الحريرة المغربية بالصور من مطبخي بمساعدة أم عبودي

قبل لا انزل المضوع بقولكم السالفة وشدخل ام عبودي بالموضوع
كانت عندي عزيمة لاصدقاء زوجي و طالبين شوربة الحريرة و الطاجين و مجبوس لحم، و كنت وعدت ام عبودي يوم اسويها ادز لها الطريقة بالواتس اب و هذا الي صار ، بس هي اقترحت علي انزل الموضوع و للاسف ما صورت كل المراحل لاني كنت مخبوصة و ولدي الصغير ايده بايدي زين خلصت بالوقت ، المهم هي الي صغرت الصور و جهزت كل شي جزاها الله خير
و الحين اليكم الموضوع ، و اعتذر عن نقصان الصور و عدم تصوير كل المراحل

المكونات +الطريقة
كوب حمص يتنقع قبلها بليلة
نص كوب عدس او ماش يمكن انتة تسمونه ماش
هذي صورته












بصلة مفرومة
كرافص مقطع قطع صغيرة بس اغصانه مو الورق












بقدونس مفروم
اذا تحبون تحطون وياها لحم هم نص كوب لحم مقطع مربعات صغار بس مو ضروري يمكن تسوينها من غير لحم
معجون طماط
شعرية












البهارات :
ملح + فلفل اسود+ زنجبيل مطحون + شوية دارسين + كمون مطحون و اذا ما عندج من هالبهارات يصير تحطين سبع بهارات
الطريقة :
في جدر كبير تضعي شوية زيت + بصل مفروم+ كرفص+ بقدونس+ عدس+ حمص و لحم اذا بتحطين لحم












حمسيهم ويا بعض و ضيفي البهارات بعدين تقريبا لتر ماء حار و خلي عالنار لين ستوي الحمص تحطين معجون طمام



























بعدين تاخذين بادية تحطين فيها شوية طحين و خلطيه بالماي لين يصير اخف من عجينة الكيك و ضيفيه على الخليط الي بالجدر و حركيه و استمري بالتحريك عشان ما يتكور وياج الطحين و تشوفين الشوربة سائلة يعني مو تكثرين خليط الطحين و تثقل وياج الشوربة












خليها على النار شي ربع ساعة بعدين ضيفي الشعرية اخر شي و حركيها بس تستوي الشعرية طفي عليها و حطي هم شوية بقدونس فوق لزوم الزينة
اذا عندج مكعب ماجي حطيه بس بالبداية
وهنا ع الانتهاء












وهذا شكلها النهائي












وسويت معاها طاجين خضار بالحم












وبنهايه ان شاء الله تعجبكم لذيذه كثير ومفيده بالذات الايام الجايه لشهر رمضان
وكل عام وانتم بألف خير
واى سؤال انا حاضره