ومن غير جرجر كتير :-# نبدأ بسم الله
هي اللفت
طبعا قشرته وقطعته وغسلته متل مو موضح بالصورة
وجبت البنجر ( الشمندر ) وطبعا وحدة بتكفي وقشرتها وقطعتها وفصين ثوم كبار كمان قطعتهم
بعدين حطيت ربع الكمية من اللفت بالمرطبان
وحطيت فوقهم كم قطعة من البنجر والثوم
وحطيت بقية الكمية متل مو واضح بالصورة
بعدين جبت ماء وذوبت فيها ملح خشن يلي هو الملح الصخري وملح الليمون وملعقة سكر كبيرة ممسوحة لأنه السكر وملح الليمون بيتفاعلوا وبيعطوا حموضة انا ماعيرت كمية الملح والحمض لأني بالاخر بتذوق الماء وبشوفها ولازم يكون ملحها وحمضها ظاهرين ومقدار الماء بعير قد نصف المرطبان وسامحوني ماصورت هالخطوة نسيت :o
وبعدين بصب المي فوق اللفت وبسكره منيح ( لحتى ما يطلع هوا )وبحطه بالشمس شي 3 او 4 ايام مع رج المرطبان
وهي بعد مامر عليه اربع ايام بالشمس وهلأ جاهز للفتح
امممممممممممممممم شو طيب وهي احلى صحن للصبايا وصحة وعافية يارب
ان شاء الله يكون عجبكم وبأنتظار ردودكم الحلوة