السلام عليكم
بما انه عندي اجازه من الكليه حبيت ادخل المطبخ واسوي وصفة تكووون حلووه
والاهم مميزه ومش متكرره
وطبعااا مافي احلى من الكوكيييز وخصوصا العصاري ;)
طعمهم لذيييذ وايد و chewy
المقادير:
-100 غرام زبدة
-نص كوب زبدة فول السوداني
-1 كوب سكر بني
- نص كوب سكر ابيض
- 2 بيض
- 2 ملعقة طعام لايت كورن سيروب
- 2 ملعقة طعام ماء
- 2 ملعقة شاي روح الفانيلا
- 1 ملعقة شاي بيكنج صودا
- نص ملعقة شاي ملح
- 2 ونص كوب دقيق جميع الاستعمالات
- 2 كوب حبات هيرشي
الملح والصودا
نسيت اصور البيض :p
الطريقة:
1- نحط الزبده فالعجانه ونقوم بتنعيمها مع اضافة زبدة الفول السوداني والسكر الابيض والبني لغاية ما يطلع عندنا خليط فلافي شوي
2- نضيف بيضه والمكينه شغاله لحد ما تختفي بعدين نضيف الثانيه يعني حبه في كل مره<< علي شرح انما ايه :worn_out:
3- نضيف الماي والكورن سيرب والفانيلا لخليط الزبده السابق
4- نخلط المقادير الجافه على جنب ( الطحين+البيكنج صودا+ الملح) ونضيفها بالتدريج للمزيج السابق مع التقليل من سرعة المكينة
5- اخيرا وليس اخرا نضيف حبات الهيرشي ونقلبها باستعمال السباتيولا او الملعقه الخشبيه
الخبز:
1- نستعمل صينية فرن مغطاة بورق الزبده
2- نسخن الفرن مسبقا على درجة حراره 190 مئوية
3- نشكل الكوكيز بأشكال عشوائيه ونحاول نرتبها بشكل بسيط بالشوكه او باليد
4- تخبز مده 10 دقائق او لحد ما تصير ذهبيه من الأسفل
5- نحطها على الواير راكس لين ما تبرد تماما ويقسى قواامها
6- مافي رقم سته :p يم يم علطول
وهذا للي بيقموووووني
الوصفة جهد شخصي اللي بتطبقها عليها بألف عافيه
واللي بتنقلها مسموح لها بس لا تنسى المصدر السنعوسية وحصري لمنتدى عروس
وان شاء الله اتجربونها وتطلع معاكم تمام التمام :thumbs_up:
في حفظ الله