تجهيزات عرائس ' مملكة البحرين ' لشهر رجب 1433 - 2012 م / الجزء : 90 »

منامية الهوى;16116671:
هلا بناااااااات

افتر راسي وانا ادور على طقم الاكسسوارات لحفله زواجي ... مادري يمكن لان راسمه في بالي شكل محدد .. بس للحين ما لقيت طلبي .. الحين وصل دوركم في المساعده .. من فيكم تعرف محل يبيع طقم اكسسوارات فيه لولو .. بغيته ناااااااااعم وبسييط بس يعتمد على الؤلؤ لأن فستاني مطرز بالولو ..



على فكره زواجي بشهر 10 اكتوبر ... بس من الحين اجهز ابي اخصل وافتك .

ملكة بس اميرة;16118049:

مرحبااااا عروسااات

مسامحه على هذي الاستفسار بس بما ان في ناس قاعدين يجهزون شققهم قلت يمكن يعرفون
بغيت مكتب هندسة حق إستشارة لأن احنا عندنه خارطة حق الشقة وجاهزه بس بغيت مكتب حق الاستشارة
لأن الخارطة مسوينها مهندسين مال شغلنا بس لأن ماعندهم مكتب هندسه قلت باروح حق المكتب وباراويهم الخارطة إذا ما فيها اخطاء

:o:o:o

اخــ القمر ــت;16118067:

انزين باسألكم بنات تعرفون وين يبيعون الصواني الشفافه البلاستيك ابي حق الجوكلت

عيزنا امس انا وامي ماتم محل مارحناه السوق الايراني والانوار وفخر وانصار غاليري ومن قبل مجيكين رامز وبيت التنزيلات اللي تعرف تقولي والله يعطيها اللي تتمناه انشالله

سوحي;16118187:
السلام عليكم عروسات :adore:

و الثاني وين مكان مضمون حق رياضه و يسوي نتيجه عدله ابي اخفف وزني :p

و الاخير الله يسلمكم وين احصل القمصان الطويله اللي تيي تحي الركبه او حتى فوق اليوزه بشوي ابي استخدمهم للسفر لاني دايما بالعبايه و كلش مو مريحه فالسفر :(

و الف شكر مقدما لكل عروسه ترد علي F:

**بحرينيهـ**;16119032:
الله يسلمكم امس رحت معرض ف الموفنبيك ..

اول شي الي ما عجبني انه خلط مو حق النسوان بس .. وكان حرررررررررر مو طبيعي داخل القاعة .. وبعد .. بعض المشاركات بالمعرض ما كانوا يدرون حتى ان المعرض مكس ف كان وايد تحلطم وتصوير وحالة ..

كانت ام حسن يحليلها هناك ههههه تتنقرش في الرايح والياي .


من المحلات المشاركة .. محل غادة الندى للعبايات ... توهم فاتحين محل يديد في الرفاع جريب اللولوهايبر ماركت .. يم مدرسة فاطمة بنت الخطاب . أختي خذت من عندهم عباية للحفلات صراحة شكلها يونيك وغريب ما جفت مثلها من قبل. اختي جافتها لما رحنا المعرض اول مرة .. وقالت بتدور برع يمكن تلقى .. دورت هني وف السعودية ما لقت .. المهم هالمرة جافتها وقالت خاطري فيها لازم اخذها . ب65 دينار خذتها . ورحنا مساعة المحل مالهم ف الرفاع عشان تقصر الشيلة .. جفت دفة اتينن صراحة ب55 بدون تخفيض .. يمكن ارجع اخذها ان شاءالله .
وترى قالو لي البنات راعيات المحل ان عندهم كلللللللل اغراض الجلوة والحنة .. عندهم مسرح ودواشق ومساند وجفير وكل شي كل شي حتى دفة .. يأجرونهم . ف الي تحتاج شي ما شيات تجيك عندهم



وجفت بعد وحدة تبيع جلابيات بيت ومناسبات وتبيع ماسكات وهالسوالف .. شغلاتها وايد حلوة خاصة مالت اليهالو حق القرقاعون .. ماتذكر والله الاسعار .. وكانت تبيع ميك اب بعد .. شغلاتها حلوة وتبيع ف بيتها سكرت محلها .


وبعد صاحبة محل حلم العروس كانت مشاركة وجفت جلابيات حلوة عندها مناسبين للبيت واغلب الي جيكت اسعارهم من 20 ل35 . عجبتني وحدة خضرة عندها قلت يمكن اروح اسوي لي مثلها حق يوم الي بتحنى . بس بسويها حمرة .
وبعد قالت لي انها كانت تخيط وتصمم للأولى ومادري من .. وانها تتعامل مع شخص يسوي زفات خاصة بالاسامي وقالت ان بسعر رخيص بس من اللوية ما خذنا منها تفاصيل . المهم شحليلاتها تاخذ وتعطي جيكوها.



