مليت مليت من الدنيا ....

شمعة محبة 14-11-2008 41 رد 1,683 مشاهدة
ش
السلام عليكم ورحمة الله وبركاته
ماعرف من وين أبتدي .... أحس اني مضايقه وتعباااااااانه .... ونفسيتي أرف ....
أنا متزوجه من ثلاث سنين و4 شهور .... بس والله من تزوجت لحد الحين عمري ما حسيت بفرحه .. كل مشاكل ... ريلي يحبني لكنه دااااايما لاهي عني ... عمري ما احتجته وحصلته يمي ....
مليت من طلعاته وسهراته ... وأمس سهران ويا ربعه ولحد الحين ما رجع ...
و أكره احساس عندي يوم أحط راسي وأنام وأنا متوقعه اني يوم بفتح عيني بحصله نايم عدالي ..
بس أقوم ويكون مب موجود ....
مليت من كثر ما أقوله وأكلمه والمشكله انه يعرف ... تعبت من كثر ما يقولي انه بيتغير بس ما ألاحظ أي تغيير ...
تعرفون من كم يوم بعد صار نفس الشي .... راح بيصلي الفجر وكنا سهرانين ... وأنا بعد الصلاة حطيت راسي وغصبا عني نمت ... لاني كنت ناويه اني أترياه ... بس نمت من التعب .... وقمت الساعه 6 ونص وما حصلته .... أحس ان شياطين الدنيا نطت في راسي .... اتصلتله وقلتله انت وين ؟؟؟ قالي بعد ما صليت رحت عند ربعي .... وهني حسيت اني أبغي أموت وأفتك من الدنيا ....
ويوم رجع قلتله : لو في شي بكون ندمانه اني سويته في حياتي .. فأنا ندمانه لاني تزوجت ... والله من القهر ماعرف كيف طلعت مني هالكلمه .... حسيته تضايق .... بس قولولي أنا معاي حق اني أتضايق ولا ؟؟؟؟
مليت من المشاكل كل يوم طالعين بشي يديد .... وهاي السالفه ماعرف متى بنخلص منها اللي هي سالفة ربعه وطلعاته .... اللي يقهرني انه وايد يقضي أوقاته ويا ربعه وأنا ما يقضي وياي حتى نص هالمده ... إلا نااااااااادر .... قبل كنت أحب أيلس وياه أو أطلع وياه ...
تعرفون الحين وصلت مرحله اني أتثاجل يلسته وياي ... أحس ان في شي غلط ....
عمري ما حسيت انه فرحان انه معاي سواء كنا فالبيت أو طالعين ... إلا نادر ... ونادر جدا ...
بتقولولي سويله جو وماعرف شو .... مليت من كثر ما أبتكر أفكار عشان أجذبه بس مافي فايده ... العوي بيتم عوي لو شو ما سويت .... والله اني أدعي ان الله يرزقني الفرحه والسعاده في حياتي ... لكن أحس ان الفرحه ما تدل بابي .... الحمدلله صلتي قويه بربي ... ونادرا ما أفوت قيام الليل ... ودايما أدعي ... ما يأست من رحمة الله .... بس ساعات أحس اني مليت وأبغي أرتاح .... دايما محكووووره فالبيت لا أنيس ولا ونيس ... ريلي كله محد ... والله من القهر أدعي ان الله لا يحوجني لا له ولا لغيره .... والله يغنيني عن كل البشر ....
أفكاري ملخبطه ... ما تم شي ولا فكره ولا جو يديد ما سويته لين تعبت من الابتكارات ولاعت جبدي .... قبل كنت دايما أحاسبه وشفت ان مافي فايده لان الريال ما يحب حد يحاسبه ... والحين مخلتنه على كيفه ... لا ارتحت قبل ولا ارتحت الحين مادري شو أسوي ....
ساعات أحس اني أعطيه فوق حجمه وهو ما يستاهل ... وأحبه وهو ما يستاهل كل هالحب ... تنازلت عن أشياء وايد عشانه بس .... وهو مب مستعد انه يتنازل بشي صغير عشاني ....
تعبت ومليت مليت مليت .... خاطري يصير قلبي أسود و قاسي عشان ما أفكر في حد ...
ساعات أحس اني فرحانه اني تزوجت وساعات أحس ان لو ترجع فيني الدنيا ما كنت بوافق على الزواج ...
أحس ان الرياييل ماتوا ... ما في ريال عدل الحين ... قبل الريال عنده بيته وأهله أول شي بعدين وناسته ... الحين الريال ما يفكر إلا في نفسه ....
آآآآآآآآآآآآآآآآآآآآآآآآآآآآآآخخ ... حسبي الله ونعم الوكيل ....
ح
اللة يهدي زوجك لك اللهم امين وصدقيني مالك الا الصبر وادعي لة بالهداية ياختي وتشرفت بمعرفتك
ش
دايما أدعيله ... الحمدلله على كل حال ...
مسكوره حبيبتي ...
.
حبيبتي الله يعينك على الحياه اللي انتي عايشتها بس ابغى اسالك عندك اطفال منه ؟؟ لانك ما ذكرتي في مشكلتك ؟؟

