التجمع الثاني لمواليد (6) يونيو 2013

نوف ..
ايييي اصلا سادحيني على الجنب ,
تعرفين عشآن التخطيط ويبين الطلق ..
اقول لهم البيبي بين فخوذي والله العظيم احس براسه ..
يقولون لي لا ..
ما بين بالجهاز .
انزين ما اقدر اتم منبطحه على الجنب .. يقولون لا لازم اتمين جذي

انا صج تعبت بالولاده ..
بس نصيحة بنآآت ..
لاتسمعون سوالف الولاده وايد ..
ترى كل وحده وضعها يختلف ..
و كل شي يختلف ..

مب شرط انا تعبت انتو تتعبون ..
مرت حماي ما شاء الله عليهآ .. عصره وحده طلع البيبي ..
و اختي بعد لا اله الا الله طرشت لي مسج قالت رايحه تعبانة و يودوني قالو فيج طلق
بيدشوني الولاده دعواتج .. ماخذت ساعه الا ربع .. قالت انا ولدت ..

سبحان الله الله يسهلها على الكل و ما يخلي احد ..

ام ساجد
اي والله للحين ما عرفت الجنس ان شاء الله في هالشهر اعرف وان شاء الله انت تطمني على البيبي لما تروحي للدكتورة

عروسه ما تشوف شر

هلا بج مخمخ ,
الحمدلله بس تعبآنه من امس جسمي يعورني ..
ههههههههه سكتي لو علي انا , ما قعدت ف البيت ..
بس خليني هاليومين اسوي لي ليست ..
و يتفرغ ريلي و نروح مع بعض ..

ان شاء الله يا رب..
المره اللي فاتت تميت 3 ايام اطلق ,
لاأن نزل علي ماي المشيمة . ف لازم ينوموني ..
هالمره ان شاء الله ما ينزل الماي .. عشان اروح و انا واصلة حدي

انتي شو اخبارج ,
يلا الفال لج ان شاء الله شروق فتحتها على الكل ,
قالت لنا بنوته وعقبها بيوم انا .. وعقبي عشووق .
و ان شاء الله انتي و في بيت ابوي .. و كل اللي ما عرفو ..

اغلبنا بيبي غير ل ,

تسلمين والله مخمليات
متعبينج معانا

انتي اذا شفتي شي يوصل اكثر خبريني حاليا على راس القائمة تومي

ام ساجد;16431741:


مخمخ مالك ومال القصيرين لو سمحتي الموضوع دا حساس ومحرج
ههههههههههههههههههههههههههههههههههههههه
انا قصيره وجوزي مبهدلني تريقه عشان هوا طويل وانا قصيره بس انا عندي امل ابقى طويييييييييييييييييييييييييييييييله زي النخله

ههههههههههههههههههههههههههه ايوآ كدآ يا اوم ساقد ..
هو الموضوع حسآس أوي ..
ده انا متلك , بس مش عايزه اكون زي النخله ,
خليني كده يفكروني اخت اولادي .. ومحدش يميز عمري

و على ما يقولون ’, " كل قصير فتنه "

مساء الخير ولانوار مساء جميل للااخوات ومبرووووووك الف مبرووووووووووووووووووووك علي التجمع الجديد

ام ريماني

الله يسمع منج ويرسون على بر هالمرة ههههههه

بس انا مب ميودة روحي يعني اي شي احسه ما يبي له تفصفص لجنس البيبي أخذه

اي كنت بسئلج تهقين أخذ سليبنغ باق بس انا كنت افكر اذا بلبسها البيبي وفوقها البلانكت ما بيصير حر


عشوووقة

لا حبيبتي نعين ونعاون انتي بس تدللي

احبك ياامي
مساء النور الله يبارك فيك نورتينه وينج من زمان ما طلتي علينا

ام ريماني
الله يسمع منج والموعد الياي اعرف الجنس ان شاء الله

ام ساجد;16431734:
يادوب يا بنات التجهيزات وقسموا المشتريات مش لازم تشتروا كله ورا بعض عشان الراحه برضوا مطلوبه وكمان دلوقت الجسم خفيف شويه لكن بعد كدا هايتقل والحركه مش هاتكون سهله زي دلوقت



والله يا بنات انا جسمي تقل خالص مش عارفه ليه كدا مش بقدر اتحرك غير بصعوبه وباخد نفسي بالعافيه وعايزه انزل اشتري بس مش قاده بس هحاول ابتداءا من الفتره اللي جايه انزل واجيب لبجوده زيه زي اخواته لاني معوده كل عيل يلبس لبس جديد مع اني عندي حاجات كتير من سلسبيل ومحمد بس لازم هوا يبقى زيهم



وبالنسبه للكشف حجزت عند الدكتوره يوم الخميس ويارب اطمن

ربنآ يعينك يا ام ساجد .
وصح كلامك بالنسبة للتجهيز .. ان هالشهور احنا اخف ..

