تجهيزات عرائس ' مملكة البحرين ' لشهر رجب 1433 - 2012 م / الجزء : 90 »

liberty river;16173827:
تعبت وانا اتصل في نجاة ماك ما ترد علي ..
ومعصومة تقول انها ماتاخذ حجوزات ..
في بعد أحد شغله حلو في نفس الصالون .. انا يعجبني ستايل بنات ماك ..
فتعرفون أحد ثاني حلو شغله حق عرايس .. وياريت الرقم على الخاص ..
وشي ثاني ..
شلون شغل تيجي في ايلاف من جربها .. وشلون أسعارها ..

غلاآ البحرين;16174244:

:L::L: السلام عليكم حبايب قلبي :L::L:

بنات ودي اسالكم خاطري بهالخلق و اسوي منه عبايه
بس كلشششش ماجفت منه

من تعرف و تدليني و يزاها الله الف خير

و مشكووورين فديتكم F:

آلـ ج ـود ∞;16174332:
هـــآي بــنـآت ,’

ممكــــن طلـــب , انا قاعد اجهز لعرسي
وابي اقمشــه تنــآسب للازيـــآء السبعينياتـــ ’ ,
ممكن هلـــب ميــ ^^"

liberty river;16173827:
تعبت وانا اتصل في نجاة ماك ما ترد علي ..
ومعصومة تقول انها ماتاخذ حجوزات ..
في بعد أحد شغله حلو في نفس الصالون .. انا يعجبني ستايل بنات ماك ..
فتعرفون أحد ثاني حلو شغله حق عرايس .. وياريت الرقم على الخاص ..
وشي ثاني ..
شلون شغل تيجي في ايلاف من جربها .. وشلون أسعارها ..

oioon;16172009:

«

ايمان
الف مبروك حبيبتي ،والله يتمم لج على خير،انا مثلج كان عرسي رابع العيد:lol: يعني حطي بالج على المواعيد في الصالون،من اللحين حجزي،لان انا كان في ضغط في الصالون بسبب العيد...

.....

@eman@;16174919:
***********

انزين بنات ضروري ولي يعافيكم
ادري مكان السؤال مو هني بس المكان الوحيد الي تكونون متواجدين فيه كل بنات البحرين وبلاقي الرد السريييع


ابي عياده او مستشفى مع دكتور او دكتوره ابتدي معاه نظام رجيم + بعدها بغيت لو عندهم جهاز تكسير الدهون و جهاز الشد

بغيت الأسماء والأرقام اذا ماعليكم امر وفي وين يصيرون واذا تعرفون الأسعار يكون احسن بعد :o

وبس سلامتكم بس بلييييييييييييييز ضروري :-#
دورت في قوقل ومالقيت شي

غلاآ البحرين;16170592:

مبروووك يا الغاليه :L:
و ربي يتمم كل شي على خير

انتي نفسي انا مفكره اسوي عرس نهايه السنه على 11 او 12
و نفسج مب عارفه اخذ عطور و هالسوالف الحين او عقب :confused: الحين مع السيل ميرت شوي من بودي شوب و فكتوريا سيكرت و بودي اند باث بس احس مادري :worn_out: خصوصا انهم في بوكس عود و مقفول :lol:

و بالنسبه لقمصان النوم فيه موقع طرشولي اياه ع البي بي عن محل اسمه بيوتي قليز
تختارين الي تبينه و يوصلج لي مكانج مع خدمه التوصيل دينار
انا خذت واحد تجربه بس ماشاء الله طلع صج صج حلووو و الكواليتي ماله فضيييع
قررت اخذ منها انتي دشي قوقل كتبي بيوتي قليز بيطلعلج

بالنسبه لقميص النوم لليله الدخله انا خذته من ماركس سبنسر فضيييييييييييع
و نفس ماتبين طويل و لونه اوف وايت و فيه دانتيل ذهبي و معاه روب و نعال ربي يعزج
بس ان شاء الله تحصلينه للحين موجود لانه خذته من 3 اسابيع تقريبا
بس اهمه كل مره ينزلون اشياء جي حلوة لاول يوم زواج


