نـور الهـدى;16130350:
يااه انا مدخلتش من زمان هنا بس اوعى اوعى تعملى مطبخ الوميتال وحش وحش فوق ما تتصورى انا عملته على كلام ناس قالولى انضف من الخشب انه مش بيبوظ من الميه وهما اساسا مجربهوش فى بيوتهم انا بقى جربته اولا بتعور من حروفه المعدن فى الرايحة والجاية وضعيف اوى اتكسرت ارضيته اللى تحت خزان الفلتر مينفعش تعملى فيه اى شكل جمالى او تعملى اى افكار فيه زى الخشب زى الدورانات او اسناند البهارات اللى بيلف اوادراج للحلل او تعملى رف معلق للميكرويف او الفرن الكهربا يااه انا شايله اوى من مطبخى وحش بجد انا نفسى اعمل موضوع احذر الناس منه :)هو بس ميزته انه مش بيبوظ من الميه بس دى مش تشفع خالص لعيوبه التانيه وغير كده فى حاجات دلوقتى بتتعمل للخشب عشان تحميه من الموضوع ده
جزاكى الله خيراً :)
ربنا ييسرلك وتعملى مطبخ أفضل منه بإذن الله
.. Hopes;16130957:
ليه ياقمر مين قالك انه مينفعش فيه ادراج الحلل ولا السله الدوارة انا مطبخي الوميتال وعامله فيه درج الحلل وعامله درج الازايز بتاع الزيت ده وكنت هعمل السله الدوارة بس مطبخي صغنن اوي والمساحه متكفيش وفيه انواع علي فكرة من الفايبر اللي بيتعمل بيه الرفوف ده جايز انتي اللي عملهولك عملك نوع مش اد كده عشان كده اتكسر وبعدين عمر الحروف بتاعته ماتعور يابنتي !!!
انا مامتي عاملاه بقاله 11 سنه وانا عاملاه بقالي سنه وشوية اهو وعمري ماتتعورت فيه ابدااا وشكله حلو وشيك وعامله في الاكسيسوريز زي مانا عاوزة
جزاكى الله خيرا :)
ربنا يباركلك فيه.
- - - - -
طيب يابنات محدش عنده فكرة أسعار الألوميتال إيه دلوقتى ؟