تجهيزات عرائس ' مملكة البحرين ' لشهر رجب 1433 - 2012 م / الجزء : 90 »

Mi$$ Maha;16113143:





هههههههههههههه ..
ما اعتقد انج ابرد مني ..؟؟

انا للحين ماخذه روحي على سعه
وللحين ماقررت متى اعرس حتى ؟؟

اهم شيء انتي شنو تبين ماعليج من احد

انتي العروس وهذه شيء خاص فيج ..
اذا بتسألين اللي حواليج اكيد بيقولن لج
سوي حفله لان يبون يرقصون ويستانسون
وانتي اللي بيعورج راسج في الاخير ..
بس هي ليلة في العمر بعد ..!!

انا عن نفسي مافكر اني اسوي عرس بتاتا
كلش ما احب اعور راسي مع احد بعد ..

اذا ميزانيتج تسمح سوي حفله مصغره وسافري ديرة وحده
وباقولج شيء ترى شهر وزود شهر عسل احس وايد ..

:confused::hysterical::-#

اسبوعين كافي أحس ..
ههههههههههههههههه

حتى لو ماسويتي عرس ؟؟
ممكن تسوين جلوة او حنة

او ممكن تسوين عرس وماتسافرين ..

بس انا اقولج انتي تستانين بالفلوس احسن
الناس بتي العرس وبتذم وبتعقر وبتأكل وبتطلع

وفي الاخير القرار لج انتي ..
انا هذه رايي ..

:o

ms.dalo0o3a;16113300:
السلام عليكم ..

اختي غلا البحرين ..

اذا تبين رايي مثل مس مها بالضبط ..

الناس بتعقر حتى لو شنو سويتي في ارقى فندق واحسن بوفيه بعد بيذمون ف النفنوف ولا الاكل ولا التسريحة ولا الدي جي ..وحجي الناس ما يخلص ..

وفي نفس الوقت انتي ما تبين تكسرين بخاطرج لانها ليلة ..

انا لو كنت مكانج .. اسوي حفلة عرس بسيط واسافر شهر برررع دولة اوروبية وادلع رووحي ..

مع اني توني توجيهي هههه بس اقولج صج لو كنت مكانج ما باخسر على عرس ..

باعطيج قاعات بسيطة وسوي عرس بسيط وعائلي ولبسي الابيض علشان ما تكسرين بخاطرج بس كل شي سوي بسيط وعائلي علشان ما يكلف ولين رجعتي سوي استقبال ..

1_ قاعة ابي ذر تنفع حق خطوبة وحق استقبال << استقبال ولد خالتي كان هناك بس اوكي حق عرس عائلي .

2- ملح وفلفل مرة كنت ف الصالون وجفت عروس اهناك عرسها قاعدة تسولف وعرفت ان اهناك مسوية العرس وشكله بعد عائلي وبسيط .. لان انا جفتها القاعة يوم حق تخرجي حلوة وزينة .

3- قاعة ماعرف شنو اسمها ف م حمد الدوار 2 فاطمة كانو مادري شنو يم مسيد ذي مو حق عرس حق استقبال لان ما يرضون اغاني يم المسيد اهيه .. وايد رحت لها واكثر شي يسوون فيها استقبال ..

4- قاعة الدانة اللي ف سند اوكي صغيرة بس ما تشيل وايد لان حددها صغيرة .. اعتقد 1000 دينار ووايد عليها ..

5- قاعة عوالي اذا عندج احد هناك يشتغل بالواسطة حلوة وتنفع لان قاعتين على بعض مفتوحين .. وانا احسها
اوكي ..

6- قصر المرجان ف جد علي

فاحسن شي حق عرس احس ابي ذر او قاعة عوالي لان 2 مفتوحين على بعض قاعة حق بوفيه وقاعة حق الكراسي والطاولات .. وقصر المرجان تنفع بس بدون قاعة بوفيه .. لان ما فيه مكان يعني يوم اروح لها كانو مسويين خدمة .. بس رخيصة اعتقد ايام عادية 500 دينار شي جذي بس كلش ما تكلف وجريبة ف جد علي ..

