لمة بنات ليبيا الحرة لشهر شوال سنة 1433 - 2012 ✿✿✿

سلاااااااااااااااام

كيف يرفعو المهر في الفضانية واصلا هيا الفضانية باش يتفقو ع المهر وهكي ؟

.... السلام عليكم ورحمة الله وبركاته ,,,

جمعة مباااااركة وان شاء الله الجميع بخير وخصوصااااا سرو يا غالية ومعاش تتعففي من حمل يا بنت هده نعمة احمدي ربك عليها صبح وعشية ,,,,

غيرك يااسرو ريقه يابس وتقول يا رب انجيب حتي معاق المهم نحمل ,,,

سرو ياا غالية دعواتك لياا ولي كل المرضي عتمان الحمد لله حاله خير من قبل ومازال الدكتور اموسع باله علي العلاج يقوله انته نوعية ورمك كويس ,,,,

هو ورم وفيه لي كويس وفيه لي لاااا كان الكلام هدا يقوله فيه المرة الاولي ورواح وطالع عنده انتشار في الدماغ ,,, .

..عموما الحمد لله وانشاء الله ربي يشفيه ويشفي كل مريض ياارب



اميمة المهر لي هو المدفوع عندنااااا ,,, يرفع بوا العروس الف جني في جيبه ,,,

ويتفقوا علي كل شي علي المو خر قبل المهر طبعاااا هدا سبرنا في عيلتنا الانه المهر ما يهمناش يهمنا الموخر ,,,

ويتكلموااا علي الدهب وعلي القفة وعلي السبيزه وعلي اللحم وكل شي لو عنده حوش كل الاموار هده ,,

الانه في حضور راجاله كبار يعني ما فيش كدب لا غش ,,{ وطبعاا فيه لي يكدبوااا }

ولمه يكملوااا كلامهم بوا العريس يحط الف جني قدام الناس لي حاضره ويقوله هدا مهر بنتك ,,, وتواا الكرة عند بوا العروسة اماا ياخد الف ,,,

او يحلف يقوله بنتي لو تتقدر بي المال حتي ميلون شوية فيهااا لكن اني بنتي بنعطهيلك امانه وتحافظ عليهااازي بنتك

واني بنعطيهلك انته لو غلطت ربيهااا ولو غلط فيهاا ولدك انت اتصرف ما غير ما نعلم اني .. ويهمه الموخر ’’ يحط علي قلبه 50 ليرة والا نص كليوا دهب

,,,, باش لمه يفكر يطلق يحصل ,,, هدااا كلام كل راجاله عيلتنا في بناتهم

ويحلف علي الف ويرده لي بوا العريس ,,, وفيه لي ياخد عشرة جني ,,,ويقوله قال الرسول { اقلهن مهرا اكترهنا بركة }

طبعااا هدا عيلتنااا كلهاااا لكن ما نرفعوااا شي الحق وعندنا الفضانية اهم من البيان الانه كلمة راجاله ,,, وفيه لي يرفعوااا العشي من حوش العريس ,,,

وفيه لي يرفعوا خروف وطماطم وزيت وخضرة اختي في الفضانية اتكلم بوه وقال لي بوي عليا كل

شي بوي احلفله قاله ما تجيبش حتي حاجة انتم اضيوف عندي المهم جابوا صفرة بقلاوة

اميمة طرابلسية ما يرفعوش ,, راهو الرفع الحقاني في البيااااااااااان ,, هكي اخوالي وعيلتناااا

بعد الفضانية لو امشت امه تبارك وبتتكلم علي تفاصيل البيان ترفع معهاا بقلاوة ,, وحديدة دهب الي كنتهاااااااااااا ,,, وكان الله يبقي الله

ههه يقول اقلهن مهرا اكثرهن بركة ويحط مؤخر هكي كبره !!!!!!!

المؤخر هو من المهر بس يندفع بعدين يعني يتاجل بس مفروض اصلا يدفعه لما متزوجين كل شوية كانه دين مش باش مايطلقش !!!

