بيتنا التاسع والعشرون ربات بيوت سنعات

صباح الورد

بعد اخر رد ليا قمت ودخلت المطبخ

حطيت اللحمة بقدر الضغط

ولما خلصت بهرت اللحمة ودخلتها الفرن وعملت الرز

وبعدين قدمته وحطيت عليه جزر مبشور ومقلي وصنو

قبل التقديم روحت اخدت شور سريع

اتعشينا الحمد لله

شلت السفرة

وغسلت المواعين وقدر الضغط نقعته

تابعت فلم مع زوزي

وروحنا نمنا

صحيت اليوم ع 8 ونص

ودعت زوزي

ودخلت اخدت شور ينشطني

لميت زبايل البيت تكرمون

وغسلت حمامي من قلللللللللللب

وحطيت دفعة غسيل جينزات

ومسحت المرايا والدواليب بغرفتي وغرفة المعيشة

رتبت سريري

نشرت الجينزات وحطيت بناطيل فاتحة

كنست غرفتي

وروحت ع المطبخ شلت المواعين اللي غسلتها امس

وععسلت قدر الضغط

ودحين جالسة اكل بسكوت

وفقطوووون

ودي للجميع

فينكم ؟!!

الملف هاآاآاآاآاآاآجد

:(

بنات نسوي قروب بالاين يكون احسن او الواتس زي ما تحبوون

السلام عليكم

كيفكم ياحلوات

الحمد لله حجيت السنه ذي وكان كل شي ميسر


الله يتقبل مني ومنكم صالح الاعمال وكل سنه نتم بخير


يومياتي جدا مضغوطه بسبب العمل والبيت والعيال

وحتى الان ماعندي شغاله

نراكم على خير

السلام عليكم

عساكم بخير

لسى ما رجعت بيتي بعد اﻷجازه
حتى ما يمديني للنت

حبيت اسلم عليكم

ونتقابل على خير

صباح الخير
والتفائل
صباح متفائل بعز ونصر وتمكين للاسلام والمسلمين

اللهم نصرك اللذي وعدت لعبادك المستضعفين في كل مكان


-----------


رجعت لبيتي الحمد لله
وعندي امور ومخططات كثييير
ببدأ فيها حبه حبه حسب الإمكانيات
طبعا جبت وحده نظفت معي البيت
وباقي بعض الأمور يبغالها تنظيف


مهامي اليوم

تنظيف الثلاجة وترتيب الأغراض فيها
تفريغ شنط السفر
مع الأشغال المعتاده


------------

بنات ليه الملف مررره خامل شو صاير
وين البنات ؟؟
شي غريب والله
رووز - وفاء - جداويه - أنوثه - شذى - حنين - ووووووالباقين كلهم ....

!!!!

: (

السلام عليكم

صوت أزيز الرياح بين جنبات هذا الملف الخاوي من ساكنيه !!
الله يرجعكم ويرجعنا بالسلامة ^^


إنجازاتي اليوم :

فرغت الثلاجة ونظفتها من قلللب
ورتبت الأغراض
والخضار رصيته في علب ورتبته بالثلاجة
- عملت كشنه وكيستها
- فرمت جزر وكيسته وفرزنته قبل لا يخرب
مدري شو أستفيد منه بس يجيه يوم إن شاء الله
- طلعنا السوق ندور على غسالة مواعين وتقريبا رسينا على وحده
لكن احترنا مع بكش التجار كل واحد له كلام
واحد يقول أمريكي بولندي والثاني يقول أمريكي أمريكي ..ما ندري من نصدق



واللحين فيني النوم عيالي وأبوهم نامو من بدري


في أمان الله

بسم الله
ويااااا الله صباح خير

وش فيه الملف صابته عين ولا شو ؟؟


صارت تضيق نفسي لما أدخل الملف بعد ماصار مهجور
وصراحة أحس بعدم الأمان

فاستودعكم الله اللذي لاتضيع ودائعه

مساء الخير بنات اخباركم
اشتقت لكم بس ماعدنا زي اول نتسلى بيومياتنا
انا انشغلت بالوضيفه واطفالي وشغالتي الجديده

فعلا زي ماقالت كوامن حاسه اني بمكان مهجور
شكرا رووما شكره كوامن شكرا وتر على يومياتك اللي سطرت اخر حياه الملف


احبكم كلكم واسال الله ان يجمعنا في جنته يارب

وداااعاااااااا

استل امبشن = رايقة
لك وحشه وربي =(


سبحان الله
والله كأني فاقده شي مهم في حياتي
العشره صعب تنسى بسهوله
خصوصاً عشره مع أخوات مثل العسل
طيبه وصلاح وتكاتف

حبيت أقول لكل الللي بيمر ببيتنا هنا ... تأكدو اني حبيتكم
وصرتو جزء من يومي
اهتميت بأمركم زي ما أهتميتو بأمري
ودعيتلكم من قلبي وما زلت أذكركم بدعائي
اسأل الله كما جمعنا في هذه الدنيا أن يجمعنا في الفردوس الأعلى
:(

وانا احبكم ومشتاقة لكم
بس فعلا الدنيا غيرتنا
الله يوفقكم جميعا لما فيه الخير
وخلينا نذكر بعض بالخير وانتم في البال والله

السلام عليكم
كيفكم حبيبات قلبي
وش الي صار
اكيد فيه شي بالعاده وحده تغيب اما الكل
كل مادخلت متحمسه اكتب الاقي الملف على حطت يدي
لا لا يالله كل وحده تحاول لو تدخل وتكتب كلمه بس
حرام تجمع زي ذا ينفض كذا بدون مقدمات
الله يبارك فيكم وفي اعمالكم وصحتكم وبيوتكم وعيالكم
يومياتي
كالعاده كرف في المدرسه والبيت والاسبوع ذا معد قدرت اتحمل
جبت لي شغاله تكرونيه صدق من سمامهم اسم على مسمى
ويدي بيدها والحمد لله على كل حال
اليوم طبخت الغداء رز وملوخيه وفلفل حار بالخل
وتشهوينا وصليت العصر ووعلمت الشغاله كيف تشغل الغساله
وروشت بنتي ولبستها
وبعد المغرب ناويه اروح اطل على عمتي تعبانه
بالتوفيق للجميع

صباح الورد

كيفكم جميعا....

الفترة اللي فاتت كنت بالرياض روحنا اسبوع عند سلفتي

انبسطت الحمد لله

وامس رجعنا

طبعا من التعب راح وقتي نووووووووووم

صحيت ولبست وروحت لاهل زوجي جمبي

جات اخت زوجي

وشويتين راجعة بيتي

بصراحة «««« انا كل ما دخلت ما الاقي شي يحمسني

اتمنى الجميع يكون بخير

ودي للجميع

صباحكم سكر
انا مثلكم كل مادخل ماشوف فيه حماس
مع اني مقنعه في بنات يدخلون بدون رد
وبعضهم تخفي
مانطلب منكم شي بس رد
يطمنا عليكم
انا شفت ملفاتكم روز لها اكثر من شهر او شهرين
خلود اتوقع انها ولدت
الباقي مادري ليش مختفين
فيه مكان تجتمعو فيه غير التجمع قولو على الاقل نتطمن عليكم
مو كذا الشهرين مانشوف فيه رد
يشجع او يساعد على شغل البيت
شو حصل معاكم
انا اعرف ان عروس صار مهجور
وخصوص قسم الشات
بس مو كذا
بالله عليكم من تدخل تخفي تطمنا لو بكلمة مرحبا

وصال ....رايقه كوامن....اروووما
لكم حبي
مشتاقه اليومياتكم
الله يحميكم ويحرسكم من العين

صباح الورد

بعد اخر رد ليا

رجعت من عند عمتي وكنست بيتي

ونمت بعد الفجر

صحيت العصر

مسحت غرفتي ورتبتها

وع العشا روحت لماما اتعشيت عندهم

وطلعت مريت السوبر ماركت قضيت اغراض للتلاجة

ومريت البحر وحشنا هههههه

رجعت بيتي ع 3 ونص تقريبا

رتبت اغراضي واكلت فاكهه

وبدلت ملابسي ونمت

صحيت اليوم ع 8 ودعت زوجي

وماجاني نوم

ومكسلللللة اقوم اشتغل

وفقطووووون

ودي للجميع

السلام عليكم

اهلين فيكم

الحال من بعضه لمن الواحد يتحمس ويجي يكتب مايلاقي اي تفاعل
اكثر من شهرين واحنا عالملف هذا

المفروض فالواحد والثلاثين

بس اختفاء البنات غريب


الحين انا مسافررره
جيت مكة لي امس بالليل


الله يطمنا عالغاليات

وويوفق الجميع


وفاا رايقه كوامن وصال دانه اروماااا يعطيكم العافيه
الملف مايرجع زي اول الا برررجعت الجميع
:(

من تدخل الملف
من بتشاركني في حمله تنظيف المطبخ وغرفه النوم
كل غرفه لها اسبوع كامل
.....
وتر
انا معاك الملف مابيرجع
بس مايمنع ان ندخل ونشجع بعض
يمكن يرحع مثل اول

يومياتي
تنظيف غرفة النوم والمطبخ
وغسيل المواعين ومسح السراميك وتنظيف الله يكرمكم الحمامات
والطبخ
هذا شغلي كل يوووم

الملابس اجمع ملابس يومين واليوم اللي بعده كوي
وبكذا ماعندي كوي يتعب
.....
الحين افكر انظف البيت عميق مع اني منظفته بعد اخر مره رجعت فيهاا من سفر
والحمدالله جلست بيتي المره هذي شهرين كاملين
اول كنت اسافر واترك البيت والحين مستقره اللهم لك الحمد
احتمال اسافر الاسبوع الجاي عندنا زواج
ان شالله ربي ييسر الامور وسافر
هذي اخباري ويومياتي
كونو بحب وبقلب محب

اهلين دانه

يعطيك العافيه وربي يقويك

ما شا الله تبارك الله


انا سويت لي جدول للاعمال

ريحني كثير

حسب شغلي فبيتي
الغسيل بعده الكوي

وحطيت مرتين كوي ومرتين بالاسبوع غسيل وارتحت
وطبعا خليت لي يوم راحه
والايام الباقيه ترتيب وتمسيح وغيره
وللحمدلله افضل من اول ما يتراكم الشغل وما اتعب



>>ودي اشاركك بس مسااافره


ان شاء الله لا رجعت ابداأ معاك