اليوم عملت مخلل الفلفل بالزيت بصراحة طعمو بيشهي وكتير لذيذ
مع انو بيشعط شوي (بيحرق):D
بس انصح الكل يعملو وما راح تندمو ابدا ان شاء الله
نبداء بالمقادير
فلفل حلو اخضر احمر اصفر حسب الرغبة والمحبة
فلفل حار
ثومة
ليمون
ملح الافضل انو يكون خشن انا ما كان عندي استخدمت العادي
زيت زيتون
نيجي للطريقة سهلة كتير وما بتاخد منك وقت
بتقطعي كل المكونات قطع صغييرة متل السلطة وبتخلطيها مع بعض والليمون بتعصريها وبتقطعيها كمان وبتحطيها بصحن وبتملحيها و بتحطي عليها عصير الليمون كمان وبنتركها من ربع ساعة لساعتين وبيكون متل هيك
وبعدين بنجيب مرطبااان على حسب الكمية اللي عندك
وبنحط الفلفل فيه وبنضغط عليه عشان ينضغط
وبعدين بنصب زيت الزيتون عليه لحتا يغمرو كله
وهاي شكله الاخير بيكون متل هيك
وبنستنا عليه من اسبوع لعشر ايام وبالهنا والشفا
اخوات لو عجبكم موضوعي اتمنى انكم تتدعو ربي ايخليلي اولادي وزوجي ويحميهم من شر شياطين الانس والجن :L:
والميزان في الانتظااار:o
مع حبي