التجمع الثاني لمواليد (6) يونيو 2013

انتي حمل اول ,
غالبآ بالشهر مرتين الحمل الأول ..

اما اللي مب بجر مره بالشهر .. احنا جي نظامنا
انا اخر مره شافتني الدكتورة قالت لي بعد 3 اسابيع ..

سويتي تحليل , " السكر "
من اخر السادس للسابع يسونه ,

اي انا اول حمل لي ..
والنظام اهن يبالدنمارك ما اعرفله ، بس الي اعرفه انه ما عندنا زيارات وايد للدكتور وتحاليل ،
بس نروح كل شهر لل midwife
وتحليل السكر ، قالتلي المدوايف اني ما احتاجه لان ما عندنا مرض السكر بالعائله . .
ومادري عنهم

اييي .. الله يبعدكم عنه حبيبتي ,

احنا مجرد تحليلين , اول ما تحملين يشيكون كل شي .. نسبة الدم الحديد والفيتامينات وكل شي ,

و بعدين تحليل السكر ,

بس . .انا سويت تحليل مرتين لان بدلت المستشفى ,
باقي لي تحليل السكر ف اعتقد ف السابع بيسون لي اياه

يلآ دُودُو .

اشوووفج وقت ثاني و طلي علينآ كل يوم ..

تصبحين على خير حبيبتي

اميين يا رب .. ويبعده عن كل مسلم ان شاء الله

تحليل السكر سويتيه بحملج الاول?

حبيبتي ام ريماني
تلاقين كل خير :F

هاي كرووشاات

مااشاء الله عليكم مدهرين هذرره من كثر الردود مااعرفت على ايش اعلق

دامكم دايم متجمعين هوون يبي لي امركم يوميا واسوولف معكم

لان تجيني حالات طفش

انا كل مادخلت شهر جديد اكرهه هالحمل مدري وش فيني مع انه مو الاول هذا ثاني حمل لي


اتمنى انبسط بحملي مابي هالاحساس بس مااقدر امسك نفسي من الضيقه

الله يسهل علي وعليكم ياارب

يسعدلي صباحكم كروشات
ماشاءالله التجمع نشيط


الله يسهل علي وعليكم

حصاصي
ما تشوفين شر ان شاء الله تصيرين احسن اليوم

مخمليات
من كلامكم وخبرتكم عرفت انه تحت احسن وصج تعب على الام تركب وايد الله يسهل ونجهز الغرفه

صباح الخير

ام ريماني ماصدق!!! من انتي في النفاس عاد شفيهم اللي يقول عيالهم مب عيالنا وايج ملاقيف الاوادم.... بسم الله عليج من الضيجه كله نامي على جنب النومه على الظهر مو زينه من يبتدي الثقل

حصوصه بسم الله عليج حبيبتي ماعليج شر بس قعدي في البيت هالاسبوع ريحي الزم ماعليج صحتج وصحة الصغنونه! الشغل كيفهم خل يتصرفون ولا تفكرين فيهم

بالنسبه للنفاس انا قعدت يمكن اسبوعين ولا شوي زود تحت بعدين انتقلت فوق عن اللويه وكنت اخاف بروحي تحت ههههههه

عشوقه حلو بنت وولد انا تفكيري جذي بس ماقدر اقول ببند الدكان ولا لا احسن باحن حق بيبي يديد لي دشو المدرسه

صبـــــااااااح الخير ..

انا قررت اخذ بنصيحتكم واتم تحت وكان الله غفورا رحيما ..
بلا عوار راس بلا عوار قلب بعدين انحبس فوق :'(

عن اليهال انا بود ودي اييب درزن ماتصدقين شلون اموت على اليهال
بس زوجي لا :( يعني تصدقين ان اهو كان يبي واحد بس !! واحد !!
تعرفين يعني شنو واحد !! بعدين انا ما رظيت قلت لا الاخوان عزوة .. صج صج
يعني مثلا صج انا لي احتاج شي ما اروح حق عيال عمي ولا خالي اصلا ولا يدرون فيني
اروح حق اخواني واختي فهمتة بهالطريقة

بس في نفس الوقت يا ام ريماني :o المصاريف زادت ووايد
خلونا واقعيين .. يعني مثلا من صار عمر الياهل سنتين بيدش الروضة وتكلف حوالي 1200 الى 1500 .. و بعدين مدارس سنويا 2000 طبعا اذا واحد بس .. هم الواحد يبي يسافر و يروح وايي
ويشتري و يدلع روحه ساعات .. واحنا ناس عاديين يعني على قدنا وعلى رواتبنا :cool: والحمد لله رب العالمين على كل شي ..

