التجمع الاول للحوامل اللي بتكون ولادتهم على شهر يناير 2014 باذن الله

الحمدلله حبيبتي هنووف الله يحفظ مافي ارحامنا يارب

السلام عليكم يا كروشات
شلونكم؟ وشلون كروشاتكم؟
شكرا لكل اللي تحمدولي بالسلامة علشان تعبي يوم العيد .. الحمد لله ألحين وايد أحسن

أنا إيمان الأصل من العراق وعايشة في كندا من حوالي 5 سنوات
هذا حملي الخامس ثلاث اجهاضات وعندي ولد واحد عمره الآن ست سنوات ونص .. الله يحفظه لي ويبارك لي فيه
أمس سويت الترا ساوند .. والحمد لله كل شي تمام .. وطلعت حامل ببنوته .. ربي يجيبها بالسلامة ويحفظها من كل شر
الحمد لله العائلة كلها فرحت بالخبر .. لأن ما شاء الله تبارك الله راح تكون بنوتتي أول حفيدة في العائلة .. كلهم أولاد

كنت متفقه مع زوجي أن لو بنت راح نسميها على اسم أمي ولو ولد راح نسميه على اسم أبوي .. طبعا زوجي كان موافق وما عنده مشكله .. لأن ولدنا هو اللي سماه وحقيقة أنا ما كنت موافقه على الاسم .. فترك لي حرية الاختيار هالمرة
اليوم لما قلت لأهله أن راح أسمي على أمي .. اشتغلت الاعتراضات من كل جهه .. وللأسف هو صف معاهم .. يقولون الاسم قديم .. وبطلت موضه أن الواحد يسمي على اسم أهله .. واللي يقول سمي اسم انجليزي عربي بحكم ان احنا عايشين بكندا .. المهم أن فروا راس زوجي .. وأنا كنت خلاص معتمده على الاسم ومواعده أمي أسمي عليها .. والله ضيعوا فرحتي وغثوني ..

والله اسم أمي حلو .. في أحلى من اسم "فاطمة" .. يكفي انه اسم بنت الرسول عليه أفضل الصلاة والسلام

شالحل ألحين .. والله فشيله من أمي بعد ما واعدتها .. واشلون أقدر أقول لأهله أنهم ما يتدخلون بهالموضوع بطريقة ما تزعل حد

عروسة قلبه وعمره;16568586:

قائمة بالمشاركات في هالتجمع وتاريخ ولادتهم باذن الله :) الله يزيد ويبارك

احلام انثى ............................ 1/1/2014 باذن الله

Eman Moon .............

[SIZE=4]7/1/2014 بإذن
[/SIZE]

الله

روح الصبايا ............... 26/ 1 / 2014 باذن الله

هنوف المملكة ............... 26/1/2014 باذن الله

لدن.................. 17/1/2014 باذن الله

ام سلمونتي وسعود ............31/1/2014 باذن الله

عروسة قلبه وعمره ..........13/1/2014 باذن الله

ام محمد................ 26/1/2014 باذن الله

warrda 19 باذن الله

شعور ضايع بلياك .................. 12/1/2014 باذن الله

JOOD03 ...............
18/1/2014 باذن الله

همس الورد 20 ................ 27/1/2014 باذن الله

شقليطة ......................... 30/1/2014 باذن الله

الحب الكبير .................... 10/2/2014 بإذن الله

الحروف الفاطمية ........................ 1/3/2014 بإذن الله

الامل الوردي ........................ باذن الله

@eman@ ........................... باذن الله

*****************

اتمنى ما نسيت احد واللي عندها اي تعديل انا حاضرة للطيبين:perfect:

ممكن أطلب طلب
ممكن نرتب الاسماء بحسب تاريخ الولادة .. بحيث بسهولة كل وحده تعرف من اللي قبلها ومن اللي بعدها وكم الفرق بينهم ..
اتمنى ما يكون طلبي دمه ثقيل

ومشكورة

حبيبتي ايمان بصراحه الاهل مالهم دخل في اسم البيبي وثاني شي انتي لازم تقعدين مع زوجج وتفهمينه ان هذي السالفه تكون بينكم وانتو تتفقون عليها بروحكم بدون تدخلات والقرار قراركم وثالث شي قولي له انت سميت الاول بدون رضاي وانا وافقت في النهايه لاني احبك واحترمك فانا اللي اتعب واحمل ومن حقي ان اسمي طفلي اللي يعجبني اايضا .. ورابع شي انت وعدتني ان لي حريه الاختيار والمفروض ماتخلف في وعدك وخامس شي انا وعدت امي اسمي عليها ومابخلي في خاطر امي هذا شي وازعلها عشان اسم..