واصلا لو وصلت للطلاق مرات يخليها ويمشي يتزوج ويكرها في عيشتها لين هيا تتنازل يعني عمره ماكان المؤخر باش مايطلقش !! ههه

فاهمين قصة المؤخر غلط لا وحاسب روحه مش واخد شيء لان بنته تسوي اكثر وهو حاط مؤخر هكي كبره ههه

جمعة مباركة علي الجميع
يارب اغفر لنا و لكل المسلمين
و أشفي جميع المسلمين
و استجب دعائنا يا رب و دعاء المسلمين


نجمتين كلامك يونس مرررررره .... ما قد قريت
تفاصيل مثل كده

عن الفضانية

لان أنا حتي في فضانيتي حضر عمي و أبوي بس
بحكم علاقتهم القوية فما سوينا ..... مثل اللي تقولون عليه

مساااااء الخير
يا مكسدااات

السلام عليكم يا مكسدات شن جوووكم وشن دايرين في ايامكم

انا من لما جيت لكندا وانا ديما مشششغوله مش زي ايامات بريطانيا خابطني الكساد مش عارفه علاااش

المهم مره مره نخش نطمن عليكم هانا لان الفيس بوك كرهته والبنات اللي ضايفتهم وحولتهم اعدروووني لان نبي نغير من عاداتي المش كويسه

واولها الفيييييس نبي انقص من القعاد عليه لين انتعود علي قلته ولكن لما حد من الفرند يحط خبر والا لايك لصفحه يطلعلي انا ونلقا روحي نقرا ومنسجمه وهكي وقتي يضيع

ونبدا نسمع في اخبار انا مانبيش نسمعها ارجوا ان تكونوا فهمتوني شن ننقصد وتسامحوني

المهم اخباركم شنو وشن دايرين ؟

استاحشتكم كلكم

اميمه مبروك البيبي يتربي في عززززززك وعزز بوووه :016:

السلام عليكم ورحمة الله

سلمها سلمها حاطين صورة حامل في البروفايل ...عيشي اللحضه ياسروره وان شاء الله ربي يعاونك ويسهلك

السلاااام عليكم ورحمة الله وبركاااااااته ,,,,

هلا وغلا بي الجميع وان شاء الله اخباركم كويسة ياااااااااااارب وصحيحات وفرحنات ,,,,

سرررررو كيف حالك وحال ابو الشباب ,,,,,والشباب ,,,

ميراااااااا يا حياتي ربي يقربكم عاجل غير اجل ياااااااااارب ,,,

اميمة نعرفوااا انه المهر ربي فرضه في عقد القران لي تتقرب القلوب والمهر فرض علي الرجل حتي ولو مات لزم

ما اي حد من عيلته يخلصها في المهر من الورت امتعه ولي هدا في الدين يحبب ان يعطي الموخر المراة

عندما كون الزوج علي قيد الحياة ولكن ليس بي الطلاق ولكن الان في عرف عندنا كنا كامسلمين بدء

الموخر عندما يقرر الزوج بي الطلاق او بي الاحري الهروب من حياته الزوجية ,,,

,كما من حاله في او بي الاحري حااااااالات لا يتم الطلاق بي الرغم من وصول القضية

الي القاضي ولكن يترجع الزوج عندمااا لا يكون له القدرة علي دفع الموخر ,,, ,,,

المهر بروحه ياااا اميمة والموخر بروحه في عادتنااا ,,, المهر لي هو الشرط في الدهب والقفة والمفروش

,,,طبعا سوق جمعة يقولوا تلاتة واتنين ,, ومعروفة لي هيااا تلاتة مفروشهاا والفين موخرهاا بس يندفع

في مرة وهيا اغلب المتزوجين ما شين علي قانون تلاتة واتنين بس احني لاااااااااااااااااااااا ,,

صفر و50 ليرة ,, لي عاجبه خدي مننا ولي عارف روحه مش قدنااا انسحب ,,,

هلااااااااا ام سند ليك وحشة مووووت وان شاء الله اخبارك كويسة وكيف حال سند ,,,

هدا البروفيل ,,,Om Yousef | Facebook

السلام عليكم يابنات