التجمع الثاني لمواليد (6) يونيو 2013

عروس مغتربة عن زوجها;16442626:
مساء الخير حبايبي.. والله وحشتوني,, والله يرزقكم الذرية الصالحه يارب ..


بنات اعذروني انا تعبت وايد.. اول شي اسبوع كامل ما اقدر اتنفس... تخيلوا يا بنات كنت ابكي الساعه 3 الفجر واقول خلاص راح اموت وكنت اتشهد خلاص... حاولت اطلع برع اتمشى ولا فايدة.. بنات بذاك اليوم نسيت اقرا اذكار المساء.. المهم حاوبت اشغل رقية وانام على الرقية.. الحمدلله بديت احس احسن.. وطول اليوم وانا مشغلة واسمع ادعية... المهم ثاني يوم رحت مستشفى والدكتورة دخلت حدايد بخشمي وألم مو طبيعي وايد تعبتني وانا اقول لها انا حامل.. حسبي الله عليها عطتني دواء يسبب تشوهات والحمدلله ما اخذته وقالت عظمة انفج مو سيدة,,, المهم بعد وقت النوم اتعب زيادة وما اقدر اتنفس ورحت بعد يومين مستشفى غير عن اللي رحته.. والمهم وايد تعبت لاني نطرت 5 ساعات بالمستسفى.. المهم ارسلوا في انفي وايرات لين الحلق والله تعبوني وانا طول الوقت اصرخ وادمع... وطلع انه انفي مو سيدة مع الحمل صار اصعب اني اتنفس.. تخيلوا قالي موب زين البخاخ.. قالي لا تاخذين انتي حامل... ووصف لي ماي+ملح ... والحمدلله على كل حال...


المهم بعد ما صرت احسن... بعد 4 ايام جاني نزيف... وانصدمت منه المهم رحت العيادة عطوني ومثبتات وديفستون مع اني اخذت بداية حملي بس رجعت عطتني وقالت اسبوع كامل استراحة.. والحمدلله على كل حال,,,,


بخصوص الجنس.. انا مرتين قالوا لي شي تجهزت خفايف .. ولما رحت بعد النزيف قالوا لي مرتين شي ثاني.. وقلت خلاص ما راح اشتري الا لما أتأكد بشهر السابع... المشكلة الدكتورتين مصرات انه سونارهم صح.. سبحان الله ام زوجي قالولها 3 مرات بنت واخر شي ولد... وصديقتي قالولها مرتين ولد وطلع لها بنت,,, {إِنَّ اللَّهَ عِندَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الأَرْحَامِ وَمَا تَدْرِي نَفْسٌ مَّاذَا تَكْسِبُ غَداً وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ}

سلامتك الف مليوووووووووووووووون سلامة ماتشوفين شر ياعمري والزمي الفراش عشان الطفل اما عن نوعية الجنين قالت لي الدكتورة بنت بس مش اكيد رغم اني اعرف دكتورتي ماشالله علية دايم كلمته وحدةبس هذي المرة الطفل ساجد قالت مش متاكدة بروح في السابع عشان اتاكد ولي من الله حياه الله بنت او ولد مرحبا الف فية

اختي الغالية جروج الصمود
عن سؤلك لطفل كيف يدخل الحمام اولا بنتك او ابنك كم عمرة
انا بنتي عمرة سنتين وخمسة شهور كان المفروض اعلمة من اول بس الجو كان بارد مرة انا طريقتي اجيب القصرية الي هو الحمام حق الاطفال وما اخلية في الحمام يعني ادخلت المطبخ و اي محل اجلسة علية واقول سوي وانا اعطيك بسكوت كانت تفرح وتسوي فية لمدة اسبوع والان انتقلت للحمااام ا قول لة انتي شاطرة وحلوة انتي تدخلي الحماام وهيا تفرح وتخش الحمام وان ادخل معة واظل امدح فيةالين ماتخلص والان الحمدلله لي اسبوعين تدخل الحمام وحدة من غير مااقول لة وتخلص وتناديني وانا اجي انضفة وامس اول يوم تنام من غير حفاض والحمدلله مسكت نفسة طول اليل وقمت الصبح بدري قومتة من النوم للحمام بس اهم شي بعد صلاة العشاء خففي علية من الماي والعصيرات والاكل حاولي بقدر المستطاع انك ما تعطية شي عشان تريحك وطول ماانتي في البيت شيلي الحفاض عنة وخلي الكلوت وكل خمس دقايق جلسية علي القصرية وان شاءالله تمشي معاكي الطريقة