انا حاسه فيج ولاني مثلج في معاناتي مع زوجي بس الفرق ان اهله وقفو معاي لان هالشي من حقي .. انا ابي اسمي ع ابووي واهو مو عاجبه الاسم مع انه اسم عادي ابراهيم لكن في النهايه وافق لان لو ماوافق باقلب الديره عللى راسه مو بس البيت:024::011::031::KjYHa::023:

هلا بنات شخباركم

هنوف الله يتمم لك على خير

إيمان مبروك البنوته الله يتمم لك على خير

وبالنسبة للاسم خلاص هو إنطاج وعد وانتي قلتي للوالده قولي عيب ما اقدر قلت لها وخلاص وأنا الاسم عاجبني وكل يوم زني عليه لين يوافق

صباحكم ورد كروشات

الله يبلغج تمامه ايمان..
البنات ما قصرو كفو ووفو ومافي احلى من اسم فاطمة :) ..
وانتي بعد بطريقتج حببيه ف الاسم وعوديه عليه..
مثلا لا تنادينه باسمه .. لما تكلمينه قوليله حي الله بوفاطمة .. نورت البيت يا بو فاطمة..
تعال بو فاطمة .. روح بو فاطمة .. خخخخخخخ

لين يتقبل ويناديج ام فاطمة خخخخخخ

السلام عليكم شلونكم بنات فديتكم انا كنت معاكم بالتجمع بس الله ماكتب حمالي يكتمل وخبرت صاحبة الموضوع بس اللحين قاعده افتر اجوف التجمع لانه وحشني قلت اطل عليكم جفت اسمي من بين الحوامل من الاخت eman moon بس حبيت اصحح لها اني مب في التجمع بس واااايد استانست لما جفت اسمي ههههههه للحين تذكروني ويا اساميكم


ادعولي الله يعوضني بالخير بطفل سليم معافي ياربي انا وكل متاخره ياربي والله يهل ولادتكم

شعور

الله يعوضك بالحمل السليم المعافي

قدر الله وما شاء فعل والحمد لله على كل حال

الله يعوضج حبيبتي شعوور .. كله خيررر والخيره فيما اختاره الله..

الحمد لله دخلت شهر الخامس يارب تمم علينا بخير

مبروووك ام محمد الله يتمم علي وعقبالي ان شاء الله .. مع اني احس الايام ماتمشي بسرعه ادزها دز

ام محمد 13

هنوف المملكة

الحب الكبير

يزاكم الله خير واللهم امين ياربي انا وكل متاخره والله يسهل عليكم يارب

أم عبد العزيز أميين الله يسهل عليج وتدخلين الخامس صادقه الأيام أحسها طويله خصوصا لو كنت انتظر موعد

شعور امين الله يفرح قلبج بالحمل السليم

امين يارب .. اي والله انا موعدي 1/9احسه. الاسبوع مو راضي يمشي تعبت وللحين ما احس بحركه البيبي الا احيانا .. يمكن لو كنت احس فيه يهوون ..

السلام عليكم.. بنات الصراحه انا داخ راسي وانا اقرأ عن تمارين كيجل ولا قادره افهم الطريقه .. اللي عرفته ان الله يعزكم كأن احبس البول واهده هذي اوكي بس الشي الثاني شنو احط يدي واسوي هالتمرين واحس ان ينفتح ومادري اشكاتبين مافهمت الطريقه والله ياليت احد يشرح لي عدل.. على قولتهم هالتمرين يقوي المنطقه ويجنبنا من شق العجان .. اتمنى اولد بدون شق .. :(

حبيبتي شعور ضايع بلياك

الله يعوض عليج بالحمل السليم المعافى
عاجلا غير ااجل ان شاء الله

مرحبا كروشات

شخباركم انا الحمدلله دخلت الخامس اخيراً

احس الايام تمر بطيئة جداً

متى نحس بحركة البيبي انا للحين ماحس بشي

ومتى ناوين تشترون اغراض البيبي انا ودي اشتري من الحين شرايكم ؟!


الله يتمم حملنا جميع ويرزق كل مشتاقة يارب



.

ام عبد العزيز انا حسيت بالحركة نهاية الثالث رفرفه والحين الحمد لله أحس لفيها واضحه الله يطمن قلبج هانت قرب الموعد

وبالنسبة للتمارين على قولتج ما افهمها عدل إلا تخاطرين الله يسهل علينا وما نحتاج قص يتممه انقباض أتذكرت الألم ههههههه


لدن مبروك دخولج الخامس

عرفتي جنس الجنين

انا لمن أتأكد ان شاء الله ابدا اجهز الصراحة ما احب أجهز وأنا ثقيله الحين تونا حلو الوحدة تترقب التخفيض وتشتري على راحتها

عروسة قلبه مختفيه عسا المانع خير