|.. المبرد الزجاجـي vs المبرد العادي .. تعالوا نشوف المقارنة..|

{{

مرحبا .. خوآآتي .. الله يسعدكم ويعطيكم العافية

احس اني غبت فترة عن المنتدى رغم اني اسجل الافكار الي اريد تنفيذها كمواضيع
بدفتر ههه :037:

المهم ... عشان ما اطول بالسالفة :041:

موضوعنا اليوم ان شاء الله يكون حلو وخفيف :091:

وممنوع ممنوع ممنوع .. النقل الموضوع فقط حصري وخاص لعروس .. يعني صاحبات الكوبي بيست اقروا الكلام زين عشان تعرفوا انه موجه لكم .. خافي من ربك ..:039:

الفكرة .. جات لما كنت بنزيه وشفت المبرد الزجاجي وحطيت في بالي اني اخذه وقتها شفته غالي وما كنت احس اني اعرف استعمله ..

بعد فترة كنت بنزيه شفت كان السعر نزل او ان ماركة ثانية منزلة بسعر اقل.. فجربته فقلت بكتب مقارنه بسيطة بين المبردين وان شاء الله اتوفق بتوصيل المعلومة ..





الموضوع يتضمن :
- شرح للمبرد الزجاجي + الصور
- المبرد العادي +الصور
- معلومات للبنات الي تحب تعرف من وين اشتريت او حصلتهم ..

معلومــة :
... هو عبارة عن مبرد مصنوع من الزجاج بتقنية عالية وخاصة ويمر تصنيعه بمراحل معينة حتي يتكون يكون بهذا الشكل بسطح لماع وناعم وفريد ..,,
غير انه غير متعارف بين الناس مقارنة بالمبارد الاخرى مثل الحديد والورق والي نعرفها ..

مميزاته :
- صحيا اذا تعرض لاي سوايل مثل الماي المفروض ما نخاف لانه بيجف على طول وممكن تعقيمه باي من المعقمات المتعارف عليه وبعد ان سطحه ما تجرح

- وطويل العمر :057:وغير قابله للكسر بسهولة

-قوية ومتينة:ok:

-وعند الاستخدام ما تجرح وذكرنها فوق وكمان السن المدبب الي فيها ما ممكن ان تتطعن او تجرحنا .. :02:

- وبعد عدة استعمالات ميزتها انه تقوي الاظافر وتكون اكثر نعومة وما تترك اي نتوءات او حواف خشنة وتكون سلسة

الاستعمال :
تستعمل لاظافر اليد + ممكن استخدامها لعقب الارجل لتنعيم الرجل الخشن وهالشي حلو لو يكون عندنا نوعين او مبرد زجاجي مخصص للرجل يكون افضل ..

نشوف الصور









الي عندي له علبه خاصة يحافظ عليه









السن المدبب فيه ملمسه ناعم وما ممكن انه يجرح او نتاذى منه





اسم المنتج





حوافه ناعمة



نجي للمقارنة مع ::

المبارد الاخرى سواء المصنوعه من الفولاذ او الورق يعني تكون حلوة وسهلة للاستعمال وتعودنا عليها ويمكن الاغلب بالصالونات يشتغلوا على الورق هالشي الي لاحظته ما حبيت الورق ولا عرفت استخدمه ...

المبرد الفولاذي بالعادة الانسب لنا اسهل ويعطينا الشكل بشكل اسرع وممكن تعقيمه بس لازم ننتظر اذا كان التعقيم بالديتول الاخضر المخفف بالماي او المعقم العادي ..

المميز فيه انه ممكن نحصله باحجام واهم شي يكون من شركة او ماركة معروفة بعض الانواع تكون رخيصة وللاسف ما يكون عملها مثل ما نرجو ..

السئ فيه .. انه يترك بعض النتئوات والي يخلينا نستعمل الملمع او ااداه التلميع وهالاداة معروفة بالصالونات تلمع الظفر من فوق وبعدها تصقل الحواف للاسف ما دايما ارضى لان احصل النتوؤ او الحواف لسة خشنة ...

