟
g
جزاكى الله خيرا
a
مبروك حبيبتي والله يتمم لك على خير
د
الله يتمم لك على خير ...والف مبروك عليكم ..حبيبتي ...الافكار الي قلتي عنها حلوووووووووة بس انا اشوف فكرة السمكة اللي كتبتي عنها اخر شي حلووووووووووووة كثيييييييييييييير ...احلاهم يعني..موووفقة ..ان شاء الله
d
ghadghoda;7872064:
جزاكى الله خيرا





وجزاكي حبيبتي :)
d
alshegra;7873006:
مبروك حبيبتي والله يتمم لك على خير





الله يبارك فيكي يا قلبي :)
d
دمووع الوورد;7873115:
الله يتمم لك على خير ...والف مبروك عليكم ..حبيبتي ...الافكار الي قلتي عنها حلوووووووووة بس انا اشوف فكرة السمكة اللي كتبتي عنها اخر شي حلووووووووووووة كثيييييييييييييير ...احلاهم يعني..موووفقة ..ان شاء الله




الله يبارك فيكي يا عيوني والله يوفق الجميع إن شاء الله وعقبال كل البنات يارب

:D
d
بنات أنا عارفة إني طفشتكم معايا

بس الله خليكم ساعدوني أنا مالي غيركم بعد الله

اشتريت سمكة تانية عشان الأولى أنكسرت عليا

وجهزتها بس حاسة إنها مو قد كدا فا صورتها وأبغا رأيكم فيها إش ممكن أعدل فيها أو أضيف عليها


بلييييييييييييييييييييييييييز ساعدوني ملكتي الخميس هادا


أسيبكم مع الصور











بليييييييييييييييز لا تحرموني مساعدتكم لو رأي بسيط راح يفرق معايا
p
عسولة ملكتنا بنفس اليوم

الفكرة تبع السمكة الحلوة الصور لسى ماطلعت

انا راح اهدي خطيبي عطر باكو روبان الجديد مرة واو قبل فترة اهديتو ساعه قلفتها تغليف مرة بسيط وبحط عليها كرت صغير وبس وراح اعطيه هيا لما نجلس لوحدنا

ربنا يوفقناااااااااااااااااا ياعسل انتي
d
ياااااااااا قلبي إنتي الله يوفقنا جميعا يا رب ويتمملنا ع خير


وييسر أمري وأمرك وبنات المسلمين أجمعين يارب العالمين



أنا عارفة الصور مرة تقيلة :o
بس هادا إلي طلع معايا


وع العموم الله يسعدك يارب ويسلموووو ع المرور
&
حركة السمكه مره حلوه ومافهمت عليك ايش هو مدفع الورد اللي سالتي عنه عشان ممكن نفيدك
p
واو كتير حلوة ماشاء الله
d
toom2008;7937052:
حركة السمكه مره حلوه ومافهمت عليك ايش هو مدفع الورد اللي سالتي عنه عشان ممكن نفيدك




هادا يا قلبي شكلو زي الأسطوانة ويتلف من تحت يقوم ينفقع من فوق ويطلع ورد زي مدفع الزينة العادي :D

ويسلموووووووووووووو ع المرور
d
picky;7938316:
واو كتير حلوة ماشاء الله




الله يحليلك أيامك يا قلبي

:D
X