التجمع الثاني لمواليد (6) يونيو 2013

اي وعلى طاري الكيوي

ترة انا قريت في الانترنت وعلى وايد سايتات ..

بنات الجسم محتاج لكل الفواكه الحار و البارد ..
بس لي قلنا ان هاي الفاكهة زينة مو معناتة كل يوم تاكلين كارتون لا

كل عصرية خلطي حق روحج كل شي
برتقال .. فراولة .. كيوي .. غوجة .. موز
كل شي عندكم خلطوو واكلو لكم ملة دلعو روحكم يعني
واذا مالكم بارض روحو بيت الوالده تدلعكم ههههههههههه

بس امانة ..

دائما لي اقرا في اسامي تتردد

الفراولة
البرتقال
الرمان
الكيوي
الموز

في بيت ابوي ..

ان شـــــــــــــاااااء الله آمين


اي بنات عندي مشكلة وايد مغربلتني مادري انتو بعد عندكم اياها او لا

بنات انا قصيرة انزين .. لي اغسل اسناني بطني يطق في حافة المغسلة
ويصير يعور .. حطين تحتي كرسي ارتفع وايد واجندس ظهري يعورني
بالله شنو الحل يعني انا شاسوي في روحي انتف روحي .. وكل ما الدبة تكبر
الدعمة تقوى خخخخخخخخخخخخخ
ريلي يقول لبسي كعب في الحمام ههههههههههههههههههه

عشق الحياه
صح كلامج عن الفواكه والعصريه ادلع روحي فيهم اوقات وبالنسبه للحمام انه بعد شريت لي كرسي بس مو وايد رفيع

دُوا الروح;16450624:
مرحبا بنات

شلونكم حبيباتي ؟

سويت
عمره مقبوله ان شاء الله وتروحين وتردين بالسلامه حبيبتي .. دير بالج على نففسج

مخمخ
حبيبتي ما تشوفين شر ، وحطي بالج من نفسج ،
اذا جذي خلي التجهيزات ع الشهر السابع بلكي تكونين قويه اكثر ..


عروس و عشوقه ، وحصوص ، وام ساجد وشروق ودانه وكل الكرووشات
شلونكم وشمسوين ؟


انا هالايام قاعده احس بثقل مو طبيعي ع الحوض ، يعني من اقعد غصب اقوووم ..
الله يهونها علينا يارب

احنا بخير عساج بخير



كروشاات شلووونكم ؟

من زمان ما تحجيتو عن غداكم !!
شكلتو ويش ما كلتو اليوم ؟

انا توني مالكلة و احس روحي ابي اتمدد وانام
الله يزيد النعمة

عشق الحياه;16451130:
من زمان ما تحجيتو عن غداكم !!
شكلتو ويش ما كلتو اليوم ؟

انا توني مالكلة و احس روحي ابي اتمدد وانام
الله يزيد النعمة

انا للحين ماتغديت بس اطقطق بجبس ليز على لبن واعشاب

بنات صج ماقط تكلمتو عن ابرة anti D ؟؟

قلت باسال دكتورتي عنها


وصج امس رحت دفعت حق الورد وديكوريشن الحجره وافتكيت رسميا منهم بس باقي جم شغله بسيطه كلش باتفق معاها عليها عقب جم يوم

هلووووو

انا رجعت من بعد الغدا

واخيرررررا شغالتي فهمت اشلون اسوي البرياني ، اليوم كنت واقفة على راسها وعلمتها كل خطوة بالتفصيل أبيها تضبطه عشان افتك

لانه وقفت وياها مرتين من قبل وما ضبط عدل اليوم الحمدلله

بس تكسرت وانا في المطبخ ، كللللش صايرة اكره ريحة الطباخ رحت تسبحت بسرعة

وقليت بعد باذنجان شرائح يمي يمي و وسويت له سوس ليمون مع ثوم مهروس عجيب مع برياني الدياي عاد انا اخليه بروحه في صحن

عشوووووقة

انا أوردي اكتب لكم وانا منسدحة هههههههه

حصوووووص

اشوه افتكيتي ، وييييي ذكرتيني كنت كلش ناسية موضوع الورد انا ابي ابيض وأخضر بس لازم اشوف الديزاين باجر بمرهم اهما محلين اللي براسي

حصوووص

شنو انتي دي ، تقصدين إبرة الظهر ؟؟ لانه إبرة الظهر اسمها اب ديورل

ماادري اذا تقصدونها او تقصدين شي ثاني

انا بعد ما فهمت شنو تقصد بهاي الابرة
وحصوص قيصرية يعني ما بطق الابرة

انا وايد محتارة فيها .. اخذها او لا مادري
الله كريم خل الموضوع لي بعدين

حصوص انتي من تتحجين عن تجهيزاتج انا اتييني حالة نفسية
واحس روحي وايد كسولة وكلة احس روحي متاخرة حدي
وكلة اقول في خاطري شكلي بولد ولا باسوي شي
هههههههههههههههههههههههههه
مع ان قبل كلة كنت اقول من عرفت الجنس ما بطلع من السوق

لا وازيدكم من الشعر بيت

في البيت عندي جوتي .. و 3 شباحات .. و شورت جينز ويا فانيلة بــــــــــــــــــس
فقط لا غير .. حاطتهم في بوكس

كل يوم اطلعهم وادخلهم و اطلعهم وادخلهم

اذا ينيت على التاسع تذكروني وقولي الله يذكرها بالخير عشوق ههههههههههههههه

عشوق
ههههههههههههههههه ضحكتيني
اي يا قلبي حاولي تخلصين كل شغلج حتى ما يتراكم عليج ، صدقي بالاشهر الاخيره تصيرين ثقيله وتكرهين طلعت السوق ..

