السلام عليكم ورحمه الله وبركاته
كيفكم صبايا عساكم طيبين
اناما اشارك كثير بالقسم بس متابعه دايم وجربت كثير من التجارب والخلطات اللي نزلوها الاخوات الله يجزاهم كل خير وكثير منها نتايجها كانت حلوه ودعيت لهم..
اليوم انا ابغى اقول لكم تجربتي مع الخطوط البيضاء اللي هي عقدتي :(والحملF:
انا كانت فيني من قبل خطوط بيضاء وما رضت تروح ابد مع اني جربت وسائل وطرق كثيييييييره ولما جلست ابحث عنها لقيت انو اغلب خبراء التجميل يقولو انو فيه طرق تمنعيها او تخففي من ظهورها بس تشيليها صعب..
فعشان كذا نصيحتي لكل حامل ولكل من تتبع نظام غذائي معين وتبغى تنحف او تتخن تهتم النقطه هذي كثير..
انا جربت شيئين واحد منهم من اول ما حسيت بطني ابتدى يكبر والثاني توي بديت فيه مالي فتره طويله..
الشي الاول هو.....
كريم بالمرز للخطوط البيضاء بزبده الكاكاو
هذا من فتره استخدمه للبطن والافخاذ من فوق والجوانب والصدر..
هو يمنع ظهور الخطوط بحيث انو يعطي الجلد مرونه للتمدد ويتمدد بدون ما يتشقق وتطلع الخطوط
لااااااااازم كل يوم تستخددميه بالذات لما تحسي بطنك بدا يكبر او حسيتب بحكه في احد الاماكن اللي ذكرتها لا تحكي ابد..خذي منه وادهني كل ما حسيتي حكه..
وبصراحه جداً ممتاااااااااااز وفبه منه زبده تنحط قبل النوم بس ما جربتها ...
الشي الثاني
من بودي شوب اصبع زبده الكاكاو وبرضو خاص بالتشققات..انا رحت البودب شوب ابغى من عندهم كم شغله وقاعده اللي تبيع تورينا الكريمات وكذا ..قامت امي سألتها عن انو تنفع للحامل او لا قامت اعطتني هذا الستيك وقالت لي انو يمنع ظهور التشققات ولو فيه تشققهات قديمه يشيلها..
انا لسى توي جربته بس حسيت ترطيبه مره حلو وقوامه كمان وتحسي نرطيبه يبقى فتره طويله وعملي كمان.. بس لسى ما تاكدت انو يشيل التشققات القديمه او لا..
هذي هي الاشياء اللي حسيتها فادتني وحبيت اخبركم فيها..والصوره تلقوها بالمرفقات فيها صوره الكريمين..وبس بقي نصيحه صغيرونه لكنها مفيييده جداً
في اخر 3 شهور من الحمل كل يوم قبل ما تنامي ادهني صدرك بزيت زيتون وكثري ع الحلمات وافركيها بين اصابيعك ثلاثه خمسه دقايق كذا ونامي..
لما تولدي وترضعي طفلك مارات تجيكي تشققات والم بالحلمه ابد ..لانو الحلمه بتسير مترطبه وليييييينه وسهل ع الطفل انو يرضعها وما تتشقق وتعورك مع الرضاعه..
]وبآخر الموضوع ما ابغى منكم الا دعوه انو ربي يحفظ لي زوجي ويرزقني الطفل السليم المعافى...:
وما احلل احد ينقل الموضوع لانو حصري لعروس وبس