يلا كل طفل لزم يلعب بمزاج ( لعب اطفال مصر )

انوسة
انا كنت قريت ف كتاب عن لعب الاطفال ان المكعبات من الحاجات المهمة جدا لتنمية مهارات الطفل وذكائه
وانها من اهم اللعب الي الواحد يحرص ان يكون عنده منها كتير وباشكال مختلفة بتناسب جميع الاعمار بس مثلا مع الفرق عدد القطع او حجم المكعبات
لانها بتعلم الطفل مثلا الفك والتركيب
والالوان
ولو عليها رسومات او ارقام او حروف
كدا يعني
ممكن غير انه يركبها ويعمل اشكال ممكن يصنفها الي شبه بعض مع بعض
او اللي لون بعض

ربنا يكرمك يا كيتى فعلا عندك حق هبقى اشوفلها مكعبات تانيه شكل تانى غير اللى عندها

فعلا يا انوووووس المكعبات حلوه ومفيده
معاذ عنده نوعين بس بيحب واحده اكتر من التانيه عاوزة اجيب له شكل تالت برضو
بس هو لسه مش بيعرف يعمل اشكال بيها اخره يعمل شباك ويبص لي منه ههههههههههههههههههههههه

بنات عاوزة اجيب لعب لاياد تشد انتباهه وكده غير الشخشيخه والحاجات اللي بتزمر
ومحدش يقول لي لعب السرير لان اوضة الاطفال عندي بييجي لها نمل من البلكونه ولو قعدنا فيها معاذ طول النهار حلويات وكده والنمل هياكلنا واحنا نايمين هههههههههههه فمش بنقعد فيها خالص بننام فيها بس :D

قولو لي بقى اجيب له اييييييه ولا السن ده مالوش لعب

الموضوع ده جميل ومهم جدا

انا قريت فيه عالسريع بس ان شاء الله ليا رجعه لقرايته باستفاضه

حبيت افيدكم بمعلومات بسيطة

ايديو فن بتاع لعب الاطفال الخشب ليه فروع كتيرة في واحد في مدينة نصر عند الجامعه العربيه المفتوحه
وفي الدقي ومصر الجديده

في برضو شركة العاب اسمها نبته بتستورد لعب من تايوان لعبهم غاليه بس مفيده جدا


برضو من الحاجات المفيده لطفل سنة اكتر من سنتين الصلصال والوان الهاند برنت ممتعه وبتنمى قدرة تواصل العين مع الايد وبتقوى عضلات الايد مع انه للاسف عمر مستمتعش بيها


ممممممممم
مش فاكرة ايه تانى

ان شاء الله لي عودة

*Om Mo3az & Eyad*;15214891:
بنات عاوزة اجيب لعب لاياد تشد انتباهه وكده غير الشخشيخه والحاجات اللي بتزمر
ومحدش يقول لي لعب السرير لان اوضة الاطفال عندي بييجي لها نمل من البلكونه ولو قعدنا فيها معاذ طول النهار حلويات وكده والنمل هياكلنا واحنا نايمين هههههههههههه فمش بنقعد فيها خالص بننام فيها بس :D

قولو لي بقى اجيب له اييييييه ولا السن ده مالوش لعب

ايمى العزيزة
مش هتصدقي لو قلتلك ان مريم مبتبصش نهائي للعب الاطفال
هيا عايزة لعب اخوها
واى حاجه يمسكها عايزاها

وكانت لحد قريب بتحب تلعب بالكيس البلاستيك بتاع السوبر ماركت بس الحمد لله سابتو
واللعب اللى بتشد انتابههم في السن ده اى حاجه بتعمل صوت او اضاءة

وفي لعبه اسمها بيبي اكتيفيتى كنت بفكر اجيبها بس نفسي افضى شوية وكمان سعرها غالي شوية لانها طبعا مستورده


