დ التجمع الرابع لحوامل شهر (3) مارس2013 დ

السلام عليكم

شخباركم ..؟؟

ماعليها شر ام لوكو الله يعينها يارب وتقوم بالسلامة

انا اليوم بعد جاني الم في بطني فضيع تعبت عدل ماقدرت اتحمل الالم
وعلى طول رحت المستشفى قالوا لي تقلصات وغازات وضغطي ارتفع
وكانوا لازم يرقدوني بس مابغيت حطو لي سيلان ومسكن ويوم خف الالم قلت بطلع خلاص
وجيكت لي اذا مفتوحة او لا بس الحمدلله الوضع اوكي
الحين الحمدلله احسن ان شاء الله مايرد الالم لان صدق لا يحتمل ماعرف شلون بولد والالام الولادة
وهذا كله ماقدرت اتحملة :(:( الله يعينا

والله ام لوكاس ماكو شي بس تقول رح تبقى يومين تحت المراقبة في المستشفى و عايشه على المسكنات

الله يعنيها .. و ادعولها

الله يعطيه الصحه والعافيه ويحفظ لها بنتها يارب
سلامتك ام فظوم ولاتحتاين الولاده الله يسهلها وكلي امرك لرب العالمين وهو نعم الوكيل

يارب يا كريم .... تتم حمل ام لوكاس وتقوم بالسلامة هي والبيبي،
وفي ناس واجد ولدو في السابع والثامن والبيبي عاش

ام فطووم . حطي بالش على نفسش وبا تجهدين عمرش ودووم ارتاحي
شنوسبب التقلصات ؟ من الضغط،

يتصفح الموضوع حالياً: 4 (4 من الأعضاء و 0 من الزوار)
‏عروس مخمليه, ‏ماشية بالدرب+, ‏نور النور 5, ‏دلوعة زاجها



:)

أم فطوم سﻻمتك ماتشوفين شر الله يهون عليك وتقومين بالسﻻمه

سلامتها أم لوكاس
ان شاءالله تخف هالتقلصات ويتم حملها للتاسع
أمين يارب العالمين
أم فطوم لاتتعبين نفسج
بدينا نثقل لازم مانجهد نفسنا
اليوم رحت موعدي والنونو بعده راسه فوق ورجوله تحت
الله يهديه مدري شوكت راح يكلب
وكالت ضغطي شوي نازل لازم ما أغير ارتفاعي فجاآه
يعني شوي شوي لما اجلس واقوم
حتى قالت صلي وانتي جالسه لان صرت من أصلي ادوخ

والحمد لله رحت شوي لمذركير شريت فوط استحمام ثلاث قطع
وشريت فوط صغيره علبتين كل علبه بيها ثلاث حبات لمسح منطقه الحفاظ
ولازم اشتري بعد للترجيع
وشريت خمس فنايل داخليه أبو طقطق نيو بورن وخمس من صفرلثلاث كلهم ربع كم
مالكيت كم طويل زوجي قال عادي هو يلبس فوقهم ملابس ويتقمط مراح يبرد
وشريت أكياس لرمي الحفاظات ثلاث علب
مالكيت ملابس عاديه كلها ثقيلة ومخمل
فأشوف الفرع الثاني الأكبر يمكن عندهم ملابس قطنيه واشتريها
وباقي بعد ان شاءالله لما اخلصهم أحط الصور

ماعرف والله وش سبب هالتقلصات
بس اهلي يقولون يمكن ريح الاستقبال اللي تجي
عادتا تشبه الطلق ضغطي ارتفع من الالم كان البارحة طبيعي ومافيني شي
انا الحمدلله ما اجهد نفسي الله يوصلنا ليومنا بالسلامة يارب

:D:D:D
يتصفح الموضوع حالياً: 5 (5 من الأعضاء و 0 من الزوار)
‏عروس مخمليه, ‏"دلع", ‏ريري وسوسو, ‏لجوونة, ‏ماشية بالدرب+



شلونكم كروشات
وشفيكم مانمتوا أنا زوجي يشتغل شفت اخر الليل وجيت برقد عند اهلي وسهرانه مع خواتي

