التجمع الثاني لمواليد (6) يونيو 2013

حصاصي;16444310:
انا باخذ سكليف اخر اسبوعين قبل الولاده مايسوى علينا اختي نكرف لي اخر لحظة
وقلت حق السوبرفايزر مالي ان انا في السابع وتوقع تزيد السكليفات وايد تعبانه لان قالي وعليه لاتحاتين واخذي راحتج

صح كلامج ما يسوى وشكلي بسوي نفسج باخذ آخر اسبوعين اجازة لانه من الحين بدأ الثقل والتعب وشاطره حصوص حجزتي بعض الاشيه انزين بسأل جم جلابيه او بيجامه نحتاج للنفاس لاني متحيره في العدد؟

دودو
الله يسمع منج ان شاء الله

مخمليات
بالنسبه للدبه ما يعطوني نفس الشهر وانه ما احس نطت وايد ههههه احس راح في العرض

ام ساجد
ولكم باك وما تشوف شر بسبوسه

يا صباح الخير
يا صباح النوم
يا صباح التعب
يا صباح المالي بارض اشتغل


شلــــــــــــــــــــــوووونكم ؟ شخبـــــــــــــــــــاركم ؟


انا مادري والله شاقول لان قريت الواجب بس ما ادري ارد على شنو لاني نص نايمة و نص قاعدة
بس على طاري الاجازة .. انا حاطة في بالي اسبوع قبل الولادة .. وسك ليف بعد :cool: موب ماخذة من اجازاتي السنوية عنـــــــــاااااد

انزين في بيت ابوي بتمين 3 اشهر في البيت .. حصاصي شلون بتاخذين من اجازتج السنوية بعد الستين يوم .. انا ما اظن اخذ يعني 40 يوم معاها في بيت امي و بعدين حوالي 20 يوم في بيتي بس كفاية انا ما ادلع وايد بارد الشغل لان اوردي هالسنة كلة عندي امتحانات و ابي اسافر طقت جبدي خاطري اجوف المطار خاطري اشم ريحة ايسي الطيارة :woo:

بس خلاص اجوفكم بعدين

عشق الحياه
يا صباح الورد تصدقين عاد بالغصب يايه الدوام بالدز لو مو ذاك الاسبوع غبت لي يوم جان اليوم بعد غبت وعلى طاري السفر سكتي مللت ريلي كل يوم احن على السفر صج خاطري اسافر اغير جو واتحلم اخر شئ يقول لي نطري الياهل يكمل سنه ما اقدر لو علي الحين اطق المطار واطير , حاطه في بالي 40 يوم بتم بيتنا واذا حسيت اني اوك وتأقلمت برجع شقتي والله يسهل

اوف اوف اوف يا في بيت ابوي
اليوم مادري شفيني .. ايميل الشغل للحين ما فتحتة
مالي بارض والله

احتمال عود اليوم على الظهر اقول لهم بامشي
ما اقدر استحمل فيني ملل مو طبيعي !!!

صباح الخيرات كروشات

في بيت أبوي;16445069:
صح كلامج ما يسوى وشكلي بسوي نفسج باخذ آخر اسبوعين اجازة لانه من الحين بدأ الثقل والتعب وشاطره حصوص حجزتي بعض الاشيه انزين بسأل جم جلابيه او بيجامه نحتاج للنفاس لاني متحيره في العدد؟

دودو
الله يسمع منج ان شاء الله

مخمليات
بالنسبه للدبه ما يعطوني نفس الشهر وانه ما احس نطت وايد ههههه احس راح في العرض

ام ساجد
ولكم باك وما تشوف شر بسبوسه

انا باخذ لي على الاقل 8 بجامات حق البيت المفتوحين من جدام وحق المستشفى اربع جلابيات

عشق الحياه;16445145:
يا صباح الخير
يا صباح النوم
يا صباح التعب
يا صباح المالي بارض اشتغل


