التجمع الاول للحوامل اللي بتكون ولادتهم على شهر يناير 2014 باذن الله

اي والله انا بعد اييني الم ويروح قاص علي ايي ويروح وانا من ايي استانس لكن في النهايه يحبطني ويروووح.. هذاني انتظر.. انا مو مستعيله على الولاده بس تعبت من الشغل ومايعطوني اجازه توني مشتغله.. حدي تعبت من الشغل ذابحني..

معقول لحد الحين ولا وحدة ولدت ،، الله يسهل عليكم يارب

للحين ماولدنا انا تعبت ذابحني ظهري الم الطلق يروح وايي بس مو قاعد يستمر ويزيد عشان اروح النستشفى.. حاولت مع دكتورتي اتولدني بس مارضت للاسف

انا المفروض باجر موعد وﻻدتي ..
بس للحين ماجوف بوادر


اهئ اهئ اهئ

ملييييييييييييييت

صباح الخير كروشات شلونكم ان شالله ولدتووو بالسلامه

انا حبيت اخبركم اني ولدت وجبت احلى معرس وسميته سعود ربي يحفظه

انا تاخرت بالولادة كان التاريخ المفروض 13 يناير وولدت 19 يناير يعني تاخرت 6 ايام بالضبط الحمدد لله

يلا وينكم بشرونا شلون كانت ولاداتكم

هلا عروسه.الحمدلله على سلامتكم ومبروك ما ياج يتربى بعزكم ان شاء الله..

احنا هذاا احنا للحين انلالي مع الدبه.. انتي ولدتي قولي لنا اشسويتي اشصار اشلون عل وعسى يشتغل البنجر اللي عندنا ونولد. . سوي لنا تحفيز ورفع معنويات خخخخخخخ الله يساعدنا بس

يا هﻻ وغﻻ والله
و اخيييييرا. ..
الحمدلله عالسﻻمة حبيبتي ومبروك ما ياكم

يتربى ف عزكم انشالله ... يالله قوليلنا شصار معاج بالتفصيل ..

انا رحت العيادة امس .. فحصتني وقالت متوسعه 2 سانتي
سوت لي تحفيز ع قولتها ... وقالت انشالله باجر وﻻدة ...
وليلحين ما جفت شي ...

دعواتكم بنات ... صج صج تعب

الله يسهل عليج هنووف ان شاء تولدين وترتاحين..


الظاهر انا مسك الختام مافي بوادر ولاده.. وعيزت وانا اقول حق الدكتوره سويلي طلق صناعي مب راضيه..

مرحبا شلونكم عسى ولدتو ....اذا بعدكم روحو امشو ع رمل البحر بس مو الرمل اللي داخل فيه الماي وصاير مسحوت لا الرمل الجبال الناشف البعيد عن الماي وان شالله بتولدون ...اكلو اناناس وتمر واقروا بماي سورة مريم وشربو منها وان شالله تدخلون وتبشرونا

الله كريم ..

متوسعة 2 سانتي وفي طلق بس مب منتظم ..
قاعدة تنزل افرازات وفيها شوي دم .. بس الطلق مو قاعد يزيد والماي ما نزل
مادري شاسوي ..

الله يهون عليج هنوف ويعينج انا بعد اييني طلق مو منتظم وماعرف جم متوسعه ماشيكت لي انتظر اييني الم عدل تعبت خلاص ابي اولد

اليوم رحت موعدي للاسف قالت لي مايبين بتولدين الحين بتشوفني بعد اسبوع مافي علامات ولاده.. واذا بعد اسبوع ماولدت هم بتخليني اسبوع زياده

مساكم الله بالنور والسرور

حبيت ابشركم اني ولدت يوم اﻻحد .. واخيرا شررف حبيب قلبي "حسين"

الحمدلله الذي بنعمته تتم الصالحات

الحمدلله على السلامه هنوف ويتربى حسين في عزكم ان شاء الله.. باقي انا وعليه علي صموووووود

هلو كروشات الرشيقات.. انا ولله الحمد ولدت اول امس 9/2/2014 ويبت الغالي ابراهيم عسى الله يحفظه ويخليه ويكون من الصالحين الباريين..

ألف ألف مبروك والحمد لله على السلامة .. أيش مسوين ألحين مع البيبي؟

الحمدلله كل شي تمام.. بس انا متعذبه مع سره ملتهب وللحين ماطاحت.. :-(