وعليه عرووس ماعليها شر اجر وعافيه ان شاء الله

ماتشووووفين شر عرووس

ام ساجد حلو تولين من الاسماء الحديثة
واسم الولدكمان حلو
الله يتممملنا على خي يارب

والف سلامة على عروسة ماتشوف شر

فيبيت ابوي لا تركزين حبيبتي والله مانركز مش متقصدين اننا مانرد

احبك يا امي بالنسبة للحمام والله بنت اختي بهالشهر راح تكمل 3 سنوات وبدينا نعلمها من فترة طويلة قرابة السنة
ومازالت للان مرات تعملها على نفسها احس احيانا انها تطنشنا مدري كيف ههههههه
بس دائما تروح الحمام
انتي تابعيها اول بأول يعني من غير ماتقولك فيها شي وديها كل نص ساعة الحمام حتى لو ماطلبت
وبهذا اليوم راح تلاحظي انها ابدا ماسوتها خارج الحمام
الطفل يريد متابعة ومع ذلك بنت اختي مرات تطنشنا وتسويها خارج الحمام ووالله اختي مثلك تمام
بالهداوة بالعصبية مافي فايدة بس شوية شوية تتعلم ان شاء الله

يابنات انا احس باختناق وماعرف اتنفس هالفترة خصوصا لما اتمدد
حتى لو ممددة على جنب كمان احس باختناق
ليش طبيعي يعني ولا كيف

مرحبا بنات

انا قريت الواجب وايد طويل

مشكورين اللي سألو عني و ابوي للحين تعبان ادعوا له ..

هاليومين باروح البحرين لان كلش ماعندي قلب اقعد بعييد عن اهلي

عرووووس سلامتج حبيبتي
اجر وعافية
دانة اذا حاجيتيها خبريها يخلون شيخ يقرى عليها
لان هي قالت ان يوم نست الاذكار تعبت ف يمكن مس اسم الله عليها

طمنينا عليها اول بأول

ام ريماني

ياربي يتعافى ابوج ويقوم بالسلامة ، وتيين بالسلامة البحرين

صاجة يبي لها رقية شرعية على طول ربي يحفظها ويحفظ ما في بطنها

"ضحكتي تميزني يااهلا وسهلا

"عروس" حمدلله عالسلامة وماعندج الا العافية

ام ريماني الله يشفي الوالد ان شاءالله ويقومه بالسلامة

بنات اليوم رحت للسوووووووق
وجنت ناوية اشتري ليوسف صيفي تالي طلعت مشترية للبنوته وماكو ليوسف

هلا كروشاات

عرووسه ماتشووفين شر

وبالنسبه لتعليم الحمام بنتي بعد شهر تكمل 3 سنوات وانا بديت اعلمها وهي سنتين واربع شهور

وبديت بالتدريج خليت القصريه برى لين تتعود عليها

وبعدها بديت اخليها بالحمام بس مافي فايده تسوويها وتسكت ماتقول برووح

وانا كل نص ساعه اوديها وهم ماتعلمت ظليت شهرين اخليها بدون بامبرز بالبيت

بس دايم تسويها بملابسها وماتتكلم وطفشت وصررت مااشيل الحفاظ بس ادخلها

كل شووي وهم مانفع وهالفتره احسس خلاص طفشت رجعت شلت الحفاظ

يمكن تفهم وخاصه كبرت الدبه احس لو وصلت التاسع وهي ع الحال مابقدر عليها

بس مافي فايده ماتقول لي ماما برووح حمام اذا فيها تسوويها وتسكت

مع اني على طوول اكرر عليها اااسه حمام عاعا حمام وتكرر وراي وتقوول انا بقوول لك

ماما حمام وبسوويها حمام ماما بس مافي فايده واللي طلعت روحي منها وصررت اعصب عليها

واحيانا اضرربها ابو الضررب اللي بس لمسه واهددها مابعطيك او مااوديك ونفسه ماينفع


واول كنت دايم اشجعها اني اطلعها او اشتري لعبه لها بس ابدا لاحياة لمن تنادي تعبت اكثر من ست شهور وانا اعلم :(

مراحب حبيباتي

شلونكم كلكم ؟


عروووس
حبيبتي اجروعافيه وما تشوفين شر ان شاء الله :(
والله تضايقت حيل من قريت رد دانه انج تعبانه
يارب يشافيج ويثبت حملج اللهم اميييييييين



مخموخه
حبيبتي شلونج وشخبارج؟

حلوه اللوان اليمختارتها ، يارب الاسبوع الجاي يقولولج جنس البيبي وترتاااااحين
صج صج شدي حيلج عليهم خو ما يصير ..