عموما هو متمادي بسهراته وطلعاته اللي احسها مررررررررره بزياده لانك من بداية الزواج الى الان ما اخذتي معاه موقف جدي وصارم مو بالصراخ والهواش والمشاكل لا اجلسي معاه وكوني جديه لا تبكين ولا تبينيله حزن خلي في نظرتك جد وجد بس وكمان خلي فيها شيء من الغموض وقوليله انا ما امنعك من اصدقائك بس مثل ماهو له حقوق عندك ومطلوب منك تسوينها هو بعد مطلوب منه حقوق ولازم تتنفذ عشان تمشي الحياه ما ينفع تجلسين تضحين عمرك كلع عشان واحد مجرد انه يقول انه يحبك ؟؟؟؟

وقتها خيريه يا يعدل حاله واعطيه مهله اسبوع او حددي اللي تبينه بس لا طولينها لانك صبرتي بما فيه الكفايه يا وقتها تستعينين باحد من اهلك او اهله خليهم يساعدونك لا تخافين ولا تترددين او روحي عند اهلك المهم تحسسينه انك جاااااااده وانه خلاص صبرتي بما فيه الكفايه مو كلام وبس لانه سمع كثير وما نفذتي سار مايهتم لي تقولينه من تهديد,,,

الله يهديه ويصلح حاله يارب لا تنسي الدعاء له بالهدايه وصدقيني هذا ابتلاء من ربي قوي صبرك والله يرزقك ياللي يسعدك ,,,
ح
انا دايما اسمع كثير بنات يشتكون من ازواجهم وانتي ذكرتيني بزوجةاخوي نفس مشكلتك مع زوجها واللة يعينكم عليهم بس هذا الدنيا واللة يقوم حظك مع زوجك لاني انا اشوف كثير حظهم حلو مع ازواجهم وعلى قولة المثل دنيا حظوظ دنيا حظوظ اللة رمى حظي معاة واللي اقدر اقولة اللة يهدية لك انشاللة وانا ادعي لك من قلبي اللة يهدية لك
ش
s4everk

حبيبتي عندي منه بنتين ... الاولى توفت والثانيه عمرهاالحين 3 شهور ونص ... و واااايد يحب بناته ... وأكثر من مره كلمته بشكل جدي ويوعدني انه بيخفف سهراته ... لكن صرت ما أصدفه لأن كلامه واااايد لكن مافي فعل يدل على التغيير ... أمه وأبوه كلموه أكثر من مره ... وخاصة أمه ... بس ما تغير شي .... مليت وأحس ان مالي غير الدعاء ... أنا ما أحب أدخل أهلي في مشاكلي لان أخاف تصير حساسيه ... أنا ريلي ولد خالي .... وبعدين أصلا صايره مشكله بيني أنا وأهلي وأهله .... فإذا دخلت أهلي بتكبر المشاكل أكثر و أكثر .... مشكوره حبيبتي وما تقصرين ...


حلمي الجميل
تسلمين حبيبتي والله مب محتاجه غير الدعاء ... الله يسعدج يااااارب .....
ذ
الله يعينج خيووو شمعة محبة

أنا أقول إذا الزوج بوصلته دوم متجهة للخارج فهذا معناه فشل في الداخل

لاتنزعجين ولا تتسرعين خيوو انتظري وكملي قراءة كلامي

أدري بتقولين مو مقصرة , وآنا ماقلت مقصرة لأن من كلامج يدلّ إنج مو مقصرة معاه

بس أنا أقصد خيوو , اعتبريها معركة - ان صح التعبير - بينج وبين ربعه وصممي انج انتي اللي تكسبينها


افتحي حوار بينج وبينه ( لاحظي قلت حوار ماقلت عتاب ولوم ومناجر )

حاوريه بهدوء وفي جو هادىء ودافىء وكوني طبيعية وحاولي تعرفين جو القعدات اللي يقعدها مع ربعه
أعتقد من هالمدخل بتعرفين اذا في شيء ناقصنه داخل البيت لولا

ش
ذائبة في عشق زوجي
هلا حبيبتي ... مشكوره على المرور .... مثل ما قلتي أنا مب مقصره معاه في شي ... ويلساته ويا ربعه بصراحه يلسات وااايد فاضيه .... ريلي وربعه واااايد يسمعون أغاني .... وماعرف اذا هم من النوع اللي يحافظ على صلاته .... يعني بمعنى ثاني يلساته ويا ربعه بطاليه ان صح التعبير .... و واااايد من الاهل يشوفون ريلي بنظرة ان هذا فاضي .... الحمدلله ما يسوي كبائر ....
بس يحب يسمع أغاني بشكل فظيع حاولت أجامل بما فيه الكفايه .... خلاص ما أقدر أجامل أكثر على حساب ديني ... أنا الحمدلله ملتزمه وما أحب أسمع أغاني ... وبصراحه ريلي مب النوع اللي محافظ على دينه .... نصحته واااايد .... واذا عن الحوارات مليت وأنا أتحاور وياه بشكل هادي وفي جو رومانسي ... ما تغير شي .... صرت ما أحب أسمع منه كلام حلو ... لاني أعرف ان هذا بس كلام .... واذا يينا عند الفعل ما في شي ....
أحس اني مب قادره أتقبل وضعي أكثر .... حاولت اني أتواصل مع استشاريين زواج ... بس ما لقيت حد .... حاولت أكثر من مره اني ألاقي رقم الدكتوره ناعمه الهاشمي بس للأسف ما حصلته ... وصعب علي أروح لها لانها في أبوظبي وأنا فالشارجه ...

تعبت قولولي شو أسوي ؟؟؟؟
ب
اختي كل مشكله ولهاا حل انشاء الله وباذن الله تنحل مشكلتج
ش
الله يسمع منج ياااارب يا بنت ابوهااا
ش
ذائبة في عشق زوجي
نسيت أقولج على نقطه ... ريلي من تزوجته جذيه .... يعني مب انه كان ايلس وياي ولاني ممله قام يطلع ..لا هو فالاساس جذيه .... حتى هو بنفسه يقولي أنا طبعي جذيه ... مب اني مليت منج أنا من قبل الزواج دايما أطلع ....
ا
الله يهدي زوجج ويسر أمورج ويوفقج ويفتح لج أبواب الخير
ش
وينكم خواتي ؟؟؟؟

:(

جد ما توقعت انكم اطنشوني جذيه :( ...


الليالي المنسيه
تسلمين حبيبتي على الدعوه والله يسمع منج ياااارب ....
e
الله يهديـــه يااارب
انا مرة صارت مشكله بيني وبين خطيبي وهو كان الغلطان وقمت ابكي وهو من قبل المشكله متعلق بربعه لاكن بعد المشكله ربعه نساهم الحمد لله ماصار يرحو عندهم واييد هو على حسب اختبريه احبج لو لاء؟؟؟
اذا يحبج خيرتــه بحس على دمــه
ش
ماء الحنين
تسلمين الغاليه ... يقول انه يحبني ... بس ما أشوف تغيير ... أتمنى ايي يوم ويتغير ...
مشكوره حبيبتي ....
ه
اختي الله يهدي زوجك انا امر بنفس المشكله ومالنا الا الدعاء والله الهادي بس ساعات الاصدقاء هم سبب تعاسة الازواج انا عني ايام الملجه زوجي وعدني انه يتغير ويقلل طلعاته وكان اتفاقنا تطلع بس تكون في البيت الساعه 12 واذا انا طلعت سرت عرس وتأخرت مسموح لك تسهر وكان والله اني اسير عرس او حفله مع اهله واقوله بتطلع ويتحمس ويوم ارجع البيت الالقيه يالس يطالع تلفزيون ويتضحلي انه ماطلع من البيت وكان ناوي يلتزم لين بدأو اصدقائه يقولوله وليش تخاف منها وخلك قوي ونحن حريمنا ما يسون تلفون ولا يسألوون متى بترجعون ومن هالكلام الي يمس الرجال برجولته لين صار عصبي ومايرضى يقعد في البيت الا يطلع 12 ويرجع 5 الفجروالمشاكل والصراخ ماتسوي شي بالعكس اتزيد الطين بله بس الله قادر يغيرهم والا بيي يوم وينهدون الازواج والله يخليهم لعيالهم .
ف
والله الموقف صعب يا اختي

صعب صعب... انا ادعيلك بالسعادة ولزوجك بالهداية

الله يسعدك ويهدي زوجك يا رب

انت كلميه وشوفي وين الغلط ..ليش يحب يروح عند ربعه؟ اش اللي يجدبه لهناك وحاولي تعمليله جو
مثل جو ربعه .. عساه يتغير ان شاء الله
.
حلتج واحد

بس لازم تكوني قدها وتستمري

قوليله انا ابي ريلي يكون يمي بالسرير مو اصحى وما القاه

يوم انك بتعدل طبعك راح تلقاني على السرير وياك

واذا بتظل على ها الحال راح انام بدار بنتي

لين ما تتعدل

(هذا رائي ومنتي مجبره تسويها الا اذا اقتنعتي فيه)
ر
انتي تشكين حال اغلب الزوجات انتي مو في مشكله غريبه

لا بالامارات ولا عندنا كلهم يتنحشون من المسؤليه والاهتمام

الله يخلف علينا بس توكلي على الله وانتبهي لصحتك وحياتك وسعادتك اشتريها شرا

روحي سافري البسي وانسي طلعته ورجعته ..

تحياتي
ش
هند يوسف
تسلمين الغاليه ... الله يفرج علي وعليج يااارب .... مشكله بعد يوم الريال يسمع كلام ربعه .. بس يشوفون الرجوله يوم الواحد يتأمر على حرمته ... للأسف ما يعرفون شو معنى الرجوله ... لا حول ولا قوة إلا بالله ....


فجر الليل
تسلمين الغاليه ومشكوره على الدعاء والله هذا اللي محتاجتنه ... ما تم جو ما سويتله .... وبعدين جو ربعه غير ... جو شباب ... وأنا مثل ما قلت ربعه وااااايد مستهترين بأمور الدين ... وأنا بصراحه ما أقدر أجامل على حساب ديني .. الله يهديه ويهدي شباب المسلمين يااارب ....


شاانيل
تسلمين حبيبتي ... والله رايج عيبني بس للأسف ... بنتي مالها غرفه خاصه فيها ... وهي تنام ويانا لانها بعدها صغيره 3 شهور ونص الله يحفظها ياااارب ... مشكوره ...
X