وفي لعبه كانت جت لعمر هديه سلحفاه بتتحرك بالبطاريات وبتغنى هيا طبعا بتحبها بس عمر مش مهنيها عليها

وانا برضو محتاره زيك لانى مش عارفه اجبلها حاجه معينة تحبها وفي نفس الوقت عمر يسبهالها

ربنا يكرمك يا شهيده عالمعلومات الحلوه ديه

ممكن تقوليلى فيه الجامعه العربيه او بمعنى اصح ايديو فان اللى فمدينه نصر :)

وكمان ادينا معلومات اكتر عن اللعب اللى زى الصلصال وبتجبيه منين وبكام وكدا

وهل ده مش خطر عالاولاد اللى اقل من سنتين تلاته انهم يحطوه فى بقهم مثلا

وليكى انى وام معاذ ممكن تجيبو بيبى جيم حلو ليهم بس هما عموما بيمسكو فى حاجات عجيبه يحبوها اكتر من لعبهم هههههههههههه وبالنسبه للبيبى جيم بيبدء من 50 لفوووووووق :)

صحيح انا جبت لنور لعبه عجبانى قوووووى هى عباره عن ساعه بلاستك وفيها حولين الارقام اشكال هندسيه وليها مكان تحطيه فيها وتشيليهم وهى الهدف منها ان نور تحط الشكل المناسب فالمكان بتاعو وممكن كمان تتعلم بيها الساعه بس مش دلوقتى طبعا وعلى فكره كانت ب 7 ونص من السراج :)

انوووووووووس
انا عارفة اللعبة دي وسبحان الله عجبتني بردو وشفتها بردو في فرافيرو في السراج مول
هههههههههههه صدفة بجد
انتي كنتي هناك امتى مش كنا نتقابل هناك :D
بس جبتلها حجات تانية ونسيت اجبلها اللعبة دي بس لما اروح مرة تانيه اجبلها ان شاء الله

يلا بقى تتعوض يا سيمو ان شاء الله ويلا بقى ورينا لعب لومى الجديد

وانا جبت لنانو مكعبات تانى واكتر من اللى كانت عندها وكمان العربيه اللى شبه بتاعت لومى بس اكتشفت ان فى منها احجام وانا جبت الوسط وكانت ب 78 وكان فى ب 90 والصغيره ب حاجه و60

هى ليه الصور مش بتبان

حلو قوى الموضوع ده ولى عودة مرة اخرى ان شاء الله

*Om Mo3az & Eyad*;15122350:
لولا ما شاء الله يا قمر اللعب كلها جميله تتهنى بيهم يارب



بنات حد يعرف الميكانو ؟؟؟؟؟؟؟
هو عباره عن قطع حديد كده وليه مسامير وصواميل بس حاجات صغيرع طبعا ومفكات وعده كده يعني
بس انا مش لاقياه هنا خالص ممكن الاقيه فين لو حد شافه قبل كده ؟


كمان مين عنده فكره عن الاب توب المعلم عشان عاوزة اجيبه لمعاذ بس ماعنديش اي افكار عنه خالص

الميكانو شفته فى تويز ار اس بس بيعمل شكل او اتنين بس هو كان عند جوزى زمان وهو صغير بيقول انه كان بيعمل بيه اشكال كتير بس الكبير ده معدش موجود دلواتى

اللب توب شفته فى محل اسمه خطاب سنتر فى شارع ترسا فى الهرم قرب المريوطيه

بنات
بليز ياريت نكتب اسماء المحلات وعناوينها عشان انا بحتار اروح فين لما ابقى عايزه اجيب لعبه لحمزه

Jumanaa;15400743:
الميكانو شفته فى تويز ار اس بس بيعمل شكل او اتنين بس هو كان عند جوزى زمان وهو صغير بيقول انه كان بيعمل بيه اشكال كتير بس الكبير ده معدش موجود دلواتى