مخموختي
يا قلبي عليكم بالف عافيه الغدا وزين سويتي علمتيها ع الاقل تفيدج باجر بالنفاس ..
وع الثقل يبوووووو خليها سكته .. والله صرتما اتحمل اقعد ع الارض كلش ، مع اني احب قعدت الارض مرات يعجبني اغير ما اكل ع الطاوله
بس الحين انسي انسي ..
ان شاء الله ربي يتمم عليكم جميع وتعيشون هاللحظات

وسمعت بعد انه الحمل بالبنت اثقل من الولد ..

عشوووووقة

قطع الله بليسج هههههههههه

ليش عاد مغربلة روحج ، روحي طلعي تشري عشان يكبر البوكس وتصير فيه أغراض وايد ههههههههه

الإبرة مالت الظهر يصير طبيعي وقيصري ياخذونها ، لانها تخدير نصفي

وانا بإذن الله باخذها ليش اعذب روحي ، والحمدلله اعرف ناس وايد حولي خذوها وكلهم ينصحوني فيها

مساء الخير

أنا للحين ما شريت شيء ان شاء الله عقب ما ارد بالسلامه بروح السوق
و بكون واصله عالتنزيلات و هالشيء وايد زين

تقريبا الحين كتبت الاشياء اللي احتاجها و بالعدد طبعا
عشان اول ما اوصل اروح اشتري
وانا مجربه في بنتي ما تعبت واجد الحمدلله

صباح الخير


مخمليات .. انا هاي الموضوع بعد محيرني .. انا مقتنعة في سولا وابي سولا
بس ما ابي لون بنفسجي ولا الاصفر ولا الجينز مادري اخذ الاحمر عشان على الاقل يتم لي
يمكن عقب البنوتة يبت ولي العهد مادري .. وساعات اقول لا مثل ما شريت لها اشتري للثاني
بس اقول ليش مادري مادري .. هاي الموضوع مدوخني

انتو شرايكم بنات ؟

صباح الخيرات
امس كان موعدي وموزة قررت ترقدني عشان تجوف شسالفة الدورة اللي تصيدني بس ماحصلت غرفه في جناح 19 حق اليوم فيوم الاحد ان شاء الله بترقدني وقالو بيكلموني السبت في الليل ياكدون علي وياني احباط الصراحه ماعرف ليش وقعدت اصيح مع ان الموضوع عادي وسخيف بس انا صايرة حساسه زيادة عن اللزوم وخوافه

مخمليات;16451162:

حصوووص

شنو انتي دي ، تقصدين إبرة الظهر ؟؟ لانه إبرة الظهر اسمها اب ديورل

ماادري اذا تقصدونها او تقصدين شي ثاني

لا مب الاب ديورل انا اللي اقصدها يطقونج اياها اذا دمج سالب ودم زوجج موجب بس امس سالت الدكتورة عنها قالت لي ما احتاجها لان دمي انا موجب وزوجي السالب تنطق اهي بس اذا كان دم المرة سالب

عشق الحياه;16451165:
انا بعد ما فهمت شنو تقصد بهاي الابرة
وحصوص قيصرية يعني ما بطق الابرة

انا وايد محتارة فيها .. اخذها او لا مادري
الله كريم خل الموضوع لي بعدين

حصوص انتي من تتحجين عن تجهيزاتج انا اتييني حالة نفسية
واحس روحي وايد كسولة وكلة احس روحي متاخرة حدي
وكلة اقول في خاطري شكلي بولد ولا باسوي شي
هههههههههههههههههههههههههه
مع ان قبل كلة كنت اقول من عرفت الجنس ما بطلع من السوق

انا ترى اجهز بسرعه بسرعه لان اخاف اولد في السابع واتوهق لوكنت متاكدة اني بولد في التاسع جان للحين ماسويت شي ولا مني فايده بس كله اخاف اولد هالشهر واتوهق وهقه محترمه :-#

بسم الله عليج حصاصي ..
حبيبتي لا تفكرين هلون ..

ان شاء الله يوم الاحد تترقدين و تتطمنين ان مافيج الا العافية
وان شاء الله يكون كل شي فيج طبيعي .. البيبي اوكي كانت ؟
وانتي جيكو دمج وظغطج وسكر ؟


ان شاء الله ما تولدين الا في التاسع بنوتة نفس القمر
ولاتفكرين و تتوترين او تنزعجين
بالعكس قولي الحمد لله دائما .. انتي احسن من غيرج

حصاصي
ما تشوفين شر ان شاء الله وما عليج الا العافيه والحمدلله جهزتي تفاديا لاي طارئ وفي الحمل تزيد الحساسيه والخوف شئ طبيعي لا تخافين وان شاء الله تطمنين