لبنات البحرين بالتحديد بدلة عيد ميلاد

اختي نا سويت الى ولدي في سوق المنامة اماكن تفصيل عذه الملابس اسمه كان اقبال كان تقربيا 27 دينار روح واحد صوبه اسمه مسلم يعطيش تقربيا 15 دينار

ماعرف محلات بس حبيت اعطيج افكار ثانيه مع ان احتمال خلاص
جهزتي كل شي بس تقدرين تشترين له ملابس حق شخصيات
كرتونيه عندج محل ليدي بيرد عندهم على زورو وغيره وتسوين اشكال
في مكان الحفل على هالشخصيه راح يكون حلو :)

جنة القلب

شكراً حبيبتي على الفكرة

خيوو اتدلن واحد هندي يبيع عصائر في ماكينة اتروحيتن عنده و تلفين اللفة اهناك
يصير يصوب محلات الهنود اللي يفصلون العبايات و بيعون الشنط
و قريب ايضا عند اللي يبعون البهارات و الصحون و الصفاير اسالي اهناتك اذا وصات و راح يدلونش

مشكورة اختي ..

سوق المنامة لو اروحها مئة مرة بعد ما ادلي زين .. بس لو ذكرتي لي مكان معروف يمكن ادلي لان يا كثر الهنود اللي يبيعوووون عصاير هنااااك :)

بصراحه سؤالش مهم
وبصراحه ما ادل محلات تفصل ملابس الاطفال

بس اتوقع في المنامة تلاقين خياطين لهذه الشغلة
وهم في محل في الحورة يفصل ثياب الاطفال للمدارس وهي ملابس رسمية
فاتوقع يعرف يخيط للحجم الاصغر
عذريني مش فاكرة اسم المحل بس هو على الشارع قبل مدرسة الحورة


موفقة
وهبي بيرذ دي تو ولدك

الف شكر لج اختي الشيخة

قريب جدا الى مجمع دلمون مقابلة على الخواجة للعبايات و قريب له يكون في واحد يعبيع نفيش و عصائر دخلي هنا بكون في لفات الفة الثلاث اهي الى يفصلون ثياب

مشكورة أختي هديل ما قصرتين

تعبتج معاااااي السموحة

و الله يرحم والديج ...

هلا اختي .. نكست عندهم قميص و معاه نك تاي .. تقدرين تشترينه و تاخدين بانطلون اسود و جاكيت معاه ..

او مثل ما قالو لج محل تفصيل البدلات ..

في مدينه حمد سوق واقف .. مره جفت محل يفصل و عارض بدلات لاطفال .. يعني اكيد يسوي ..

يصير في اللفه اللي فيها عبايات الجنادريه و اليوسف بس وراء آخر شي صوبه صالون .. اذا دخلتي هذي اللفه على يدج اليمين يصير ..

مشكورة اختي و ما قصرتي..

بلى عرفت اللفة و انشاء الله ليي روحة و بشوف اذا عجبني تفصيلهم ..

عمري آية الفرقان

صباحك سكر ومساءك ورد

اللي في المنامة واللي في سوق واقف وحتى في مجمع اللؤلؤة اسمه البنوته واهو اللي يخيط حق الاطفال ،واللي في الحورة اسمه بيت الازياء بس هااااااي وايد يفصل غالي ،اذا تبين في خياط اسمه نزهة الصباح في منطقة الديه قريب من مخبز المنار ومخبز فلاح ايخيط مرتب ويعطيج الثياب في موعدها ويمه بعد واحد اسمه شاموا بعد خياطه مرتب واشوف اختي مدرستهم يتعاملون معاه واااااااااايد ويخيط لهم الزي الرسمي حق الاطفال يعني من عمر الروضة الى صف السادس الابتدائي وخياطه مضبوط ويسوي لج بروفة بعد حق الثياب قبل ما تجهز ....



أتمنى إني أفدتج وسامحيني على القصور

الف شكر لج اختي الأمورة شجن ما قصرتي و تسلمي لي و الله

و انشاء الله لي فررررررة على الاماااكن اللي قلتوها و بشوووف اللي يعجبني ..

بس هذا الخياط ( نزهة الصباااح ) يصير على الشارع اللي فيه مخبز المنار لو داااخل الديه ؟؟

آية الفرقان;7815503:
الف شكر لج اختي الأمورة شجن ما قصرتي و تسلمي لي و الله

و انشاء الله لي فررررررة على الاماااكن اللي قلتوها و بشوووف اللي يعجبني ..

بس هذا الخياط ( نزهة الصباااح ) يصير على الشارع اللي فيه مخبز المنار لو داااخل الديه ؟؟

هلا حبوبة

لااا ايصير اشوية داخل يعني تاخذين الاشارة اللي بتاخذج على مخبز المنار وبدل ما تسوين يو تيرن اتدشين على اليسار وراح اتشوفين صيدلية الرازي والشارع بياخذج سيدة وبعدها في دوار صغير اخذيه وارجعي على نفس الشارع لان الخياط ايصير مقابل صيدلية الرازي تقريبا وبتشوفين البورد مالته واضحة

الأمورة شجن

مشكورة أختي و رحم الله والديج ..

و انشاء الله اروحه في اقرب فرصة ..