الله يخفف عليكي .. و اكيد بجوده لازم يتدلع
وتشتري له مثل اخوانه .


ان شاء الله يوم الخميس طمنينآ شو يصير معاج
ماعليج شر .. :'(

مخمليات;16431827:

ام ريماني

الله يسمع منج ويرسون على بر هالمرة ههههههه

بس انا مب ميودة روحي يعني اي شي احسه ما يبي له تفصفص لجنس البيبي أخذه

اي كنت بسئلج تهقين أخذ سليبنغ باق بس انا كنت افكر اذا بلبسها البيبي وفوقها البلانكت ما بيصير حر


عشوووقة

لا حبيبتي نعين ونعاون انتي بس تدللي

احبك يا امي
الله يبارك فيج

و مسآآآء الورد ,

مرحبـآ بنوتآت ..

مثل ماوعدتكم , و قلت لكم اني بنزل لسته بأغراض النفآس ,



أول شي لاحظت مخمخ قالت ان ما راح اكثر لبس .. لان ما ابي اتم على نفس وزني ..
بس هاي النقطة وايد مهمه انا اعتقدت ف البداية جذي ان بولد . و بينزل كل وزني اللي خذته و انا حامل .
بس هالمعلومة غلط..
وصدمتني ..

انا ما اقول لكم كثرو من ثياب النفآس لا . بس استبعدو فكرة ان بولد و على طول بيرد وزني
لا .. بيكون عندكم ترهلات .. و بيكون عندج سيلولايت .. جلد اسمر خصوصآ منطقة البطن ..
بتنصدمون .. انا اتذكر دمعت عيني لما شفت بطني ..
وخذيت نفس .. و رتبت نفسي وطلعت من الغرفة ..

انا بتكلم عن المشتريآت ..

4 -6 بيجامات .. و اذا شريتي بالشهور الاخيره للحمل و تقدرين تلبسينهم خليهم معاج ..
او بيجامات شريتيهم بنص الحمل للحمل تقدرين تلبسينهم لازم بيجاماتكم تكون فيها ازرة او فتحة الصدر كبيره

جلابيآت بيت .. او ملابس بيت 4 -6 .. و مثل ما قلت لكم ملابس فترة النص من الحمل رتبيهم و حطيهم مع ملابس النفآس ..
لاتنسون لازم يكون مفتوح سحاب ـ او ازره / بحيث ما تعيق الرضاعه اللي ما بترضع تاخذ راحتها من هالناحية ..

3- جلابيات استقبآل للمستشفى ..


ملابس داخليه جديده .. برآ و بانت ..
البرآآ او الصدرية او الستيآن .. /، الخاصه بالرضاعه
تجربه ما راح اعيدها انا ما احب الستيآنات اللي الكب مالها خفييييف و كل ستيآنات الرضاعه
قطن خفيف يعني من ورى الملابس يبين " الحلمة و شكل الصدر .
طبعآ اللي تحب هالنوعيه و ما تضايقها تاخذ ستيآنات نفآس
واللي ما تحب هالنوعيه تاخذ له ستيآنات " شخصيآ افضل الستيآنات اللي يكون فيهم اسفنج خفيف
يعني لما بطلع صدري و ارضع ما في مشكلة ... ما يضايقني الموضوع ..

ليقنزات .. و توبآت حتى لو متوفر عندج شي زين خليهم ..
الشي الحلو ان الجو صيف .. اما النفاس بالشتى شي لايطاق .. يعني لابسه جلابيه لبسي تحتها صروال و لبسي ولبسي عشآن ما يدشج هوى ..


سوكس و نعل البيت عزكم الله ..

شول / شالات للرضاعه ..
عشآن تخشون صدوركم ما احب الحريم اللي يرضعون وصدورهم برع مثل البقر .. سوري ع الكلمة
بس مب حلوووو كلش ..

هـآي من ناحية اللبس ..

عندنـآ الصيدلية ,

نحتآج , - قطن الصدر او حفاضات الصدر
من بيجون تلاقونهم بالصيدليآت او سنتر بوينت ..

كريم تشققآت الصدر من بالمرز .. متوفر بالصيدليآت والسوبر ماركتس و سنتر بوينت ..

كوتكس او فوط صحيه

غسول طبي عن نفسي ناسبني اسمه بيتآدين ..
احط غطى واحد في جيك ماي دافي و اتشطف فيه ..

"طبعآ لازم تنشفون المنطقه بعد كل دخول للحمام ..
بعد ما اتشطف بالبيتادين و انشف المنطقة .. احط على الخيآطه مرهم ميبو ينشف الخيوط و بسرعه يطيحون .. "

مرهم ميبو ..

