تجهيزات عرائس ' مملكة البحرين ' لشهر ذو القعدة 1433 - 2012 م / الجزء : 93»

بحرآنيـ? عسل . .;16270084:
سسلآلآم ’
وين أفضل صآلون تعديل عروس مكيآاج وتسريحه وأسعآره أوكي ؟؟
تعبت وكل أحد أقول ليي شي :(
إلى تعرف تفيييدني بكون مآنه لهاا

بحرآنيـﮧ عسل . .;16270084:
سسلآلآم ’
وين أفضل صآلون تعديل عروس مكيآاج وتسريحه وأسعآره أوكي ؟؟
تعبت وكل أحد أقول ليي شي :(
إلى تعرف تفيييدني بكون مآنه لهاا

wedding;16268201:
بنات ساعدوني
عرس رفيجتي عقب اسبوع ولحين ماحجزت حق شعر ومكياج
كان خاطري اجرب نادية بوزيد بس ماعندها مجال كلش وبوجيري موفالبحرين
ابي مكان مكياجهم وشعرهم حلو مافيني شدة الغربال
اشرايكم في صالون كارولاين؟؟؟

@eman@;16268392:
السلام عليكم بنات
عساكم طيبين
انا رجعت لكم ورجعت معاي بتقرير عن حفله الجلوة اللي سويتها
في أشياء ندمت اني سويت وفي أشياء تمنيت أني سويتها

بداية كانت الحفلة في بحرين ليمو ومن حظي انه خلاص من عقب حفلتي راح يوقفون يعطون القاعه للحفلات.
اعتمدت انه تكون الحفلة شعبية 100%
فخذت بترشيحاتكم بأن يكون التصميم من عند جاسم نايم وخذ علي مع 250 دينار لكن للأسف الشديد ماعجبني كلش كلش كلش كان وايد مبهدل انصدمت صراحه مع انه اللي في الصور اللي حاطهم لنا كل شي غير :(

المكياج والشعر بما إني جلوة فحبيت شعري يكون بسيط كله لاني لبست القبقب فرحت عند باربي سويته ستريت والمكياج من غيداء الصالحي من البسيتين وماشاء الله عليها فنانة استغربت انه اسمها مب موجود في الملف الكل طلب رقمها عقب الحفلة.

الحنة كان لي دهر أحن وألفح الا اتحنى عند هند مدينة عيسى لكن للأسف الشديد حناها ماعجبني كلش كلش كلش اللهم بس اللون لكن النقش حدث ولا حرج مبهدل وخربطة صاير بس ريلي اللي ضبطتها أما يدي خربطة أستحي اراوي أحد الحنه :(

فستاني من عند باندا أخضر
التصوير عقب مالفيت كل محلات التصوير رسيت على سكوب مادري ليش ماعجبني مع اني ما جفت الصور ولا اخترت بس مادري ماكنت مرتاحة تمنيت لو اني خذت فيديو ولو رحت مكان ثاني حق تصوير

الموالح والسويت كله شعبي كباب وخنفروش من عند وحده تسويه في البيت عقب الحفلة نص القاعه طلبت الرقم بعد وغير الحلوى والدارمندر والنخي والجكلمة والجوكلت ماجفت كل شي بس هاي اللي قدرت أصيده لان ماشاء الله انترست القاعه كل من يه وحط يده فيزاهم الله خير

الشاي والقهوة من عند واحد يييب ناس سصيون القهوة والشاي من عندهم ويسون حليب بيذان ويوز وزنجيل وكراميل وكل شي ولي أمس يتصلون لي البنات يبون الرقم خخخ

الجلاية كانت أم نادر شالت الصالة شيل بس وايد طولت وتعبتني هههه

الأسبوع اللي سبق الحفلة
رحت ديسانج حمام مغربي ومساج بديكير منيكر
غصون تشقير ماعجبني لانه ما ضبطوهم عدل
حلاوة جسم من الصالون اللي يم بيتنا اتعامل معاهم دوم

يمكن اشياء نسيت أو سقطت سهوا
حاضرة لأاي سؤال

وانتظروا الصور ان الله اراد
وانتظروا تقرير البرايدل شور

liberty river;16269203:
بنات وين الاقي يبيعون مثل ستايل هالجلابيات ..

zeshto;16269215:
بنات خطيبي صدمني امس ان صايرة ظروف خارجة عن ارادتنا ولازم نتزوج في العيد يعني عقب شهر :|
انا توني اصلا رايحة مصورة حق خطوبتي عقب سنة وما مداني ارتاح كلش وغير جذي ما كنت مستعدة نفسيا لان كان ببالي بعد سنة اتزوج !
خصوصا ان تونا مبدين دوام جامعة واخر سنة ان شاء الله
بس شسوي غصبا عنا الظرووف حتمت هالشي

انزين يا حلوات ابي كل شي من الالف الى الياء ما عليكم امر
انا بسوي حفلة صغيرونة عائلية بالبيت لان بسافر يوم ثاني
فشلون تنصحوني بالستايل؟ انا احب الناعم الاوروبي
تنصحوني اسوي فيه شك وايد؟
وشلون عن المسرح وهالسوالف؟ وتجهيزاتي شتنصحوني احتاجه واشتريه؟
ترى انا كلش ما افهم في هالسوالف :hysterical: انخطبت في حالة وفاة فما سويت اي شي
كل شي مستعجل ما يمديني افرح عدل :-#

