البدور113;16052201:
يسلموووا
الله يسلمك مشكورة يالغالية
على مرورك
سردفين;16053084:
الله يعافيك على هالموووضوع وعرض تجربتك وجزاك الله خير بس بغيت اسألك كم سؤال....
وش نوع شعرك ناعم وإلا فيه نفشه وعادي وإلا كيرلي !!!!!
و الشي الثاني انا محتاااااره ..فكرت انه اشتري لي مكواة سيراميك تمليس للشعر من براون اللي بالأيونات .... ومره اقول لاااا خذي لك استشوار مثل اللي انتي عارضته ... ومتررردده ... انتي وش رايك ... لأن اختي بتتزوج وشعرها يعني لا ناعم ولاخشن بس كيرلي وينفش وقالت بتسوي فرد كيراتين بعدين قلنا حرااااااااام مانضمنه غالي وامكن يقطع شعرها ويتساقط فبدل فلوس الكيراتين تاخذ لها استشوار او مكواة سيراميك او لفافات حراريه اللي عالكهرب !!!؟؟؟؟
و دام انك طرحتي هالموضوع فجزاك الله خيررر .... منك نتعلم ونستفيد ؟؟؟؟؟
حياك الله اختي وعادي استفسري اكيد منزلة الموضوع عشان افيدكم يالغالية
بخصوص السيراميك والله اني انصحها ماتستعملها لشعرها كل يوم
ممكن اذا راحت لناس تسوي فيها عقب ماتشسور شعرها
انا عندي مكواة براون بالايونات وعدمت شعري مثلها اول الزواج اخذتها
وسبب لي تساقط شعر وتقصف معني كنت احط سيروم
خليها تاخذ شسوار بفرشاة اسهل لها وافضل واذا حصلت هالشسوار كثيرر عجبني
وانا شعري ملمسه ناعم بس فيه تموجات وينفش
خليها تحط سيروم لوريال حق الشعر المجعد لونه برتقالي ويكون شعرها ناشف بس بقولك شي لاتكثر سيروم يعني شوي بيدها تاخذ منه
وتبدي تسوي بالشسوار هذا بإذن الله 10 دقايق تكون مخلصة شعرها
واذا ماحصلته يمدحون ناشيونال وبانسوينك وبعد هم بفرشاة
والمكواة ممكن تاخذها تمررها على شعرها اخر شي مو اكثر لكن تستعملها اساسية ابدا ماانصحها وتكون درجة حرارة منخفضة لاتخليها عالية
شعرها ينعدم والله والحمد لله نزلت الموضوع قبل زواج اختك ان شاء الله يفيدها موضوعي
والكيراتين زين لكن المشكلة الحين الصالونات كله غش ومافي خبرة زينة يعني يبي لها تشوف لها وحدة مسوية كيراتين
وصار لها سنة مسويته ومصار لشعرها شي بهالشي تقدر توثق بالاخصائية اللي تسوي لها
وااذ ماحصلت فالافضل تستخدم هالشسوار
ومشكورة على مرورك
بنت ابوي@;16053170:
روعة مشكورة يا قمر
والله يعطيكِ العافية
مرورك الاروع يالغالية والله يعافيك
مشكورة على المرور