![]("http://www.3roos.com/files/ups/2011/413341/01322485378.jpg")
السلام عليكم ورحمه الله وبركاته
وكل عام وانتم بخير
كيف كل العرائس الحلوين عساكم بخير حاسه اني ما نزلت موضوع فى قسمي الحيبب من فترة طويله :o بس مش مشكله يتعوض ان شاء الله
اليوم بحكي تجربتي مع ماسك الخميرة .. وانا بفرفر فى النت على وصفات جديدة (كالعادة) بلقي وصفه الخميرة مع جوز الهند وانها جميله وبطول الشعر و و و..اشوف مجربات لا يوجد :thumbs_down: المهم فتشت عن فوائد الخميرة للشعر وصراحه الموضوع دخل راسي فقمت اضيف واذيد والنتيجه مااااااسك رووووووعه تغذيه وترطيب وشعر طويل باذن الله
المكونات:-
3- معالق كبيرة خميرة ممكن تقللي على حسب طول شعرك
2- معلقه زبادي
معلقه عسل نحل اصلي
معلقه زيت خروع
معلقه زيت لوز حلو
نص معلقه صغيرة زيت اكليل الجبل (الحامل ما تستخدمه ممكن بدله زيت نعناع)
نص معلقه صغيرة زيت البصل (اختيارى لذوي القلوب القويه لان الريحه يااااااساتر:struggle:)
ماء ورد لتذويب الخميرة
حمام كريم انا استخدمت بوناويل ببروتين القمح
![]("http://www.3roos.com/files/ups/2012/413341/01345662426.jpg")
دي المكونات كلها
![]("http://www.3roos.com/files/ups/2012/413341/11345662426.jpg")
بعد ما ذوبت الخميرة واضفت العسل والزيوت
![]("http://www.3roos.com/files/ups/2012/413341/21345662426.jpg")
الخلطه جاهزة اعملها على الشعر لمدة 2-3 ساعات وبعدها اغسلها وارطب شعري باى مرطب واستمتعي بشعر ناعم وجميل وبستخدمها مرة فى الاسبوع وممكن مرتين للشعرهم جاف ومحتاج للترطيب
فوائد المكونات:-
الخميرة
من اغني المواد الطبيعه بالبروتينات والمعادن والفيتامينات خصوصا عائله فيتامين ب ودي بتحافظ على رطوبه الشعر وفيه ب5 الذي يقوي الشعر ويمنع تساقطه وب9 المسئول عن تاخر الشيب ايضا البروتينات فى الخميرة تساعد على تقويه الشعر لانه مكون اساسا من البروتين ونقصه يودي الي ضعف الشعر وخفته والخميرة تحافظ على فروة راس صحيه ومتغذيه والنتيجه نمو شعر صحي وجميل
الزبادي
غني بالبروتين والمغذيات ويرطب الشعر بشكل واضح ويساعد على نظافه فروة الراس
العسل
من المرطبات القويه جدا والغنيه بالفيتامينات والمعادن المختلفه يحافظ على شعر ناعم لامع متغذي وفروة راس صحيه
ماء الورد
كمان من الحاجات البسمع انها رائعه للشعر بس من غير وجود مجربات فبحث فى المواقع الاجنبيه ولقيت كتير من البنات يستخدموها للشعر وعلى حسب كلامهم فهي منشطه لبصيلات الشعر - ترطيب للفروة الراس - تقضي على القشرة - تحمي من تقصف الشعر وانا اقول جروبها جد رائعه انا دخلتها فى عنايتي بالشعر فى اكتر من حاجه وح اتكلم عنهم ان شاء الله
الزيوت
الخروع معروف طبعا يكثف الشعر
زيت اللوز الحلو من افضل الزيوت للشعر لتفاصيل اكتر ادخلوا موضوعي عنه انا جد بحب الزيت دا
زيت اكليل الجبل او الروزمارى رائع للشعر يحفز نمو الشعر الجديد - يحافظ على فروة راس صحيه - يساعد فى مشكله تساقط الشعر بشكل كبير (الحامل ما تستعمله)
زيت البصل :badly:
ريحته مش حلوة بس مفيد جدا للشعر يقوي بصيلات الشعر
حمام كريم بوناويل
ممكن تستخدمي اى حمام كريم بس انا بحب بوناويل ببروتين القمح بنعم الشعر وقوامه ثقيل وبساعد انه الخلطه تكون جامدة وما تنزل على الفيس :cool:
اكيد طبعا لكي كل الحريه فى استخدام الزيوت البتنفع مع نوع شعرك وحمام الكريم البناسبك
F:F:
انا خلصت ارجو ان يكون شرحي واضح واكيد لو نسيت حاجه ما تتردوا بالسؤال
منتظرة التقييم +لايك لو الموضوع بستاهل
فى امان الله
اختكم منووووشه