الشيخة;16269910:
السلام عليكم ورحمه الله [[

بنات عروس وحشتوني جدا فوق الوصف وخصوصا هذه الزاوية

اتمنى ان تكونوا بصحة وسعادة

خواتي عندي بعض الأسئلة وعشمي فيكم خير
لدي صديقة عمري راح تتزوج ولكني بعيدة عن مواضيع التجهيزات فمحتاجة لذوقكم اللي ما أشك فيه أبدا
ا البنت القصيرة شنو يناسبها من قصات فساتين. وخصوصا ان رفيجتي تبي شيئ مستور يغني مو قصات كاشفة.. ؟ واقترحوا لي بلليز محلات للفساتين علما ان ذوقها ناعم جدا وسمبل
البشرة الحنطية شنو الدارج لها من ألوان ؟

ما هي أفضل مجموعة للعناية بالبشرة؟

عروس_2012;16271466:

السلام عليكم

شلونكم يا عرايس البحرين

عندي جمن سؤال وانتظر الاجابه

١. بغيت افضل دي جي لفندق بسعر زين وتكون بنت مو بوية بدون تقطيعات ودمج حلو واغاني يديدة

٢. سمعت عن محل دان للورد

ممكن معلومات اكثر عن المحل، موقعه وين صاير، شلون سعرهم، لو بغيت ستاندات ورد وكراسي في اي بي يوفرون لي ولا مثل باقي المحلات ما يرضون الا بتجهيز القاعة بالكامل؟ ولو راح يجهزون القاعة كلها بجم يبتدون سعرهم؟

وشكراً :o

wedding;16271564:
بنات لحين ماحجزت
رحت شفت مكياج أمينة جناحي وعجبني وحجزت ودفعت عربون بعدين كلموني الصالون قالولي ان امينة ماتقدر اتمكيجني لأنها فل فكنسلت الحجز
احين وين اروح كل ماكلم احد يكون فل ومافي حجز
ساعدوني ابي صالون زين بليز

M!ss CoLoRz;16271629:

صباح الخير عروسات

ان شالله استناستوا في الاجازة

ان شالله اجوفكم نشيطات على طوول

لاحظت تكرر نفس نمط الأسئلة واللي تخلينا من الصعب ان احنا نرد او بالأحرى نتردد قبل الرد

اسئلة مثل مين الاحسن ومين الافضل ومين الاحلى ومين التوب مستحيل تحصلين رد شافي عليها

الناس اذواق واحنا ما نعرف بعض ولا نعرف شنو تحبين ولا شنو الافضل والمميز عندج

لو سمحتي كوني دقيقة في سؤالج ...تسألين عن مكياج قولي لنا ادور على وحدة تحط كيت وكيت وميزانيتي كذا والمنطقة الفلانية او ما عندي مشكلة في هالشي

تسألين عن حناية قولي أنا احب الخفيف انا احب النقش الهندي ولو تحطين لنا صور بالنقش اللي في بالج احسن واسهل لنا ولج

شي ثاني .. ساعات في اسئلة ما نقدر نرد عليها نقدر نخمن مثل لما تسألين عن الأسعار

احنا اللي نقدر عليه نقترح عليج اماكن ونعطيج الارقام الباقي عليج انتي

هاي عرسج .. يومج .. ذكرياتج

حطي لج دفتر وحددي اللي عليج .. الباقة مثلا عندج اسئلة عنها ( السعر والنوع واللون والتوصيل و و و ) كتبي هالاسئلة وروحي المحل بنفسج وجوفي وقارني وقرري
ما تقدرين تروحين رفعي التلفون واتصلي

مستحيل مستحيل مستحيل نقدر نعطيج اجابة تبرد قلبج 100 %

احنا نحب نرد على اسئلتج ونحب نقترح عليج ونحب ننصحج ونحب تقولين لنا ونقول لج

بس في الاول والاخير انتي الوحيدة اللي تتحملين نتيجة خياراتج

والله يوفق كل العرايس وخوات العرايس وصديقات العرايس واهل العرايس عامة

اهلين حبيبتي
نصيحه من تجربه يوم قرب عرسي نفسج كل وحده تعطيني راي بس انه سويت اللي مقتنعه منه واللي يريحني انت شنو ستايلج وشنو تبين وروحي شوفي بعينج
الشغل وقرري واذا سمعتي الكل بتتعبين والملف موجود فيه كل المحلات وارقامهم و يختصر عليج الوقت والجهد

اخــ القمر ــت;16271782:

هلو بنوتات شخباركم :)

استقبالي عقب اسبوعين انشالله وليحين مالقيت شي البسه :-#

امس رحت العالي والستي ماجفت شي دش خاطري يمكن اروح الاسبوع الياي السعوديه لعل وعسى اللي يعرف اماكن تبيع فساتين تصلح حق استقبال يخبرني بليز قلت بامر اريما بعد يمكن اجوف شي

الاكل باسوي سندويجات من روشيه ومقليات من امنه وشوارما وشيش طاووق ميني من جست بيرفكت والحلاوة سمبوسه حلوة و سويت من روشيه يشبه مال ليلو وبنسوي السويت اللي في قلاصات بروحنا في البيت احس احتاج بعد طبق او طبقين مالح شنو اقتراحاتكم ؟؟