بقولج اختي نعومي خذت منهم بوكس جنه شنطه فيه ارواب لج و لريلج و فوطه كبيره لج و له و متوسطه لج و له و مالت الشعر لج و له :lol: و نعال ربي يعزج لج و له و فوطه للوجه لج و له :lol::lol:
بس صج حلووو ماتحسفت اني خذته خصوصا لانه عليه سيل
انا تدرين الوهقه العوده الثياب :'(

M!ss CoLoRz;16170879:

عطور وكريمات كلللش لا تشترين من الحين .. ما تدرين شيصير لا سمح الله تطب الغرشة وتنكسر وتلعوز لج الآكو والماكو او الكريمات بعد من الحرارة يتغير لونهم يختربون

هالاشية موجودة في السوق ما تطير لاحقة عليها وإذا سووا سيل عليها مو ذاك الفرق دينارين ثلاثة .. وبعد ما تدرين ذوقج يتغير ولا شي

حاليا ركزي على الثياب والاشية الثانية وبعدين على راحة هالتناتيش

وثياب النوم .. انا قبل كله اسمع نعومي ونعومي ولما بديت اشتري رحت له اول محل وانصدمت صدمة عمري لا الخلق زين من تيودينه تحسينه قابل للاحتراق :-o ولا الديزاينات كللش سخيفة :!!::!!:

مادري بعد هاي ذوقي

المهم عن تفلسفي الزايد ... السعد في بوكوارة والمحرق
ماركس اند سبنسر
دبنهامز
H & M
Sara
New Look
BHS
Bendon
La Senza
Max
Calvin and Klein
DHS
women secret

طبعا المحلات اللي ذكرتهم بعضهم أحيانا تحصلين شي يسوى على حظج ... وبشكل عام اي محل عنده ملابس داخلية تحصلين

@eman@;16170884:


بنات باركولي
اخيرا تحدد زواجي
بإذن الله الواحد الاحد رابع العيد
الله يسر الأمور
لاتنسوني بدعواتكم ونصايحكم

oioon;16172009:

رمشـ «

حبيبتي انا مع كلورة يفضل تصبيرن على العطور والكريمات،او اذا بتوفرين لهم جو بارد اوك،بس هالشيء شغله...

وبالنسبة حق الخجل،ترى واااااااااايد هالشيء زين وايد زين،،،وقلما تلاقين هالشيء حبيبتي...وماتخيلين شكثر ترى الريال يحب الوحده اللي تستحي:adore:
وانا مثلج ماجربت من الفساتين القصار الا بعد الزواج،بالعكس شيء حلو ويشوق اكثر..:)

اذا تبين كوالتي مالج غير الرياض في مجمع انجود شركات ايطاليه وااااو وكل واحد يقول الزين عندي:D...ومحل بداية في مجمع يتيم نفس الشي بس شوي مغلواني..بس يستاهل التجربة:D

لازم تشوفين الجابر لانجري في الخبر بلازا قمصانه بعد طوال وحلوين وراقين وعلى اللبس حلوين وايد،،واسعاره مناسبة ....





تحياتي





عيوووووون

في بيت أبوي;16173129:
هاي بنات شخباركم وحشتوني وايد انه اكلمكم وانه في شهر العسل عندي لكم وايد سوالف لما ارجع صج لكم وحشه كلكم وشكرا لكل من ساعدني بأفكار واقتراحات امواااااه لكم

@eman@;16176539:
السلام عليكم بنات شخباركم
ماشاء الله كلها جم يوم وبندش رمضان
مايندري شلون بنتقضى في رمضان خاصة ان الوقت كلش مايساعد ومب حق سوق
ليحين ماعرف اللي ناقصني :( حالتي صعبة
والطامة الكبرى ماعرف متى أبتدي أسوي حمام مغربي
الله يسهل علينا أجمعين

مخمليات;16175556:

عس عس عندج نيوترشن سعره ممتاز واذا تبين دكتور عندج علي الظن في ابن النفيس وبعد عندج VLCC