شلــــــــــــــــــــــوووونكم ؟ شخبـــــــــــــــــــاركم ؟


انا مادري والله شاقول لان قريت الواجب بس ما ادري ارد على شنو لاني نص نايمة و نص قاعدة
بس على طاري الاجازة .. انا حاطة في بالي اسبوع قبل الولادة .. وسك ليف بعد :cool: موب ماخذة من اجازاتي السنوية عنـــــــــاااااد

انزين في بيت ابوي بتمين 3 اشهر في البيت .. حصاصي شلون بتاخذين من اجازتج السنوية بعد الستين يوم .. انا ما اظن اخذ يعني 40 يوم معاها في بيت امي و بعدين حوالي 20 يوم في بيتي بس كفاية انا ما ادلع وايد بارد الشغل لان اوردي هالسنة كلة عندي امتحانات و ابي اسافر طقت جبدي خاطري اجوف المطار خاطري اشم ريحة ايسي الطيارة :woo:

بس خلاص اجوفكم بعدين

انا باخذ شهر وشوي عقب الشهرين لان اولا قيصريه ونص الاربعين يوم باكون تعبانه والوالده تشتغل فعلى ما اعلم الخدامه حق البيبي عدل وتتعود بعد على خالتي وعندي بزنس صغير هاملته من حملت عدل فابي ارجع اتفرغ له شوي قبل لا اداوم وارجع اسوي دعاية محترمه له وجذي فولبي اخلص كل هالاشياء

وانا عندي رصيد اجازات يعني اذا طلعت شهر ونص بعد يبقى لي شهر تقريبا في رصيدي اقدر اسافر فيهم عقب على كيفي ويمكن اسافر سفرة خفيفة عقب الاربعين واخلي النتفه عند امي جم يوم

لا لا انتي قيصرية يبيلج حصاصي
على الاقل علما ترد عافيتج

عاد انا مادري قيصرية ولا طبيعية :'( :'(

الله يستر

مخمليات;16445214:

صبااااااحكم لولو

شخباركم اليوم

ام ساجد

ازايك عاملة إيه ، اييي انا بروح حق رشا ان شاء بس اوصل للأسبوع ال ٢٨ على طووووول طيران

عشوووووقة

شخبار الشيبة ما ياز عنج والا للحين يتسبب ، اذا تسبب عليج اليوم قولي له انا باطلع اليوم بسبتك ههههههه

حصوووص وفي بيت أبوي

بالنسبة للسفر ، ريلي عنده سفرة عقب الولادة بأربعة شهور من الحين محتاسة وأفكر ماايهاياني قلبي اخلي البيبي واروح

اقوله باخذه وياي هههههه مااقدر اخليه هني يقولي كيفج ، الأمومة اشتغلت من الحين ههههههه

صباح الورد

انا حاليا اجوف روحي عادي اهدها واسافر عقب اذا صار الصج مايندره شالوضع بس يعني اهي اوردي ماتفهم ولا بتحس بغيابي

عشق الحياه;16445212:
لا لا انتي قيصرية يبيلج حصاصي
على الاقل علما ترد عافيتج

عاد انا مادري قيصرية ولا طبيعية :'( :'(

الله يستر

ان شاء الله تولدين طبيعي وتفتكين ماتحتاجين يا اختي القيصريه وصج القيصريه تحتاج راحه محترمه

مخمليات

نصيحة نصيحة
لاتسوين جذي .. ترة عندي سمبل في البيت
الياهل يصير دليــــــــــــــــــــع حدة وما يحب يروح حق احد
حتى ساعات حالات طارئة ما يخليج ولا يقعد مع احد

تدرين حتى وانا في البيت مقرره ما اجابلها على طول
يعني لاتعودين البيبي يجوفج على طول .. مثلا لو كان البيبي
نظيف ، و شبعان خلي تحت هاي الالعاب يلعب بروحه
ترة صج تعبين نفسج واننتي ولابتحسين بتاخذ عنج حياتج كامل
ولي وعيني جووود خلاص فات الفوت

ما عليج صرت ما اعرف اتحجى عن البيبي الا بصيغة بنت عبالها الناس كلة عندهم بنات ههههههههههههههههه

عــــــــــــــــــــــاااااد ياخوفي اقول اقول واطلع اخرطي لي صار الصج

مساء الخير.. واشكر اللي تحمدلي على السلامة.. مسكينة دانة الشوق كل يوم تسأل عن اخباري.. والحمدلله رحت المستشفى وزيدوا جرعه المثبت الحمدلله...
البقية شخباركم الواجب طويل ما اقدر اقرا اسمحولي...

