◣♂التجمع الثــاني لحوامل شهر ابريل (4) 2013 ♀◢

هلا والله

نونو وحشتيناا وربي يرجعهم بالسلامة ان شاءالله

خطوات اي بيرجعون لحالتهم لاتخافين انا جذي لاعت جبدي من نفسي وحلويين الهدايااا زين افتكيتي من وايد اشيا

نونو انا بعد محتارة المفارش اوديهم المغسلة او اشتري يديد

زهور انا اخترت الثيم ازرق وبرتقالي الازرق الي اييج على تركواز فاتح . بس طبعا المفرش ابيض بس التطريز يكون ازرق وبرتقالي .

خطوات
بالنسبه للحلبه انا ماسامعه بيها هواي يمنه و ابد محد يستعملها من اخواتي و لا انا
و هذا يعني ضغطج نازل شوية .. :)

زهور
الله يسلمج حبيبتي.. و التجمع منور فيكم حبيبتي
و احب حماسج في المشتريات .. ;)


ام نوف
الله يسلمج عيوني
بالنسبه للمفارش انا عندي بعد بطانيات ولحافات و كم شغله من مريم
والله حرام اشتري .. و ساعه اقول مسكينه هالبنت كله تنام في قديم. بس ارجع و اقول حرام اشتري
و لسه حيرة في حيره هههههه
شكلي رح اغسلهم و اكويهم و خلاص .. على قولت امي القديم احسن من الجديد على الاقل غاسلتهم بيدج و تعرفين شنو فيهم مافيهم ..


اما الثيمات والتحضيرات الله يعينكم عليهم هذا مصرف بروحه .. انا خلصانه ماعندنه هيجي هنا

هلا نونو

انا بعد شكلي راح اغسلهم مع اني شايفه واحد اينن في سنتربوينت رصاصي وازرق بس يلا بغض النظر عنه .

وصاجة عن الثيمات وهالخرابيط مصرررف وعوار راس وان ماسويتي شي ع مستوى شيفكج , الناس مايونج عشان يشوفونج لا عشان يشوفون شمسويه وشحاطه بس بعد مو في كل بيت جذي بس احنا واييد .

انا مفرغة روحي عقب السابع حق هالاشيا

اي ام نوف والله مشكلتنه هالاسواق اللي يغرون الواحد و يخلونه يشتري

ايييي شتسوين هذي من العادات عندكم.. والله امس قعدت ادور في النت شفت اشكال و الوان قلت معقوله كل هذا يسووونه.. !!
بس على قولتج اذا ماسويتي شي الناس تحجي بعد صار لازم تسوين شي حلووو

انا هالمره من الحين اوصي زوجي اقول له ان اجاني الطلق طبيعي ان شاءالله ماااريد تخبر احد غير امي .. لان لما ولدت مريم خبرنه زوجة خالي و اجت و وقفت على الباب لين ولدت

يعني مادري شقول.. يعطيها العافيه بس انا ابدددد ماحبيت جيتها
سأليني ليش انا اقول لج ..

هنا اللي يدخلون للولادة بس شخصين .. و انا كنت اريد امي و زوجي .. و طبعا بعدني مو نازعه ملابسي بس بحالة طلق يعني اربع سانتي .. و كان لازم زوجي كل شوي يطلع عشان زوجة خالي تطلع.. و لما تدخل تقعد تكلم امي ب اشياء مالها داعي. عن الناس و عن فلانه و علانه و انا بياااا حااااال مالي خلق اسمع شي :-o

وبعدين لما صارت الولاده الصجيه و نزعت كانت تريد تدخل .. انا بالوجع اللي فيني بس قدرت امنعها.. قلت لامي مستحيييل تدخل خلوها تطلع تروح بيتهم مااريد احد غير امي و زوجي...
بس ماراحت و ضلت واقفه بالباب و تسمع كل شي .. اوووووف ابددد مااااريد احد هالمره

ان شاءالله يصير اللي اريده و لما اولد بالسلامه ان شاءالله نخبر الكل :thumbs_up:

هلا بنااات ..

كيف حالكم..؟؟

..........

من يومين صادني وجع بظهري بس عجانب اليسار من تحت اللللم قوي بس عضلات .. بس دهنت بكريم من الصيدليه ودهنت وارتحت ..

يالله الله يسهل علينا لين نولد .. المشكله انه بكره البوكسينج داي هههههه لازم استقوي شوي ..

كيفكم كروشات مع الحمل..؟؟

بنااات اسألكم ايش انواع اللصقات الظهر مناسبه للحامل..؟؟

لاني سالت الصيدلانيه ورفضا تعطيني اي شي ..