شكرا الكم هسه احسن
بس راح ابقى انطي أخبار لام مريم الله ينطيها القوة ماقصرت
هسه بعد ساعهيمنل بل 8 الليل هسه راح اسوي تحليل سكر وبل 3 بل ليل وبل 6 الفجر
هم اعيدة والله كريم
لازم ابقى تحت المراقبه
نصيحتي لاتعبون نفسكم بل ثامن لو واحد مخلص كلشي
من سابع مرتاح
لحد الآن مايعرفون ليش الالام ثابت اهناك بس كل ساع تقلصات مبارحه جانت قوويه حيل
وانطوني علاج الها
وو ضربوني ابرة للرءات وكل ست ساعات اخذ حبايه لرءه الطفل

سلامتك حبيبتي ام لوكو الله يتمم علينا يارب لتاسع ويحفظ بيبي حقنا ياااارب

الله يقومج بالسلامه ام لوكاس
وما عليج الا العافية انتي والنونو

مموشة
حلوو اتشريتي ننتظر الصور
ان شاء الله تحصلي الافرولات بالفرع الثاني لان انا خذيت من مذركير
وقطنية مو مخمل


البارحة رحت اتسوق حالي
للاسف ما حصلت غير بجامة قطنية بازرار من نعومي
قلت بلف في مول ثاني باخذ جلابيتين للمستشفى
وللبيت باخذ بجاامات وعندي قمصان بازارا للبيت لمن يجون يزوروني

شكرا ياكروشات
جنت نايمه شلون نومه جان اكوم اشوف نريسا =ممرضه
والدكتور يمي فحصني الحمدلله مجان اكو الالام
وهسه علما نمت مرة اللخ دكو الباب وجوي دكتورة فحصتني سونار
تتأكد مي حول الطفل زين وكلشي اوكي وهسه طارت نومه من عيوني
وكل مشتاقه لوكاس باجر الصبح يجيبه ابو يمي
هوة هم طفل حقه يشوفني
انتم شخباركم انشاءالله كلكم بخير

كلشي خلصت وحضرت الحمدلله بس باقي ادخل بل تاسع اجيب حلويات واسوي شووويه اني
ولو ماعندي غريب بس إخوانه وأخواته وأختي
خخخخخخ
مرتاحة
بس مراح تيجيني هدايا هوايا
بس اهم شي نكوم بصحه وسلامه اني وانتوا وكل الكروشات بل عالم

صباح الخير
سلامتج أم لوكو ان شاءالله تخف هالتقلصات وتبشرينا انج رجعتي للبيت
بس الطب صار متطور
هذي اول الحامل إذا ولدت بالثامن يموت وإذا ولدت بالسابع يعيش
سامعه حتى بالسادس ماشاءالله كبروا وعاشوا

انا وانت
البارحه دخلت نعومي ماشفت ولا بحامه بأزرار
طبعا لنفسي كلشي مؤ مشتريه
واليوم رجلي راح للدوام
مدري يطلعنا بالليل نتسوق لو يرجع تعبان ماله حيل

ام لوكوو عليك العافيه حبيبتي وان شاء الله تقومي بالسلاامة يارب وتكملي للتاسع

صباح الخير بنات
والحمدلله ع سلامتك ام لوكاس وان شاء الله تكوني بخير وتروح هالتقلصات
بس انتي في اي اسبوع من الحمل ؟

ام فاطمه حمدلله ع سلامتك شوفي حبيبتي يمكن كليتي شي من بقوليات او حاجه تسبب الغازات
لانه اي اكله الى تسبب الغازات هي تسبب التقلصات فانتبهي
انا غبيه والله امبارح شفت فاصوليا بالطماطم مطبوخه وع طول كليته واليوم جاتني الاااام قويه كانه تقلصات
مفروض ما اكله بس الشهيه عمت عيوني وخلتني انسى انه البقوليات تسبب غازات وتسبب تقلصات
الحين جالسه اشرب حاجه دافيه علشان تروح هالتقلصات الله يعين


مشمشه لما سالت الدكتوره امتى الطفل يكون راسه تحت قالت لما الام تدخل في نص الثامن يعني حبيبتي لاتحاتين انه شاء الله
يعدل وضعه
وكمان الدكتوره قالت عادي اذا وحده ولدت وهي دخلت الاسبوع 31 مايكون اي خطر في البيبي

بس غريبه هل لو وحده ولدت وبعدها في السابع او الثامن يموت ؟؟

انا للحين ما شريت ليي ولا شي ولا مفارش للبنوتة مدري شأنطر