كان وايد في ناس يبيعون اكسسوارات .. ومافي شي يديد نفس الشغلات الحلوة .. كان في وحدة اطقمها حلوة حتى حق اليهالو وتبيع ف البيت واتيي اذا احد اتصل لها ..


اممممم


في وحدة اسمها ام ليان للعطور تبيع عطورات فرنسية اصلية ومكتوب عالكارد مالها انها تبيع العدسات الاصلية وكله حسب الطلب . جيكت عطرين من عندها .. رالف لورين وغيرلان وصج اصليين .. الريحة اصلية وقوية .


بس هذلين الي اتذكرهم.


وان شاء الله بدز حق كلوورة الارقام .

اخــ القمر ــت;16119688:

انزين بنات رشحوا لي اماكن حق معجنات ميني قلت باروح امنه وامبرس بعد وين عندهم اشيه حلوة وغريبه ؟؟

كـــلـــــــــــورة :woo:

حصاصي;16119772:
عندج مريم بدوو وروشيه ولاشوكولا كلهم لذيذه معجناتهم :adore:
حتى ملكه المنصوري احب معجناتها انا

حصوصة مين ذي مريم بدوو؟؟؟ عندج رقمها؟؟

كلاسيكية ذوق;16120116:
مرحب بنااااات

شخبااركم - صار لي قرن مادخلت هني هههههههه

المهم سمعتكم تتكلمون عن محلات الموالح والسويت وانا بعد ابي ترشحون لي حق ولادة من وين احسن شي سويت ومالح

انا جربت روشيه موالحهم ومعجناتهم وايد حلوة بس السويتات ماعجبوني لي ذاك الزود

عطونا بعد اقتراحاتكم غير المحلات اللي ذكرتوهم



واي صج كان في ملف مال مها البحرين اعتقد حق سوالف الضيافه من عندها اياه

نقـاء ~;16120484:
بناااااات

ابي احد يضبط لي ميني جيز كيك

ابيه حلووو

ماابي محلات ابي شغل بيت

ياريت تخبرووني بليييييز

باجر إن شالله إنتي بعد بطرش لج الملف بس ما عندي تجربة ما اقدر انصحج بس اقدر اعطيج الارقام

اخــ القمر ــت;16121138:

بنات جنه التجمع راقد شوي :worn_out:

امس رحت آمنه عجبتني معجناتها الكيلو ب 7 والدرزن ب 1.750 ورحت عقبها بيت وحده انجليزيه تسوي سويتات وكيك ذقت شي بسكوت فوق كراميل وفوق جوكلت حــــــــــــده لذيذ وعندها ميني براوني وشي مثلثات صغار على بسكون ومادري شنو بس شغلها مرتب باطرش حق كلورة رقمها

عقبها رحت آمبرس معجناتها احس نفسها ماتغيرت من جم سنه ماعندها شي يديد بس عجبني الكانابيس الكيلو ب 8 بس حدهم صغنونات يعني اهمه ومعجنات آمنه يطلعون بنفس السعر احس ذلاك يبينون في العين اكثر

دشيت الخياط مالها ماشاء الله عندهم شغل سيده قالتلي ماناخذ حق رمضان جفت عندهم جم شي حلو بس اسعارهم مــبـــــــــالغ فيها يعني الخلق جايفته بعيني عند علي حسن جنه بدينارين المتر اهمه مسويين شك في الصدر ب 120 :woo:

عقب قالتلي حصوصه عن ملكه ورحنا بس جذي ندورها ماعندنا لا رقمها ولا عنوانها بس سألنا ريال في الشارع قالنا من الصوب الثاني وعندها جرسين وصج رحنا الا مكتوب بيت المنصوري شي جذي دشينا طالعت المنيو سعرها حلو بس حسيت شكلياً معجنات آمنه احلى وشكلي بارسي عليه

قلت حق امي عن لاشوكولا قالتلي خليه حق الاستقبال احسن

مرت اخوي قالتلي عن وحده اسمها ام ابراهيم بيتها يم لولو بس ماتدله بالضبط تقول عندها شغلات حلوة احد منكم يعرفها ؟؟

وقالتلي بعد عن روشيه وليلو بس هالمحلين بعيد وما اضمن احد اييبهم لي اخاف اتوهق حزة الحزة

ترى امبرس الخياط حق اختها مو لها
كله واحد جنه:|
المهم بس صج اسعارهم واايد غالية
ام ابراهيم انا مو متأكدة بس إذا اهيه نفسها اللي كانت تسوي جيز كيك تراها موقفة شغل من اربع سنين يمكن.. انا مو متاكدة إذا اهيه نفسها او لا من جذي للحين مخليتها في الملف
وطرشي لي تفاصيل الاجنبية اللي تقولين عنها وين مكانها لوووو سمحتي

@eman@;16121314:
بنات شرايكم في الجلاية أم نادر

** وتلاحظون كلورة مالها حس هاليومين
عسى الله يشغلها بطاعته

آمين إن شالله
انا مادري بس البنات يمدحونها ومعروف اسمها يعني اتوقع زينة