~~{( التجمع الثالث لمواليد (6) يونيو 2013 )}~~

تتاوي شكرا عالشرح حبيبتي

أحبك
الله يعينج

شروق انا اللي مش عارفه الاقيكي اصلا ومفيش حاجه وصلتني ياقمر
طيب انا هبعتهولك تاني وانتي ياريت تبعتيلي صداقه او ابعتيلي بتاعك وانا اضيفك لان المره اللي فاتت عملت سيرش عليكي ومش لقيتك

هلا مامات كيفكم

حبوبات اليومم خلصت اربعيني وصدرري للحين متجرح من الرضاعه

لي شهر استخدم ميبو ولا خف للحين تعبت من الالم ماتعرفون علاج ثاني غير الميبو

وحشتوني

مرحبا بنات تلفوني انسرق
وبين مارجعت خطي وتلفون جديد
شونكم

يحليلج شروق ديري بالج

مرحبا بنات

ما اعرف احد خبركم او لا. عالعموم ٢٢/٨ ولدت نور الحمدلله على سلامتها


شو اخباركم مع الربى و السهر

شروق شو مسويه مع يوسف ومريم
انا وايد تعبانه احس اني سوووبر مامي هههههه

بنام و باجر باقول لكم عن ولادتي ادري متاأخره بس انشغلت وايد


عروس مبروك ما ياج اختي و اعذريني متأخره ❤

من امس محد دخل..

صباح الخير عالجميع.
تتذكرون لما قلت لكم ان فيني طلق متباعد والرحم مفتوح١ ورجعوني البيت
طول الاسبوع تيني طلوق لين يوم الجمعه ياني الم تحت او بالاصح ثقل وحتى دخلت الحمام حسيت ان البول متقطع .. الله يعزكم

طبعا قلت لزوجي ابي اروح الصالون و احجز تشوكلت و هالسوالف
قال بروح البحر وبرجع المغرب اوديج .. انا تضايقت قال لي فيج الم شي؟ قلت له مثل كل يوم
سويت غدا لولدي وانا. طقطقت شي خفيف وغسلت ملاحف و فوط خذتهم لبنتي زياده و جلست قلت خلني افتح مكينة الواكس و اشيل يداتي عالاقل
شلت وخلصت وجلست فتحت اللاب ونزلت صور الكام عاللاب. وخليتها تشحن الالم كان متباعد
وصل زوجي الساعه تسع وانا معصبببه
قلت له خلاص مابروح مكان قال لي نزلي اترياج تحت
لبست و نزلت مع ولدي

رحت الصالون قالو مافي وقت الا حق واكس انا كنت ابي بديكير ومنيكير واضبط ويهي
قلت اوكي واكس واكس سويت واكس وطلعت
و رجعت السيارة وانا زعلانه قال زوجي شفييج قلت. له ماخلصو شغلي قام يدور فالصوالين. لقينا صالون والعاملات برى بيمشون كلمتهم قالو تفضلي
وانا جالسه اسوي حواجبي احس الالم يزيد يزيد

كل ربع ساعه كان
مريت محل التشوكلت و خذنا عشا قلت لزوجي بعد العشا ودني المستشفى
طالعني قال مافيج شي
قلت له فيني قال بنروح مثل ذاك اليوم وبيرجعونج
قلت له لا اليوم اكثر
المهم خذت شاور دافي والالم مايخف وقت اييني احس ان بصيح وبعدين يروح
خذت شنطة يدي وكوب بابونج وعالسيارة ريلي مب مقتنع ان فيني ولاده
قال لاتشيلين اغراضج
المهم رحت وحتى النرسات مب مصدقين ان فيني طلق

سوو لي تخطيط قالو مافي طلق
بس حركة البيبي سريعه ونبضها سريع
قلت لهم انا يمكن مأثر عليها فقر الدم انا كان عندي فقر دم معقول رجع
قالو بنخليج بعد ساعه نلاحظ النبض و شربونيً ماي
ومصرين ان مافيني طلق
ياووني الدكتورات قالو شوفي لو ما انتظم النبض بنولدج
وبنسوي لج تحريض وطلق صناعي وغيره
و بنخليج في غرفة الملاحظه مع المد وايف ساعتين
وخلوني طبعا هاللحظه كلمت زوجي يودي ولدي بيت حماي ويجي يجلس معاي
عالساعه ٦ قالو انتظم النبض بس نبي نشوف لين الصبح بندخلج تنويم عشان نسوي التخطيط بعد الفطور
وقالو لزوجي الساعه١٠ نرخصها

اقول لهم والالم اللي فيني قالو مافيج طلق
ماوصلتي لمرحلة الولاده

اتمشى مع ريلي اقول له والله انا تعبانه محد يحس فيني جهازهم مخرف صدقني فيني طلق
قال ماعليه الحين بخليهم يعطونج مسكن و ارتاحي / زوجي يقول للمد وايف انا عارف ان مافيها ولاده بس تتدلع

المهم راح ريلي الساعه ٦ ونص
وييت ابي انام الالم قاعد يزيد ما اقدر انام
انادي النرس تقول لي بسأل الدكتورة اذا اعطيج مسكن او لا
وتروح وماترد
كنت اسولف مع اختي اقول لها احس الالم كل ٥ دقايق قالت بتولدين ماعليج من التخطيط
انتي تعرفين لروحج و اشوف الساعه بالتلفون ٧ -٠٠. /٧-٥ /٧:١٠ وجذي
واطق الجرس ٣ مرات يقولون نفس الكلام
صرت مثل الدوده مب قادره اقعد او انسدح
كلمت النرس قلت لها ما اقدر اتحمل نادي الدكتوووره. قالت بجيب التخطيط واذا طلق بنزلج
هي طلعت من الباب وينفتح الماي
و اضرب الجرس و اهاوشها
قالت بكلم طوارئ الولاده يجهزون لج غرفة
وتتصل تتصل ومحد يجاوب كان وايد زحمة و الغرف فُل
قالت بجهزج و باوديج بالترولي اوكي قلت اوكي