بالصور





العادي صح انه ناعم الحواف بس اخاف من سنه المدبب ..





حوافه




مسكته عجبتني





حجمه كثير زين للبرد

تجربتي .. :094:
طبعا جربته كذا مرة وكل ما اجربه احب فيه هالميزة ما يترك اي ملمس خشن او حواف خشنة بس .. حتى لو تلاحظوا بعد صقل الظفر بالعادي ترك الاثار مزعجة الزجاجي الي حلو فيه الاثار ما تظهر مثل العادي ..

الصعوبة تكون في ..:035:
- كزجاج واظافر تجيني قشعريرة او تحسس تعرفوا الحالة الي تكون مزعجة
- اخذ وقت اكبر من العادي في برد الاظافر
- بالعادة استعمل العادي من بداية الظفر {U} ويكون باتجاه واحد بس مع المبرد احس بصعوبة

بس حصلت حل يرضيني ::07:

خطوات :
- اقص الاظافر بالشكل الي اريده وطبعا اترك الباقي للصقل .. ممكن ما احتاج قص
- اصقل باتجاه واحد وعلى حسب الشكل مربع او دائري او دائري مربع ..
- التلطيف وهي تطرية الاظافر نحط ماي دافي ونعصر ليمونة وفي معلومة عجبتني ممكن تحطيهم في حليب .. لمده 5 دقايق وتنشيفهم وتبداي
- نبدا بعملية تنظيف الاظافر بازالة الجلد

طريقتي :
الطريقة الي ارضتني وبجد حسيت براحة من استخدامها هي اني استعمل العادي واصقلهم على حسب الشكل الي اريده وبعدها استعمل الزجاجي لصقل خفيف

تعالوا نشوف التجربة

استخدمت العادي وطبعا الحواف ما مصقولة تمام خشنة بالاصح





بعد ما استعملت الزجاجي اعذورني حاولت اصور عشان توضح الصور اهم شي
اني وصلت المعلومة ويمكن توضح الحين ..





شوفوا الباطن للمبردين

العادي ..





الزجاجي




النتيجة كانت 100% روعه ليش: :043:
- النتئوات والحواف الخشنة تختفي بمجرد استعمال الزجاجي
- الوقت صار اقصر من استعمال الزجاجي


نصيحة ::038:
- موضوعي فقط كمعلومة وتجربة حتى تستفيدوا منها اعرف ان ممكن بعض البنات عنددها هالنوع .. يعني محد مجبر انه يشتريه كل وحده فينا لها الحرية بالاختيار تختار الي يريحها
- التعقيم ممكن تكون بالمعقم العادي +ديتول الاخضر المخفف بالماي +المكيروف
جونسون ..








اسمه


اماكن الشراء :064:
المبرد الزجاجي : بالعادة يتوفر في محلات تجهيزات الصالونات انا اخذته من النزيه يمكن تحصلوا ماركات ثانية وباسعار اقل او اغلى الي اشتريته كان سعره ب 3 ريال عماني وكسور ..
وما لاحظت انه توفر في السوبر ماركات يمكن كارفور الله اعلم ..

المبرد العادي والورقي : بمحلات تجهيزات الصالونات مثل النزيه وماضي والافضل الانواع عندهم اشتريت نوع للاسف تعبني وكان من كارفور

المبرد الي بالصور : اخذته من اسواق العين بالبريمي وسعره ب 600 بيسة وعمله ممتاز وحجمه مريح بعد ..

المعقم المعروض: متوفر في كل مكان الصيدليات +كارفور << شفته عندهم وباحجام
وبسعر رخيص ..

تعمدت اكتب عشان اي وحده حابة تشتريهم تعرف الاماكن ..
{ اي وحده تسئل ما راح اعطيها اجابة لان كل ذكرت التفاصيل }

المرجع : للمبرد الزجاجي خذته من النت وعملته دبولاج ههه واختصرته
المبرد العادي من واقع تجربة

واتمنى موضوعي يكون خفيف ودعواتكم لي ان الله يكتب لي ما اتمناه ولكم بالمثل باذن الله:009:


}}