ازيكم يا حبيباتي النهارده جايبه لكم طريقتي في التيراميسو وهي طريقه سهله جدا يارب تعجبكم F:
المكونات
بسكويت اصابع
كوباية سكر
جبنه كريمي
كريمه
ملعقة نسكافيه
3 صفار بيض
بودرة كاكاو
الطريقه
هاناخد صفار البيض مع ملعقتين سكر نضربهم مع بعض هايبقي لونهم اصفر فاتح
كده
هانملا اناء مايه وتغلي وبعدين نحط الطاسه اللي ضربنا فيها البيض مع السكر فوق الاناء ونقلب بالشوكه من غير توقف لغاية مالونها يتحول للاصفر الغامق نسيت اصوره بعد الخطوه دي
هانضرب الجبنه الكريمي مع ملعقتين سكر
وبعدين نضيف البيض ونقلب وبعدين الكريمه
هانحط ملعقة النسكافيه علي كوب ميه وندوبهم ونغمس فيهم البسكوت
ونحط البسكوت بالشكل ده
وبعدين نفرد طبقه من الخليط بتاعنا
ونرش كاكاو علي الخليط من فوق ونكرر طبقة البسكوت مره اخري
وبعدين كريمه ونرش عليها كاكاو
وانا عملت ده الشكل النهائي ونسيبها في التلاجه ليله كامله
وهنا بعد ماخلصت وقطعتها
وصوره اقرب :thumbs_up:
اتمني تجربوا الوصفه دي طعمها خيال بجد هاتدمنوه :thumbs_up::thumbs_up:
وميرسي مقدما علي الردود والتقييمات:)