لا اسوي ساعات حق ريلي الياهل ايي ورزقه معاه انتي ماتدري يسوي لي اي اجوف كل الي يايببين بالــ 12 مليارديرية هههههههههههههههههه

خليني انا وشطارتي يمكن في المستقبل اقص عليه واييب الثالث :lol::lol:

انزين شخباركم بعد ؟
ام ساجد البارحة مايات

حصاصي شلونج احين احسن ؟؟

اوووووووووووووووو بنات مايصير جذي
وينكم ؟؟ انا تمللت وانا اروح وارد

وبعدين التجمع باط جبدي ورا ما ثبتوه للحين !!

عشق الحياه
والله انه بعد اروح وارد اشوف ما في جديد ما ادري شفيهم البنات مختفين المهم شخبارج اليوم واخبار الحمل وشنو بتتغدين اليوم؟

الله كريم يا مخمليات
الرزق بيد الله
وما يندرى الله شنو كاتب لنا

والله يا في بيت ابوي انا تمام والحمد لله
والحمل اوكي ويمشي الحال
ذابحني التفكير في التوزيعات هههههههههههه
ما اعرف شاسوي وابي شي حلو
وسايت الانترنت الي الكل يطلب منة صار متكرر اغلب مواليد العايلة طالبين منة
مافي شي يديد

مرحبـــآ بنات ..

عشووق ., اذا ريلج عاجبه 2
ارتاحي عيل .. بس لو بنتين او ولدين عآدي ولا بيقول لج حملي بعد خاطري ببنت مثلا .. او ودي يكون عندي ولد ..؟

انا ريلي يحب اليهال و كل ياهل ايي و رزقه معاه
تعرفين ان جارتي لبنانية , عندها بنتها كان عمرها 3 . وحملت بالغلط على قولتهـآ ," اكره اللي يقولون بالغلط , !!
ينت " جنت" انا ما ابي احمل .. انا من وين بدي اعيشها .. انا شقتي صغيره وماعندي محل . و انا و انا .. و تعب و ما اعرف شو
و كلمتني تسألني اذا في عيادة تجهض .. قالت انا عارفه حرام و زوجي مش راضي و زعلان .. بس انا ما ابي احمل
قلت لها هنييي مافي انسي الموضوع و توكلي على الله ..
بعد كم يوم كلمتني من لبنان , قالت انا رحت و بنزل البيبي و زوجي زعلان بس مرده بيرضى .. تخيلو و نزلت البيبي
جذي ولا جذي كانت قعدتها ببوظبي مؤقت على بال ما يضبط لها ريلها شقة كبيرة و يأثثها يعني لو حملت الحين بنتها بتدش المدرسة
هالسنة , اقول لها ما تفكرين تحملين تقول لسه بدري ..

على قولة امي احنا عيآل حمايل ما انييب 2 ونوقف اقل شي 4 و انا بالنسبة لي اكثر شي 4
ما احب رقم 3 ابدآ عندي عقده من الاعداد الفرديه ههههههههه

و هو صح ان اللي بييب 2 بيعيشهم بمستوى احسن من الي بيب 4 او اكثر ..
بس سبحان الله ما تعرفين باجر بيحب عيآله و بيقول لج يبي بيبي يديد .. :p

في بيت ابوي شخبارج , ..

و مخمخ .. اناا من سنتين و نص افكر بالحمل و لين ما الله يكتبها
اكون متهيئة و الياهل ما يشبع حنان و لا دلع بس يكون خذ حقه بالتربية والدلع و المداراه
و يكون يقدر يتأقلم على ان عند اخ او اخت بالعيله . .

نوف
ملاقيييف و بس ..
اللي له شغل واللي ماله شغل يتحجى ..
و عن النوم دايمآ انام على جنب , امس قريت ما اادري اذا قريتي .
ان احتمال من هرمون البروجسترون <--- ان شاء الله صح اسمه
او ان الرئتين تاخذ مجهود لان الطفل بدى يرتفع
او من نقص الحديد او فقر الدم ’
اخر شي مستبعدتهم .. باصبر لين موعدي اذا الشي ضايقني زود , باقول حق الدكتورة

عشوق ومخمخ .,
اناااا عيزت و انا ادور افكار يديده ’
اخر شي لقيت وحده هني تسوي بوكس داخله دبدوب صغير و تشوكلت و مغلف و معاه كرت طريقتها حلوة .

و صج الوحده شنو تسوي يعني .. كل الافكار مستهلكه بس حاولو تكون طريقة التوزيع او تزيين التوزيع تكون حلوة

عشق الحياه
اي صارت توزيعات الويب سايت مستهلكه الناس كله منهم فكري في شئ جديد احلى وانه بعد محتاره في التوزيعات