حلى الجبن بالخطوات المصورة ورمضان كريم

السلام عليكم ورحمة الله وبركاته

حلى الجبن بالسميد هو حلو سوري طعمة غريب مايناسب كل الاذواق يعني اللي يحب التجديد وطعم جديد يجربه عن نفسي احبه من زمان ومن سويته تلذذت بطعمة الحلو والباارد ..

قبل ماابدا بس حبيت اذكر للامانة الطريقة اخذتها من ملف للاكلات بالفيس بوك ..

نبدأ بسم الله .. المقادير

ثلاث ارباع الكوب سميد يكون سميد نااااااااعم انا استخدمت اللي يستخدم للبسبوسة وحسيته خشن لازم يكون ناعم .

ثلاث ارباع الكوب ماء .. ربع كوب سكر .. ملعقتين ماء ورد ..كوب ونص الى كوبين جبن موزريلا

نايلون الخاص للاكل وعلبة قشطة للحشوة وطبعا قطر او شيرة وفستق للتزيين ..






الطريقة سهلة جدا

نخلط مقدار الماء والسميد والسكر وماء الورد على النار ولازم يكون بجدر تيفال علشان مايلصق معاكم وعلى نار متوسطة






نحركهم مع بعض بس يبدى السميد وباقي المكونات تتجانس

نضيف فوقهم الجبن






نحرك فيهم لحد مايذوب الجبن وتصبح عجينة مطاطية ومتماسكة






نشيله عن النار ونترك العجينة تبرد تمااما

نأخذ قطعة من النايلون ونضع فوقها شيره علشان ماتلزق العجينة على النايلون

ونضع العجينة ونفردها ونضع داخلها كمية من القشطة






نلفها






ونقطعها ونضعها في صحن التقديم ونزينها بالفستق والشيرة

ونتركها بالثلاجة تبرد كل ماكانت بالثلاجة اكثر كل ماكان طعمها الذ






وهذي صورة مقربة اعذروني شكلهم يمكن مو متساوي لان ابني الله يصلحة كان يبكي واستعجلت






وبس مافي اسهل من هالطريقة ;)

الحمدلله على كل نعمة يارب ادمها علينا نعمة واحفظها من الزوال يارب

دعواتكم لي ولا تنسون اخوانا بسوريا من دعواتكم واخواننا المسلمين في بورما:'(