في بيت أبوي;16442652:
*دانه الشوق*
لا نزليه حبيبتي كلش مفيد وتقدرين تشوفين بضاعه المحلات من غير ما اطقين درب وتعرفين بيعجبج او لا وبالنسبه للتوزيعات راح تلاقين وايد افكار فيه

عروس مغتربة عن زوجها
الحمدلله عالسلامه ولكم باك

في بنات اكتب لهم ردود ما يردون علي وملاحظة هالشئ من ايام

حبيبتي في بيت ابوي
شلونج؟
قلبي ترا بالنسبه لي يوم اقعد اقرا الواجب ، ومن اجي ارد انسى علىمنو ارد ،
فصرت اسوي الاقتباسات بعد شتسوي مع اني ما احب هالطريقه
ولا تتضايقين من عندنا F:F:

أم ريمآني;16442906:
مرحبا بنات

انا قريت الواجب وايد طويل

مشكورين اللي سألو عني و ابوي للحين تعبان ادعوا له ..

هاليومين باروح البحرين لان كلش ماعندي قلب اقعد بعييد عن اهلي

عرووووس سلامتج حبيبتي
اجر وعافية
دانة اذا حاجيتيها خبريها يخلون شيخ يقرى عليها
لان هي قالت ان يوم نست الاذكار تعبت ف يمكن مس اسم الله عليها

طمنينا عليها اول بأول

حبيبتي امريماني
ما يشوف شر الوالد ، ربي يشافيه ويطمن قلبج عليه يارب
اذا عندج مجال تروحين روحي ، شوفة الاهل ما ينقال لها لا



جرح الصمود

شلونج حبيبتي شخبارج؟

الله يعينج ع تعليم بنتج الحمام تكرمين ، صج مرحله مو سهله
ما عندي خبره بهالسوالف بروحي بجريه هههه بس ان شاء الله تتعلم و تريحج:)


شروق
شلونج حبيبتي؟

صبـــــــــــــاااااحوووو

بنات شلونكم و شخباركم .. عااد الواجب كان قصير و قريتة بدون تركيز لان الي جدامي قاعد يهذر على راسي وياب لي الصداع من صباح الله خير ..

بس الي جفتة ان دانة متشرهة علينا .. لا لا لا لا حبيبتي مو تزعلين علي يمكن انا ما رديت او شي ترة انا اقرى الواجب من اوصل الدوام ومن اقعد على الكرسي الي جدامي يهذر فما اركز وايد و يمكن تكونين بالبال بس حزة الكتابة انسى وهاي الحجي حق الكل مو بس دانة .. اذا احد كلمني و مارديت لا تزعلون ترة انا اقرى و اكتب على الطاير وانتو كلكم خواتي و مافي فرق بينا ..

المهم اجوفكم بعدين

صباح الخيرات والليرات

عشوقة مب دانة اللي متشره في بيت ابوي اهي اللي متشرهه

عشــــــــــااااان تعرفون بس ههههههههههههههههههه
في بيت ابوي مو تزعلين عاااد

لا والمشكلة اهو شيبة مصري .. وكل يوم اتراقع وياه

في احد منكم ابوها متقاعد ؟
تعرفون شلون يبتدون يحنون في البيت والا يبون الشي يصير اللحين اللحين
يعني حتى لو انتي مشغولة او شي لازم الشي يستوي على مزاجهم و
الوقت الي اهمة يبونة .. هـــــــــــاااااي جذي
واذا في يوم قلت لكم بنات ظغطي مرتفع تأكدو ان منة الشايب مادري ليش ما يتقاعد اوووووووووووووووووف
في قلبي حرة

دُوا الروح و عشق الحياه
عادي حبايبي مب زعلانه بس حبيت استفسر يعني وطلع انه الواجب يكون طويل عليكم من جذي واصلا من ردت علي مخمليات امس خلاص نسيت ما شاء الله عليها ردها كان وايد حلو وغير لي جو واشكرها عليه وفعلا احنا كلنا خوات هني

ام ريماني
نفتقد طلتج علينه لاتطولين

اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااهههه

كان خاطري اصارخ من كثر ما باط جبدي

اووووووووووه شنو ردت مخمليات خل اروح اقراه يمكن يغير علي جوو :mad: