ولدي والخدامه .... عدائيه مو طبيعيه

جيد المها 14-11-2008 17 رد 1,714 مشاهدة
ج
السلام عليكم اخواتي امهات عروس

انا ابني الكبير عمره 3 سنوات و7 شهور عجز يتأقلم مع الخدامه وهي عندي لها سنه تقريبا ويكرها كره مو طبيعي ما يرضى تجلس بالمكان اللي هو فيه ولو كان يشوف افلام الكرتون بالغرفه ما يخليها تجلس معه ابد واذا كنت مشغوله وهو بالحمام الله يعزكم وابغاها تروشه او تغسله ما يرضى ابد ما يبيها للدرجه مره كانت نايمه معه بالغرفه ما سمعت الا صراخها مدام مدام مدام واروح واشوفه ماسك المقص كان بيقص شعرها من بعدها مانامت معه بالغرفه :eek:
هي بالامانه تقرب منه تتلطف وتتودد له لكن دون جدوى
ما ادري وش اسوي ... ساعدوني عطوني ارائكم او حلولكم .
ا
يالله يقص شعرها مرة وحدة هههههه ياربي يسعده الولد عصبي
مشكلة غريبة والله طيبانتي اسئليه حاولي تفهمي منه ايش سبب كرهه لها ......
اسئليه اذا بتئذيه او مرة ضربته حاولي تفهمي منه سبب الكره وان شالله تحصلي اجابة ...
ممكن انه يكون يخاف منها او شاف عليها شي او ضربته زمان او اي شي
والله يكون بعونك يارب
ب
انزين وش طريقة مععاملت الخادمة للطفل ؟؟

في نظري لو كانت معاملتها لطيفة ،، اعتقد ان الطفل راح تكون معاملته لطيفة لها أيضا !
ق
أنا عندي مبدأ
إذا الطفل حب الشغاله وتأقلم معاها فهي ممتازه معاه
وإذا كرهها فهي معاملتها مش أوكي معاه
ولدج كبير حبيبتي ويفهم ، سأليه وبتعرفين السر إن شاء الله
&
قطر;7742996:
أنا عندي مبدأ
إذا الطفل حب الشغاله وتأقلم معاها فهي ممتازه معاه
وإذا كرهها فهي معاملتها مش أوكي معاه
ولدج كبير حبيبتي ويفهم ، سأليه وبتعرفين السر إن شاء الله


نفس الرأي
h
انا من نفس راي الاخوات .. ولدي صغير (سنه و4 شهور) الخدامه جدامي تتودد له وهو مايبيها كللللللللللللش ..بس حاولت اراقبها من غير ماتدري ..ماده البوز ودفشه وياه ولاتتكلم معاه او تصرخ عليه..
حبيبتي اليهال ما يعرف يكره بدون سبب... تاكدي وطمنينا


إسمحيلي على الاطاله


اختج
h1986
j
صحيح انتي اغفلتي جااااااااااااااانم مهم رميتى الوم على ولدك مع انمو تربايتك ولمن اهملتي كيف تتعامل الخادمة ماعاه يعني انتبهي لهذي النقطة ومثل ماقالو الاخوات هذا طفل ومستخيل يكرة من غير سبب ابحثي عن السبب
.
اضم رأي لرأي اخواتي
د
رأيي من رأي اخواتي

مره شفت برنامج في التلفاز عن معاملة الشغالات للأطفال
كانو حاطين كاميرات بالغرفه بدون مالشغاله تشوف الكاميرات
صارو يراقبوها فكانت الخدامه وقت مابتنيم الأطفال تاخذ اطفل وتمسكه من اقدامه
وتدور به لين مايدور راس الطفل وينام صار الطفل من يشوف الخادمه يتضاهر انه نايم

فنتبهي لأطفالك من الخدم وثاني شي مأأيد ان الخادمة تنام مع الطفل بغرفه هذا اكبر غلط

تقبلي تحياتي
ا
اختي انتي كيف تعاملج مع الخدامه يمكن ايكون ايقلدج اويسمعج ماادانيها ويسوي مثلج او يمكن الخدامه تعاملها معاه مب زين وقدامج اتسوي عمرها زين وهو ايغلط عليها لانه ا لو كانت يديده يمكن ما تاقلم معاها لكن اتقولين عندج من سنه هني غريبه السالفه:think:
ج
مشكورين اخواتي على ردودكم
انا اكيد اسئله هو كبير ويفهم ما شاء الله عليه لكن ما فيه رد يقول ما يحبها والخدامه من جات وهي تتقرب منه لكن هو ما يبها بعدها صارت ما تكلمه او انها تسوي له شي الا لما تقولي انا بس انا حسيت من اول ما جت انها ماهي من النوع الحنون عالاطفال طيبه بس ما فيها حنيه انا مو محتاجه حنانها ابد لولدي
واذا تقولوا تسوي له شي او ضربته انا بالبيت على طول وولدي قدامي غالبا ولو طلعت ما اتركه معها ابدا
اما عن تعاملي معها انا اعاملها معامله حسنه ماني من النوع اللي يهاوش او يهزئ بالعكس هذي انسان مهما كان وتحس مثل مانحس
الله يكون بعوني والله يعطيكم الف عافيه
أ
الله يعينك
d
الله معكى
أ
رايي من راي اخواتي وبما انه كارهنها انصحش تبعديها خوفي تسوي بالطفل شي وتتحسفين بعدين الله لا يقولها بس اتصرفي بسرعه..
*
لازم يكون فية سبب
وبعدين اختي لاحظ شي في كلامك وابي اقولج رايواذا كنت مشغوله وهو بالحمام الله يعزكم وابغاها تروشه او تغسله ما يرضى ابد

اشلون تطمنين على الخدامة تدخل مع ولدك الحمام
وماتعرفين الحين الخدم ومشاكلهم مع العبال
انتبهي اختي
ترى ممن يصير شي تندمين بعدين علية
المفروض انتي الي تهتمين في امر ولدج الخاصة مو الخدامة
لاتزعلين مني ترى اتكلم لمصلحتج
r
غريب تصرف ولدك
بس يمكن هو من النوع اللي ما يحب الغرباء
طالما هو مو محتاجها و هي شغلها بس البيت يكون أحسن أنه يكون بعيد عنها علشان لا تؤذيه أو يؤذيها
و فكرة الشغاله تنام مع طفلك أني ما أأيدها .
الله يهديه
ا
كانك تتكلمين عن ولدي بس اخس من جذي بعد ...........

شفتي توم اند جيري >>>>>>>>>>>>>مثلهم ...

مشكله مو راضي يتاقلم وياها .. وساعات احسه يحبها بس يتمازح معها

ياريت نلقى حل
ج
شكرا لكل من رد علي الله يعطيكم العافيه جميعا

ام عبادي ما في شي يزعل حبيبتي كلن له وجه نظر

ايوت الله يكون بعونك وعوني .
X