كريمآت السيلولايت نفس اللي استخدمتيه و ارتحتي عليه استمري عليهم +
كريم شد الجسم , عندكم firming from dove - renwal from vaslin

سنفرة كريم كآب هي السنفرة اللي انقذتني من سمآر البطن وشكله القبيح استغفر الله
صج سوت مفعول , انا استخدمها حتى مع الحمل .. بس لابد من الاسمرار بعد الولاده

مطاره حق بطنج .. " بقول لكم ليش في رد اغراض المستشفى


من العطار ..

مُر او مره ..
علج لبآن و يآوي
و حبة حمرة ..
بابونج حق قبل الولاده .. تغلينه وتشربينه يحمي الطلق ..
و طبعآ الدارسين معروف يحمي الطلق .. بس لاتشربونه لين تروحون المستشفى وتتأكدون ان الرحم مفتوح
لان لو شربتوه و حمى الطلق و الرحم مب مفتوح بتتعذبون من الالام الطلق ..
ف و انتو رايحين المستشفى خذو معاكم في دلة دراسين او بابونج .. " دارسين يعني قرفة "

طبعآ البابونج له فوايد ثانية .. اذا فيج حكة بالمنطقة الحساسة
سوي مغلي بابونج و شخليه .. وتشطفي فيه الافضل وهو دافي ..
و اذا بقى من الكمية حطيها بغرشة و خليها بالحمام .. بالنفاس

و تحتاجون حق اغراض للأسف انا ما اعرف شنو هي بالضبط ..
بس اتأكد من اساميهم بالضبط

اانا اوصي اختي فديتها تيب لي من السعوديه , عند وحده نعرفهـآ
اعشآب و ادويه وبهارات تنحط مع الاكل و الحليب
و تحاميل نوعين .. للتضييق طبعآ اذا تعرفون احد مضمون خذو منه
مب تاخذون من احد مب موثوق فيه و تتوهقون .
طبعا من ضمن الاغراض في اشيآ اعشاب و اشيا وايد
احطهم عالفحم . وبعد الشاور اتنشف و اروح الحجره بسرعه
و البس لبس الصلاة . و اتدخن هاي الدخون تضيق المنطقة

طبعا للأكل الطحين و الاغراض مال المرقوق و العصيد و الحسو والجلاب هاي امي تيبهم فديتها انا ما اعرف شنو بالضبط تستخدم
وشنو تشتري ..

هاي بالنسبة للاشيآء اللي من العطار ,
و اذا نسيت شي خبروني , جلّ من لا يسهو


و بخصوص شنطة المستشفى ,
يايتكم فيهــــــــآ

اليومين اليايين

ام نوف ياهلا بيج


مخمخ الله يعينج انا باجر مسافر ويطول يومين وكلش ضايجة لان جان واعدني انه اجي وياه قبل لا اولد وتالي صعب السفر
بس راح وحجز اله وحدة وصديقة وياه بشغل


بنات احس بهالتجمع اغلبنا حوامل بالبنات
قبل بحملي الاول كنا اغلبنا ولد بس الحلو هم كانو اغلبهم من البحرين :) صدفة

بنات نصيحة مني الي ممجهزة لحد هسه روحو وجهزو احسن الكم بعدين تتعبون ومابيكم حيل
ويكون الجو اكثر حار

حصاصي العملية تعبتها بس اول 10 ايام ووراها ماشي الحمدلله
انا بأبني الاول قيصيرية بس حاليا اريد طبيعي على مود ابني خطية منو يشيلة منو يركض وراه منو يغسله

ام ساجد يعني هذا الحمل الثالث ؟

شونهم الاطفال ال2 وشكد اعمارهم
وملحكه بالبيت عالشغل ؟
كل تفكيري احس من اولد بعد رح انحبس بالبيت مااكدر اطلع لان يكونون عندي اطفال 2 ؟ طمنيني انتي ؟

عشق انا عندي فيلبس افينت والحمدلله جيد بس طبعا بس صوت ومجربته طابقين ومداه 200 متر وفايديني الحمدلله

ام ريماني

يعطيييييج الف عافية على المعلومات ولج أحلى تقييم

ان شاء الله البنات يستفيدون من اللي كتبتيه

شروووق

عاد كريه اذا الزوج يسافر وانتي حامل إحساس انج وحيدة حتى لو حولج اهلج

ان شاء الله يرجع بالسلامة

مراحب كروووشات

شلونكم ؟

ام ريماني
معلووومات رووعه ومفيده
يعطيج ربي الف الف عافيه. .
وبخصوص ستيانات الرضاعه ، اشتريت 2 قطن ، وقاعده البسهم هالايام لان احس صدري كبر عن اول ..
بس صج مثلما قلتي احس حلمتي داييماً بارزه :(
فبشتري غيرهم اان شاء الله قبل الولاده ..