وانا اخترت لج اماكن بسيطة ورخيصة المفروض يعني اقل من باقي الاماكن .. علشان تسافرين وتخسرين على السفر احسن من انج تخسرين على اوادم بتعج وبتعقر وبتذلف .. واهمه يبون اييون حق الرقص والعقرة .. والخسارة والفلوس كلها من بيدفع انتي اهمه شعليهم منج هههه ..

عشان جذي افضل السفر وتروحين دولة اوروبية بعد وتعيشين جوج مو عرس وخرابيط ..

وبجذي كسبتي الاثنين حفلة بسيطة وسفر .. ^^

بالتوفيق اختي بس لازم من احين تحجزين لان يالله تلقين حق عقب العيد تعرفين اكيد في حجوزات من قبل ..

@eman@;16113321:
غلا البحرييين ..

انا عندي لج اقتراح
مدام خاطرج الشييئين
ما أزيد على كلام البنات ماقصروا

من 6 لآلاف اخذي ألف وسوي فيها حفلة بسيطة وعائلية ولا تتكلفين فيها
استانسي ولبسي الابيض وصوري وسوي كل اللي بخاطرج شرط ما يزيد عن هالمبلغ ولو تحسبينها صح بيطلع قد الميزانية
والباقي سافري فيها واستانسي وروحي اللي خاطرج ..

كل شي ولا تتحسفين :)

الله يوووفقج يا الشيخه

اخــ القمر ــت;16113325:

جوفي حبيبتي انا مريت بنفس هالسالفـه بالـضـــــــــبـــــــــــط وعورت راس البنات وياي :p

الخطيب يقنعني ان السفر احسن وانا خاطري في العرس بس تنازلت وقلت امري لله باسوي حنه او جلوة وبنسافر لكن حزة الحزة الله يسر وامي قالتلي لاتسوين جلوة سوي عرس وانا باساعدج اهوه عليه السفر وانا وامي علينا حفلة العرس وامه ساعدتني شوي بعد

حجزت قاعة عوالي ب 1500 حق 200 شخص مع الاكل وخذت مسرح من اماسي ب 550 وباقي الشغلات يبيلها يمكن 1000 - 1500 من فستان وشعر وتصوير وجوكليت التكاليف في حدود 3500 زايد قاصر والحمدالله باسوي الاثنين سفر وحفله :)

اهوه صج محد يستاهل تخسرين عشانه والناس ماعندهم الا اكل وعقره بس انتي خاطرج في هالشي ومايصير تستغنين عنه او عادي تتنازلين ؟؟

انا كنت اسوي روحي مب هامني جدام بيتنا مع اني ميته اقولهم عادي باسافر احسن وخواتي يقولون يالمينونه هالشي بيصير مره في العمر وانا اكابر اقولهم حتى شهر العسل مايتكرر بس من داخلي اكيد غير ابي افرح في روحي واستانس في هاليوم واحس اني صج عروس واصور بالابيض

انتي تقدرين تسوين عرس وتسافرون اسبوع او 10 ايام والامر راجع لج في الاخير وماعليج من احد لو مين كان هذي يومج وانتي حره شتبين تسوين فيه

3roos July;16113340:
غلا البحرين ..
رايي من راي اخت القمر .. اهيه ليله وحده بالعمر جم مرة بتصيرين عروس و بتلبسين الابيض !؟ ما اظن وحده ما يصير بخاطرها هالشي ..، حتى لو كابرتي قلتي ماتبين عادي و عادي و عقب .. بتندمين ان رحتي عرس و و .. صج كلها ساعتين بدشين القاعه و تصوير و و .. بس اهيه ليلة وحدة بالعمر و ما بتكرر ..
و سوي حتى لو شي بسيط اهم شي ماتخلين بخاطرج ..
و السفر لاحقة عليه حتى لو عقب العرس بشهر ان تبين سفرة عدله او اسبوع اسبوعين ..
و موفقة ان شا الله ..