عروس الله يتمم حملج على خير وتشوفين البيبي سليم معافى بحضنج



بنات انا صار كم يوم ضايجة اريد اطلع وية زوجي وزوجي ماكو فايدة
مختنقة وضايجه حيل

هلا كرووشات

اليوم المفروض موعدي ع الساعه 11وربع

وموصيه اخواني يودوني وقلتةلهم موعدي 10.30 علشان يودوني بدرري ماابي اتاخر بالدخله


وانام واعتمد هم بيصحوني لانهم اوردي صااحيين

وماقمت من النوم الا ع 10.53 يعني ماباقي الا شووي على موعدي


وبيني وبين المستشفى نص ساعه يعني مابلحق وادق على اخواني

معصبه ليه ماصحيتوني يقولون هاه نسينا والثاني قال انا مشغول وطلعت بسرعه

انقهررت حيييل موصيتهم بالليل متى لحقو ينسوون وراعي الشغل ليه ماقال عندي شغل خلوني اعتمد عليهم


وزوجي مو يمي هو بديره وانا بديره مايتواجد الا خميس وجمعه


ودكتورتي زحمه وكل موعد اخذه قبل بشهر


كلمتهم ابي اجدد موعد اليوم او بكره قالو مافي مجال الا عقب اسبووع


يوووه ضايق صدري ومدري ليه اعتمدت هم يصحوني وحتى يوم صحيت حسيت بدري
يعني لسى ماجات 10 لان محد من اخواني صحاني من النووم وانصدم من الساعه انها عدت العشر والنص

وانا كثير تعبانه هاليومين ظهرري يالمني حتى وانا متسطحه قهر:(

مخمليات;16445229:

حصوووص

أخاف في الصج عند باب الطيارة تقولين حق ريلج ردني ابي أخذ بنتي هههههههه

حدي متأثرة بالأفلام هههههههه ، انتي وضعج غير مردج بتكونين غائبة عنها نص يوم وانتي في الشغل

فبتتعود الياهل انها تكون معاج النص الثاني من اليوم

اما انا لزقة جونسون هههههههه مااقدر افج ولا اتهنى

ههههههههههههههههههههه تهقين اسويها والله بيسطرني بيقولي روحي جابلي بنتج وباطير عنج بروحي :lol:

جرح
معليه تصبري على هالاسبوع وجان رحتي متاخرة يمكن تكسرين خاطرهم ويدخلونج

عروسه
اجر وعافيه ان شاء الله

عشوقه
انا راي من رايج خل تلعب بروحها وتلهى عنا شوي انا كله اخاف ان علاقتي بزوجي تخترب عقب البيبي يعني احنا من انخطبنا 5 سنوات ومن تزوجنا 3 سنين ونص ولنا حياتنا المشتركه وطلعاتنا احس هذي كله بيخترب اذا يات البيبي ووايد احاتي هالشي

حصووووص

بالعكس انتي تقدرين تنظمين الطلعات يعني مرات تتطلعين بروحكم ومرات تاخذونها وياكم

هذا اذا ما تخرعتوا عليها وقمتوا تطلعونها على طول وياكم هههههههه

ترى انا نفس حالتج انا وريلي وايد مع بعض خاصة اني ما اشتغل ، بس ماادري ليش احس اذا يا البيبي حياتنا بتكون أحلى

وانا الزين انه في البيت اليديد غرفتي مكان النوم غير عن مكان القعدة فصايرة كانها attached room يعني الياهل ما ينام وياي وفي نفس الوقت قريب مني

عالاقل الواحد ياخذ راحته في النومة ههههههه