صبآح / مساء الورد ْ ~
شلوونكم , وشخباركم عراايسناا ؟!
بما أنه صار لي فتررة ما احط موضوع بهالقسم الجمييل :D
قررت اليوم أنه اسوي للبيت حلى فقررت اسوي ميني سينابون وقلت بحط لكم طريقتي
البسيطة في هالحلى اللذيذ ,
/
الطريقة جداً جداً سهلة وحتى اللي ماتعرف للطبخ وهالسوالف
متأكدة انه الطريقة راح تعجبها وتطبقها وتدعي لي بعد ;)
وبالنسبة للـ بف باستري لازم تطلعينه برى الفريزر لمدة ساعة على الاقل عشان مايكون
مثل المثلج :)
.
.
المقادير :-
- شوية زبدة
- كيس مربعات بف باستري " آنا استعمل دايماً الكرامة , بس انتوا على راحتكم "
- علبة حليب محلى " طبعاً ماراح نستخدمها كامل تقريباً نصها بس "
- جوز " مكسر , بس مب مفرووم "
- دارسين مطحون
- سكر أسمر مطحون " اذا ماعندكم اسمر عادي تستخدمون السكر العادي مثلي "
*
الطريقة :-
- أدهن البايركس بشوية زبدة
- اخذ صحن غزير شوي واخلط الدارسين & السكر عدل واخله على جنب
- اخذ مربعة البف باستري واخليها في صحن عادي وانثر فوقها شوي من خليط السكر & الدارسين و اوزعه على المربع كامل
- نلف المربعة مثل السبرنغ رول , ونقطعه دوائر وماتكون لا ضعيفة ولا عريضة يعني وسط
- نحط دوائر السينابون في البايركس بهالطريقة
- ننثر عليهم شوي من خليط الدارسين & السكر مثل الصورة بعد وندخله الفرن
لمدة 20 دقيقة واهم شي تشغلين الفرن قبل بـ 3 أو 4 دقايق ودرجة الحرارة بتكون 170 ْ
- ناخذ الحليب المحلى ونحطه في صحن غزير ونحط فوقة الجوز المكسر ونخلطه عدل
- هذا السينابون بعد ماطلعته من الفرن واهوو في البايركس
- واهني بعط ماحطيته في صحن <<-- ادررري معفسس :o بس شسوي !
- وأخيراً السينابون صار جاهز بعد ماحطيت فوقه الحليب المحلى & الجوز المكسر
.
.
وفي النهايه ,
أتمنى أن تكون الوصفة سهلة وبسيطة ولذيذة في نفس الوقت
ونالت استحسانكم ورضاكم ,
وما ابي منكم غير دعوة حلوة & تقييمات أحلى :o
واللي عندها أي استفسار آناا حاضرة وتحت أمركم ~
.
.
غرام أحباب
F:
