OM HOOR;16240203:
يعطيك العافيه عزيزتي
أنا الحمد لله خلصت من تعليم بنتي علمتها بمثل عمر بنتك
سنتين ونص
انا طولت على ماتعلمت تسوي نمبر تو بالحمام
مع اني حاولت قد ما أقدر اخليها تنقرف منها
بأني أخليها تنظف نفسها لما تسويها بس ما فاد معي
الا اني منعتها من الآيسكريم لأنها كانت تحبه وأبوها يحبه يعني موجود في البيت على طول
وقلت لها لو سويتيها في الحمام بعطيك آيسكريم والحمد لله نجحت الفكره ومن يومها ماتسويها الا بالحمام
بس مسألة انها بعد الحمام شلون تنظف نفسها أحسها مو مقتنعه مره تنظف ومره لا
وانها تغسل يدها بعد الحمام للحين نفس الشي مو دايم
مع اني اقولها لانها تدخل الحمام لوحدها او اكون مشغوله فما تسوي هالشغلات
وحتى لو امرتها تتضايق وما تبغى تنظف ولا تغسل يدها
والحمام بالليل انا الى الآن أجلسها بنص النوم ادخلها الحمام
مو جايه تمسك روحها بالليل
بس ما ألبسها حفاظ ادخلها مره وخلاص
اذا عندك افكار لمشكلاتي خبريني؟؟؟؟
حبيبتي الطفل يسوي كل شي تعودينه .. يعني انتي لا تنسين كل مره تخلص تخليها تغسل و تغسل يدها.. و مع الايام صدكيني رح تتعلم بكل سهوله..
و سالفة الحمام في الليل عادي فيه كثيييير اطفال يقعدون في الليل و هذه لان يشربون كثير سوائل .. انا اليوم اللي اشوف بنتي تشرب فيه كثير اشيلها في الليل و ابولها و هي نايمه ..
بس اكثر الاوقات مااخليها تشرب كثير و حتى هي صارت تعرف بالليل لما اعطيها ماي تقول عطيني شوي اخاف ابول بالليل هههههههه
الله يوفقج مع بنتج و يخليلج اياها