التجمع الحادى عشر لأمهات ديسمبر 2011 لشهر محرم كل سنة وإنتم طيبين

ماشاء الله اللهم باااااااااارك

اغيب كام يوم أرجع ماشاء الله اللهم بارك الكثير من الأخبار السارة

سمسمة ام إياد ويزيييييد حمدا لله على سلامتك وسلامة يزيد

بركة قوامك بالسلامة بورك لك فى الموهوب وشكرت الواهب ورزقت بره وبلغ

أشده

بس ما قلتيش ولدت يوم كام إوعى تكونى عمتليها يوم 1/12:lol:

يبقى العيلين عيد ميلادهم فى يوم واحد وتخبطى عصفورين بحجر واحد وبدل

عيد ميلادين يبقى عيد ميلاد واحد :lol:

وعلى جيب المية ما تفكرنيش يا اختى ربنا ما يعيده تانى ده عملوه ليا ولا حوق فيا

وبرضه اخدت حقنة للطلق الصناعى :(

يلا الحمد لله وكل سنة وإياد بألف خير وعقبال مالسنة الجاية لما نبارك ليزيد

بس كده برضه تخلى واحد من العيال فى أول قائمة الأسماء بحرف الألف

والتانى فى آآخر القائمة بحرف الياء;)

أم لوكاس كل سنة ولوكاس بألف خير وشكلك عملتى حفلة يتحاكوا بيها :)

مستنيين حكاياتك

نبراس ماشاء الله اللهم بارك ربنا يتمم لك حملك على خير

بس والله إنك تعرفى بالحمل بعد فترة أحسن ما تحسيش بالحمل ولا بطوله غير

لما تعرفي بيه من أول يوم

لما قلتى إن الدكتورة قالت لك تفطمى خولة قلت ليه ده ممكن ترضعيها لغاية

آخر الحمل بس لما قلتى إن لبنك قل قوى عرفت السبب شكلك ضعيفة أصلا

بس لو عايزة تفطميها من غير ما تتعبك بإذن الله

حاولى معاها دلوقتى طول النهار ما ترضعيهاش خالص غير رضعة واحدة فى نص

اليوم وتكون كمان صناعى وبعدين هى دلوقتى ماشاء الله كبرت مش لازم

تعطيها الببرونة ممكن تعطيها الرضعة فى كوب عصير وبيبقى فى حليب صناعى

بطعم الفاكهة أو الفانيليا ممكن تتقبله عن الحليب العادى

ولو رفضت الأكل بالنهار أتركيها لغاية ما تجوع عمار كده

لما يرفض الأكل أتركه من غير ما أرضعه لغاية ما يجوع ويضطر يقبل الأكل العادى

سواء سيريلاك أو لحوم وخضار

وبالليل حاولى تأكليها قبل ميعاد النوم أكل فيه لحوم وحبوب علشان تملأ بطنها

تأخد وقت فى الهضم وتنام وقت أطول ولو عملتى كده هتيجى على بالليل إن

شاء الله تلاقى حليب فى صدرك تقدرى ترضعيها رضعتين أو تلاتة بالليل لغاية

الصبح وإن شاء الله يكفيها

رونق ونبراس البنات اصلا جهازهم العظمى بينمو أبطأ من الأولاد غالبا

وتلاقيهم يتكلموا قبل الولاد ماشاء الله

أصلنا بنموت فى الرغى من وإحنا أطفال :lol:

كل سنة ومشمش بخير يا ام مشمش

جوفان عاملة إيه ياقمر :)