التجمع الثاني لمواليد (6) يونيو 2013

عشووقة

الخدامات ما يختربون الا اذا صاحبتهم مخليتهم على كيفهم

يعني طلعة البرادة هذي خراب وغيرها لين تقط الخمام عزج الله والتلفون واهم شي ما اتم بروحها

اذا انتي في الشغل وهي بتكون في امج تضمنين ما تكون بروحها ووصي امج ما تتطلع ولا برادة ولا غيره

وانا مسوية نظام لشغالتي اشحن لها ٥ دينار في الشهر تتصل فيه بس حق سيرلانكا واذا خلصو عاد كيفها

جذي مايصير عندها مجال تكلم احد ثاني وموصيتها ما تكلم اي احد من البحرين واذا عرفت باخذ منها التلفون

عاد انا بالعزر عطيتها التلفون وبينت لها زوجي ماكان راضي عشان تخاف ويصير عندها عزيز ما تفرط بالنعمة وتغلط هههههههه

ومعاشها على طول يدش في حسابها في بلدها ما يصير عندها مجال انه الفلوس تصير في يدها واذا تبي شي أخذه لها ونتحاسب

نور

صاجة الهنود والسلانيات احن

لكن عليهم غباااااااااء هههههههه ، انا من قبل تكلمت عن الخدم وقلت للكل أخذوا اي جنسية لكن تحملوا من الاندونسيات هذيله الخطر الاكبر

انا الحمدلله مب يايبتها للبيبي لانه مااشتغل انا يايبتها لشغل البيت ، معنه أهي منتحرة تلمح لي انها مستانسة في بيبي ياي في الطريج

وانا بعد عطيتها كاش انه هي مالها خص في البيبي ، عشووقة اهم شي اللي بتقدمين عليها كلميها قبل لانه بعضهم تتطلبينهم واذا يوا يقولون لا ما نبي نيود يهال ، وحتى المكتب قولي لهم انا ابي شغالة حق تنظيف وتيود البيبي لانه اشتغل