الحاضرة ماتشوفين شر حبيبتي
و وجع الظهر انا قبل فترة اجاني بعد و كم يوم و راح بس كان الم فضيع مو طبيعي .. بس ماسويت له شي لان قالوا عادي في بداية السادس

والله ماسامعه عن لسقات للحمل.. بحاول اقرا في النت و اشوف

و بوووكرا البوكسينك دي وانا ماراح اطلع لان برد و بنتي كحه و هوسه و زوجي مسافر جان خليته عنده.. بحاول اشتري كم شغله من النت

مشكووورين خواتي على الرد ..

روحت حللت و طلع الضغط نازل و السكر بعد اكلت اشياء حلوه و فواكه ارتفع السكر الحمدلله ..

الحمدلله خطوات

انتي عكسي.. انا الضغط عندي دائما مرتفع .. و صح اذا قالوا الزيادة كـالنقصان لان الزايد و الناقص كله مو زين
الله يتمم علينا ياااارب

اخ بس يا نونو الله المستعان

منتظره موعدي عشان اطمن على الجنين احس المواعيد من شهر لشهر مو حلوه احسن كا اسبوعين زياره
بس الدكتوره قالتلي من السابع يكون كل اسبوعين زياره

و اخيراً الحمدالله دخلت السادس

الله يتمملنا حملنا على الف خير يارب

مبروووك خطوات
صحيح المواعيد اول كل شهر و بعدين تصير كل اسبوعين و لما تدخلين التاسع كل اسبوع
و بعد ورانه تلقيحات البيبي و المواعيد بعد الولادة و كومة شغلات
الله يعديها على خير ياربي..

يصير اكون من ضمن التجمع آخر دورة 20/7 موعد الولادة بتاريخ المركز 26 بس الاتراساوند يعطيني نص خمسة لان اتوقع ان حملي صار متأخر ...

نسألكم الدعاء الله يتمم حملي بالخير واشوف ضناي بيومه ... اكتب بالتلفون فاتحملو البدليات..

زهوره شفت تجهيزاتج الللللي تجننننن و رديت عليج

ذووووق

أم إن شاء الله;16375198:
يصير اكون من ضمن التجمع آخر دورة 20/7 موعد الولادة بتاريخ المركز 26 بس الاتراساوند يعطيني نص خمسة لان اتوقع ان حملي صار متأخر ...

اهلا و سهلا فيج حبيبتي طبعا يصير ليش مايصير
و حتى لو ولادتج بالخامس مابنعطيج :D بتضلين هنا :)
مبروووك الحمل و الله يتمم عليج حبيبتي..

بس ترى هالمعلومات ماتكفي. قولي لنا هذا اول حمل؟ متى تزوجتي؟ و من هالكلام

معاج نوره .. ام مريم عمرها ثلاثه و نص و هذا حملي الثاني و فيني بنوته بأذن الله ساره :adore:

نونو صج كريييه يكون احد ماتعرفينه عدل معاج في غرفة الولاده انتي بروحج بحاااله احسن ولدي وبعدين خبري الاوادم .

خطوات حطي بالج على نفسج ومبرووك دخول الخامس وربي ينقلج لي تمامه

زهور واييد حلوين التجهيزات عليه بالف عاافيه ولدج

أم ان شاءالله حيااج الله بينا معاج ام نوف عمرها 3 سنين

تأخرت بالحمل تقريبا ثلاث سنين بعدين الحمدلله بفضل الله ومنته وصبرنا وايمانه الله رزقنا ببنوتة اللهم صل ع محمد وآل محمد بعد طول انتظار عمرها حاليا ثلاث وبعدها قررت احمل عليها مباشرة خوفا من تنعاد لي مشكلة التأخير والله ماخيبني وجبت عليه بنوتة ثانية بفضل الله اللهم صل ع محمد وآل محمد عمرها سنتين والحين قررت احمل والحمدلله الله كتب لي الحمل بفضله اللهم صل ع محمد وآل محمد كتبت قصة حياتي حتى ابعث في نفوس المتأخرات الامل بان كل تأخيرة فيها خيرة ومهما طال الانتظار حتما بتقر عيونكم بشوفة ضنا الصبر فالصبر والسعي ...




باختصار اني ام لطفلتين اللهم صل ع محمد وآل محمد ..

نسألكم الدعاء...

عمري 27 من البحرين ههههههه ملف حياتي استقبلوني بالصلاة ع محمد .. هههههه