بصراحة ماعدت أطيق زوجي ,, الي مسكتني حملي

M!ss CoLoRz;16326031:
نزل عليج دم وقاعدة!!!!!!!!!!!!!!!!!

هاي من الضغط اللي صادج

روحي بسرعة المستشفى لا تقولين ما عندي احد يوديني ... كلمي اهلج جاراتج إن شالله احد من الشارع حامل ونزيف هاي لازم على طول المستشفى !!!!!!!!!! ومشكلة زوجج ربج بيفرجها

قربت أصير ماما;16325495:
معلش كلامي ملخبط لأني مشتتة و تايهةةة
زوجي من ناحية الطبخ و الشغل مابريحني أبدددا ,,
أنا دخلت الشهر الخامس من حملي و وضعي خطر و قالولي أرتاح ع الأقل أسبوع و بعدها عندي مراجعة
على عينه جاب غدا جاهز مرة ,, و بعدها قاللي ع العشا انتي سويه وحكالي جوعان كتير سوي أكتر من صنف !!
قلتله ولا حتى أسبووووع بدك تريحني ,, إذا صار بالولاد شي لاتلوم إلا نفسك ,,
قاللي انتي بدك تموتيهم و تحطيها فية ,,
يعني انا الي حملت فيهم معقولة أقصد أموتهم !!
صاير عصبي زيادة و مو متقبل تعبي
كان يحكي بده يشوف بطن لأنه بطني صغيرة و مو عاجبه انه مو باين حملي
هلأ بعد ما أعطوني فاتح شهية من يومين صار خايف ,, قاللي رح تصيري سمييييينة و تبشعي و الي يصير بشع ما يرجع لحلاته
و قاللي خايف يكبر بطنك و بعد القيصرية يصير بشع !! لأني رح أولد قيصرية و هو يقول كل ماكان البطن أصغر يكون ال(تشوه) على قولته أقل
اليوم راح ع دوامه معصب تخانقت معاه لقلت بس ,, حسيته ماكان صاحي من الكلام الي حكاه بده يجلطني
وقلتله مارح أسويلك غدا اليوم دبر حالك ,, قال جربي ماتسوي !!
أول مرة بصير هيك بيننا نقاش بس هو الي بدا
و فعلا زوجي رجع من دوامه بعد الظهر و شافني ع السرير قاللي سويتي غدا قلتله لا
قال ناوية تسوي ؟ قلتله لأ
قاللي ماني عارف ليش متزوج ,, وجودك و عدمه واحد ,, أنا رايح و مارح أرجع إلا لما ييجو الولاد أو يموتو و بعدها نشوف حل لك !! لأني متحملك بسبب الي في بطنك بس
زوجي واضح انه انجن ,, هاد كيف لو إني تعبت بداية حملي !! كان موتني و موت ولاده

وطلع و ماتركلي مجال أحكي شي
و أنا من الظهر لحد هلأ ببكي و ماعارفة لا آكل ولا أسوي شي
ما بحب أكلم اهلي بمشاكلنا و مو قادرة أحكي لحدا غيركم
بس أنا حاسة اني ماغلطت
و راتبه الحمد لله كويس و يقدر يجيب كل يوم فطور وغدا و عشا يعني مو قلة راتب!
و أنا مابصرف كتير ,, من بداية جواززنا ماشريت شي غير الي اشتريته بالخطبة
شو رأيكم ؟ غلطت ؟ شو أعمل ؟ صارلو 8 ساعات غايب تقريبا

و عم بفكر كتير مالقيت حالي مقصرة بشي ,, طبخ و بطبخله مع اني بكره الدجاج و ريحته بس عشانه بسويه ,, و البيت دايما نضيف و طلعات طبعا مابطلب منه لأني أحلمممممم
إلا إذا حن علي ووداني ع مطعم و هاي صارت بس 3مرات من بعد الزواج
و مابعرف حدا بهالغربة لاجيران و لا أهل
بصراحة كرررررررررررهته خلص نفسي أتخلص من هالسجن
تعبانة و نفسيتي تعبانة ,, أعطوني مكمل و فيتامينات و حديد وفاتح شهية و اخدتهم مرة وولاعارفة آخدهم كمان مرة ,, ما إلي نفس آكل
مو هامني نفسي ,, خلاص حياتي تدمرت بعد ماارتبطت بهالرجال الي تغير هاليومين كتيـــــــر,, بس خايفة علي ببطني :(
مخنوووووووقة كتير ردو بلييييييييز