مرحبا مامات عروس جميعا
بحكم اني لم احمل لمدة سنتين ومن كثرة الملل كنت اغلب الاحيان بدخل يوتيب واشوف مقاطع للاطفال واعياد ميلاد وغرف اطفال وملابس اطفال كنت مهوسة بل الاطفال وبحكم اني اعيش بل غربة كنت اكتب بل اللغة الانكليزية اشوف شنو الجديد ولازم نتعلم اشياء اللي زينة من عندهم صح والا انا غلطانا المهم
هديتي عبارة عن البوم صور فيها ذكريات من يوم خبر حملي لحد عامه الاول
راح ابدي من رحلة حملي
طبعا اول ماعرفت اني حامل فرحت جدا جدا
وعملت اول سونار واحتفظت بل صورة
وكل شهر كنت اخذ صورة واحتفظ فيها فيكي تاخذي اكثر من صورة مو مشكلة
بعدين نجمعهم على صفحة
وعملت 3 مرات سونار واحتفظت بل الصور
طبعاااا راح تشترين البوم كبير وراح تبدي تخلين صور السونار بي
وتكتبين تحت كل صورة تاريخ السونار
والسونار اللي عرفتي بي جنس البيبي الصورة تحتها تكتبين
بهذا اليوم عرفت جنسك ياحبيبي (اسم الولد) واذا بنت (اسم البنت)
وبعدين تبداين تخلين صورك من اول شهر الى شهر التاسع بل حمل
وبعدين نيجي اثناء الحمل براي حلو تخبرين الكل انك حامل على مايكونو كل ساع عندك خطار لازم يراعون شعورك كحامل والتعب ولازم ترتاحين المهم
وخلال هل الفترة تبداين دورين اسم لابنك او بنتك
وراح تختارين غرفة من غرف البيت لمولدك الجديد وراح تصبغيها حسب جنس الطفل
واكو حرووف للاسم اللي بتخاريه اذا تحبين تخليها بغرفة مولدك الجديد بس اللغة الاجنبية
وخلال فترة الحمل راح تبداين تجهزين غرفة لطفلك (طبعا حسب الامكانية) وراح تبداين تشترين ملابس للبيت وللطلعة وشوية العاب
وشوية كتب قصص وغراض كامله خاصة لاول طفل
وراح تبداين تصورين كلشي بفيديو وتحتفظين وراح اكتب الكم شنو جنت اكتب بل يوتيب حتى تشوفون المقاطع وتتعلمون وتستفادون كما استفدت اني
جنت اكتب (baby room tour)
وكلش حلوة المقاطع تشوف شلون يحضرون غرفة للطفل وغراضة وملابسة وتتصورهم
طبعا ماكو فلم ماشفته لان حلووين
تكدرين تخلين بل الالبوم كم صورة لغرفة طفلك
وكم صورة لااول ملابس اشتريتها
ر
وتقدرين تصورين نفسك لمن تشترين ملابس االبيبي كم لقطة للذكرى
وبعدين تكدرين تسوين حفلة بسيطة لااهلج واهل زوجج وصديقاتج
تخبريهم فيها شو جنس البيبي بطرق حلو ومفاجئات والعاب وخاصة الاطفال يتونسون بهيج مناسبات
وراح تاخذين كم صورة للذكرى وتقدرين تلبسين ملابس وتزينين البيت بجنس البيبي
بعدين انتهت رحلة الحمل وانشاء الله كل حامل دكوم بخير وسلامة هية والطفل
واكيد راح تاخذين اكبر عدد من الصور بل اليوم الاول والثاني بل مشفى
وهم تخلين الصور بل ترتيب بل الالبوم
وبعدين تصوري مع ابو مع جدة جدتة واقربائكم
وهكذا
اهنا بل غربة لازم نشتري للبيي ملابس كشخة وحلوة لان تيجي مصورة على المشفى عدها عقد عمل معاهم
تصور البيبي لحاله بعدة لقطات لان تعرفون اول يومين يكونون هادئين ونايمين اغلب الوقت
وتاخذ لقطات عدية للام والطفل والاب والطفل
وهكذاا
وبكيفج اذا عجبوج الصور اخذيها ماعجبوج لاتشتريها مافي مانع
وطبعا هم هاي الصور نبداي نخليها بل الالبوم
وبعدين راح يطلع من المشفى اخذيله صورة
وتحت الصور نكتب(اول يوم طلع للدنيا وشم الهواء او اي عبارة حلووة)
وكمان تاخذين صور اله اول يوم بل بيت
وتكتبين الصور هكذاا
وهكذا كل شهر تصور بتاريخ ولادة وتكتبي(كمل شهر شهرين ثلاث والى ان يكمل سنه)
وبين الاشهر راح نلتقط هم عدة صور زيارات لااهلج لااهل زوجج
اول مرة طلع مول اول لعبة لعب بيها اول سن اول يوم اكل اول يوم زحف اول يوم ضحك كعد مشى وكلشي حلو وعدة لقطات وحسب كل موسم بموسه
راح يصير خزين صور وصفتيها بل الالبوم براحتج
ولمن يصير عيد ميلاد الاول اعطيها اله كهدية
صدكيني راح يكون اكثر شي مميزة اله بحياته
وتكدرين تسوين فيديو اله وشوفي بل يوتيب هل مقاطع يمكن تستفادين
(baby first year)
(twins first year)
(first bithdy baby)
)(party city birthdy)
ااسفة على عدم ربط اللغة بل كلام وعدم التنسيق بس حبيت اشوفكم اللي تعلمته من الغربة
وانشاء الله هاي هديتي لاابني بعيد ميلاده الاول
وبعدشهرين يكمل سنة
والموضوع اذا عجبكم ادعولي دعوة حلوة
ولو حابه تنقلي الموضوع ماعندي مانع مع ذكر منتدى عروس