بتصل لزوجي وينقفل تلفوني oh my god
وماعندي شاحن و الرقم اللي خلاه مفتوح مب حافظته
تذكرت ان تلفوني الثاني عندي بدلت البطايق و ادور الرقم مافي مب مسيف
مسيف فالبلاك واسوي رستارت واخذ الرقم عالسريع واتصل
قلت له بينزلوني ولاده قال خلاص باخذ اغراضج وانا جاي

على مانزلت و دخلوني
حطت لي المد وايف التخطيط
وانا اقول لها بروح الحمام قالت مايصير في شي سوي هني قلت شنووو بروح الحمام ما اقدر اتحمل
قالت مايصير خلاص

قلت لها ما اقدر انسدح عدلي السرير عدلته قلت لها ما اقدر اقعد
واقعد اصيييح
والاداخل زوجي اقول له بروح الحمام قال لا مايصير
قلت له بنزل من السرير ما اقدر اقعد يوم قمت اعووور و اتلوى يات الدكتوره قالت بفحصج اخر مره
شافتني قالت لي خلاص دفعي اضغطي ضغطتين انا شايفه الراس بيطلع

و زوجي يقول دفعي ومرت حماي ورى الستاره تقول سمعي الدكتورة و ذكري الله خلاص
انا كان الدنيا تدور فيني قلت معقول ضغطتين وتطلع!
وقمت اضغط
وبسرعه الساع٩:٢٢ الصبح ولدت

كان المستشفى زحمه زحمه مافي غرف برايفت
لان وحده من الشيخات والده وسكرو جناح البرايفت كله عشانها

بس زوجي راكض لي على غرفه بروحي الحمدلله

والحمدلله على سلامتي وسلامة رييم

ولادتي الحمدلله كانت ميسره من رب العالمين
عكس ولادتي الاولى


انا الحين اكلمكم و ولدي فالمستشفى مع ابوه ارتفعت حرارته وصلت ٤٠
ونزلت الحمدلله بياخذون الادويه وبيرجعون دعواتكم الله يشافيه

و بخصوص خرم الاذن هاليومين بخرم لبنتي بإذن الله


و طعمتو عيالكم تطعيمة شهرين او لا
اسمحو لي عالاطالة ❤

بخصوص المانع

شروق حبوب الرضاعه اذا ترضعين خفيفه بس الرضاعه تعطي مناعه
انا عزلت لكن اوسوس
هاليومين ببتدي بالحبوب

مساء الخير يابنات كيفكم واش اخباركم

السلام عليكم
الحمدلله على سلامتك ام ريماني

يحليلج ام ريماني والحمدلله على سلامتج وسلامة البنوته والله يشافيع ولدج.. انا بنتي حرارتها 38 ونص وتغمضني
والله قلبي عورني علئ ولدج.. انا والله للحين اعاني من الخياطة تكرمون اتعذب بالحمام.. بخصوص الخرمة قالولي نطري 4 شهور..

الحمدلله على سلامة نور .. وتتربى بعزهم

الله يسلمكم احبك يا امي وعروس

ماعليها شر مسكييينه يقول ريلي الطوارئ متروس يهال كله حرارتهم مرتفعه

طمنينا عنها ان شاء الله صارت احسن

وحشتووووووني
اليوم بنتي كملت شهرين وكان موعدها حق التطعيم فضحتنا في المستشفى من الصياح
الحين اجوفها تصخنت شوي
أنتو شخباركم ويا السهر والتعب

ام ريماني امي طفرت من بنتي من كثر الصياح.. وبعد فيها فطريات بحلجها مسكينه وقاعدة تتعور.. الحمى خفت شوي الحمدلله.. وانتي طمنيني شخبار ولدج الحين؟

ام دانه شخبارج وشخبار الاميرة..؟ عن السهر خلاص صار روتين .. انا عادي بسهر بس الصياح بدون سبب ليش اهئ اهئ... انا تطعيم بدور السبت والله يستر من الحين خايفة..

مرااااااااااااااحب بنات كيفكم وحشتوني وحشتوني

كيف البيبي معاكم ؟؟

انا ولدت قبل رمضان بأربع أيام وافطرت رمضان كله

مسا الخييييير
وحشتوني حبيباتي كيفكم انشالله تمام
سلاااااامة الحلوين انتبهو على اولادكم من الحراره لاتخرجوهم كتير
عرووووس كيفها الصغيره هههههههههههه مبهدلتك زي بنتي خبلتني بنومها وصياحها
قبل كم يوم اعصابي انتلفت سرت بس اصارخ من كتر صياحها
ترا الغازات عالاغلب تخليهم يبكو كتير
ام ريماني الحمدلله على سلامتك حبيبتي
قمر
ياسلام وراك صيام طويل ولى كيفف وضعك انا صمت بس تعبت عالاخر

دانة الشوق
مره بكاهم فضايح منجد وخصوصا اذا من النوع الللي مايتعاملو بالرضاعه

بنات ما حطيت حلق لبنتي مره خايفه كل ما اوديها يقولو اذنها صغيره وانا ما ابغا تكبر وهيا ماخرمتها