oioon;16113361:

غلا البحرين
اول شيء بقولج انتي وايد باردة8o|
هههههههههههههههههه هالكلام دايم اقوله حق حماتي ...لازم العروس تحط على روحها في البداية عشان تخلي اخر شهر اهو احلى شهر حق الريلاكس بس...
اممممم وثاني شيء ماراح ازيد عن كلام البنات...انتي صاحبة القرار واستخيري...
شوفي الشيئين حلوين وتحسين انج ماتقدرين تستغنين...امممم وكل عروس مرت بهشيء وهي تفكر...فإذا كانت ميزانتيج 6000 دينار حطي في بالج العرس راح يكلفج اذا وايد بسيط بتحاولين تختصرين تقريبا مثل ماقالت قمورة 3500 الى 4000،والباقي تحاولين تضبطين فيه سفره ،حاولي تشوفين البكجات اللي يسونها مكاتب السياحه او عندج المواسم يضبطون لج...
والله يسر لج امورك ويسر امور كل عروووووس.....

ملكة بس اميرة;16113366:

صباااح الخييير

غلا البحرين
آنه مع راي البنات
وآنه بعد حالياً قاعده امر بنفس مرحلتج خخخخخ
بمعني سويت ملجة وحنة وحفلة خطوبة
بسسس بعد احس العرس غييير
وخطيبي قاعد يقنعني ان بس انسافر
بس آنه حاطه في بالي إني باسوي جلوة وعرس إن شالله إذا الله يسر امورنا
ومب شرط اسوي شي عوود لا باسوي شي عائلي وصديقاتي وبس
ووناسة هل ليله مب بالفخامة لا وناستها بلمة الأهل واهمه إلي يحلون العرس
وانتي لاحظي هل شي إذا تحضرين عرس فخم وما فوقه فوق ما تستانسين كثر لمه تحضرين عرس ملموم وعلى قده ووناسه وطبيعة تصرفات اصحاب العرس في اللويه ككككككككككككك يصير برنامج ثاني
انتي حددي لج ميزانية حق العرس ماتتعدى 2000 والباقي خلي حق السفر لأن اكيييد من عقب الزواج بتسافرين
والناس ايشي سويتي لهم ما يعجبهم
وبسسسسسسسسسس هذي مجرد رااي

M!ss CoLoRz;16114095:

البنات ما شالله ما قصروا كفوا ووفوا

أنا رايي من رايهم وبزيد عليه ... ميزانيتج وااايد حلوة ما شاالله س شنو عليج بالتنازلات يعني مو شرط تغلفين القاعة سوي كوشة بس أو الاشية اللي على الطاولة التزيين .. وايد مهم؟؟ كللللش لا .. ينقطون والله حرام ... لا تسوين تزيين على الطاولات مثلا
الضيافات سوي نوع مالح ونوعين حلو بس مثلا ولا تروحين حق اماكن غالية .. مو شرط الا الا ليلوز .. الف محل بنفس الجودة وارخص
جوتي العرس مثلا .. بعد مو شرط الا ابيض والا بمادري جم .. خب اهوه إذا خذتي " مال عرس" بتلبسينه مرة وبتقطينه ملييوووووووووون في المئة... يا تاخذين شي فضي او ذهبي يناسب الوان عرسج او مثلا تاخذين جوتي بنفس الوان ثيم عرسج.. ثيمج ابيض واسود لبسي جوتي اسود وصيري مميزة
و و و وااااايد امثلة وفري من هني وصرفي على هني
يمكن اللي قاعدة اقوله سخيف :| بس صدقيني هالتناتيش تسوي مليون فرق وعليج الحسبة والتخطيط ... ما تبيني أخطط لج ؟؟؟ ترى امووووووووووووووووت في التخطيط :adore::adore::hysterical::hysterical:
اي ونفس ما قالوا لج البنات شهر سفر وااااايد ملل 10 ايام عدد مثالي :thumbs_up:

[/CENTER]