اللب توب شفته فى محل اسمه خطاب سنتر فى شارع ترسا فى الهرم قرب المريوطيه

بنات
بليز ياريت نكتب اسماء المحلات وعناوينها عشان انا بحتار اروح فين لما ابقى عايزه اجيب لعبه لحمزه

تسلمي يا حبيبتي
الميكانو كان عندي وانا صغيره برضو وكان كبير جدا
انا دورت عليه ع الفيس بس حاساه غريب شوية ولسه مش استقريت على نوع معين فيهم

واللاب توب جوزي جابه انهرده هبقى اصوره وانزله لكو وجاب له كام لعبه كده
هنزلهم بكرة ان شاء الله عشان صعب اصور دلوقتي من الولاد


اه وانا من المنصورة ع فكره
لو حد من المنصورة بيدخل هنا ممكن اقول على المحلات اللي بجيب منها دايما

فين صور فوانيس رمضان ولا انتو مش هتجيبو

موضوع حلو اووى وفاادنى اووووى

ام معاذ انتي جبتي لاب توب شكله ايه
انا عندي بتع ابني العادي بتع الحروف والارقام والاغاني مفهوش لاعب
وجوزي عايز يجيب ليه لاب توب زي بتع الكبار بس المني علشان الالعاب والنت
بدل البي سي العادي

*DONY*;15407713:
فين صور فوانيس رمضان ولا انتو مش هتجيبو

اهاااااااااا لسه جايبينه امبارح وعمل لي صداااااااااااااع :sick:
هصور بالليل وانزل لكو الصور ان شاء الله

fulla2010;15409960:
موضوع حلو اووى وفاادنى اووووى

منوووووووورة يا فلتي عقبال ما تقومي بالسلامه يارب وتجيبي للبيبي لعب

ساره افندي;15410003:
ام معاذ انتي جبتي لاب توب شكله ايه
انا عندي بتع ابني العادي بتع الحروف والارقام والاغاني مفهوش لاعب
وجوزي عايز يجيب ليه لاب توب زي بتع الكبار بس المني علشان الالعاب والنت
بدل البي سي العادي

ايوة يا ساره هو تقريبا بتاع الحروف وتضغطي ع الحرف وهو يقوله وبعد كده هو يسألك ويقول لك صح ولا غلط وتقريبا مش فيه العاب
اصل جوزي جابه امبارح وطلع فيه مشكله ماكنش راضي يشتغل وهيبدله انهرده ان شاء الله
لما ييجي هصوره وانزله لك
وهو صغير اوي اد كف الايد كده اول مرة اشوف الحجم ده هههههههههههه

اه عرفته ماده اللي عنده

مساء الخير على كل الماميهات انا كنت عايزه اعرف ايه الالعاب المناسبه ل 8 شهور

دودو هانم;15412164:
مساء الخير على كل الماميهات انا كنت عايزه اعرف ايه الالعاب المناسبه ل 8 شهور

بصي يا قمر
ممكن العربيات اللي بيمشيها بايده دي او اللي ليها حبل يشده وهي تمشي هو طبعا ف الاول مش هيعرف انتي تعمليها انتي الاول وهو هيتعلم منك
والحاجات اللي بحبل دي كتيره في منها بطه او عربيه او اي شكل
ونوعي بقى هاتي له عربيه او موتوسيكل يمشيهم بايده كده ع الارض واعملي له كوبري بالسجاده هههههههههههههههههه
معاذ ابني إدمان الحركه دي لحد الان
ارفع السجاده حته كده عشان العربيه هو يمشي العربيه من فوقها كده زي الكوبري بالظبط

وممكن مكعبات بس هاتي حجمها كبير اوي وبرضو انتي اللي هتركبيهاله ف الاول لحد ما يتعلمها هو ممكن يفكها بس وانتي اللي تركبيها له

ممممممممم ايه تاني
نسيت بصراحه السن ده
بس كلها حاجات ع خفيف كده