نشره اخبار مباشره عن محلات ملابس الاطفال فى مصر الجزء التانى :)

بسبوسةميدو;15096419:
مرسي ياكتكوته بس انا لما باجي افتح مركز رفع الملفات علشان اضيف الصور في الرد بلاقي كلمة تفاصيل دي قدام الصورة بدوس عليها بيطلعلي رابط واحد مش اكتر بعمله كوبي في الرد وبيطلع كده ولا انا المفروض اعمل ايه:o

اه تقريبا عشان مش بتعمليها ساعتها ده انا ساعات لما بكون محملة حاجة من قبل كده وعايزة احطها تاني بحملها تاني بدل ما ادخل علي تفاصيل دي عشان فعلا بتجيب لينك الصورة وبس مش الصورة نفسها زي ما تكوني لسه محملاها






دندن الحاجات جميلة اوووووووي بجد والشوزات تجنن حلوين اويما شاء الله

بصوا بقي النهاردة كنت بلف علي حاجات للمحل وكنت بشوف حاجات لجودي بردو في المحلات بتاعتنا العادية اللي بنروحها فقلت اكتبلكم علي الحاجات دي قبل ما انساها:


ريموندس كل اللبس اللي عنده صيني وسوري وكلها اطقم وفساتين ومشدنيش اوي غير حاجات قليلة فيه والباقي حسيته زيادة اوي ومبهرج كده، وعنده كارينا بردو الحمالات والنص، وعنده بقي كمان اطقم داخلية زي اللي جبتها بس ماركة جونيور حلوين اووووي بجد شكلين فيه ابيض والحمالات بينك وعليه رسمة رقيقة جدا بينك في الجنب كده من فوق وفيه بقي معلقه بردو لبني وعليها كارتون وكده حلو اوي بردو بس مشوفتش سعره.


محل سندريلا اللي جنبه بردو تعدوا الشارع بس، اول مرة ادخله للعلم، عنده حاجات جميلة ومميزة بجد ورقيقة وشيك مع اني مقلبتش كويس ولا اتفرجت اوي بس النظرة العامة كده، وحتي للاولاد عنده احزمة جلد صغيرة وحمالات وفوق بقي لقيت عنده ليجين فيسكوز غير ماركة سيلفي اللي مغرقة المحلات ده حاجة تانية كده بس حسيته واسع شوية، والتحفة بقي عجبني اوي بس جوزي قاللي اجليه في الاخر بس كنت هشتريه خلاص وبفكر ارجعله تاني، بنتاكور جينز بس هو علي جودي هايبقي بنطلون وممكن يكون قصير سنة بس مش بنتاكور وخصوصا اني كنت هاخد المقاس الاكبر عشان يكفيها فترة، هو من فوق كمر عادي ومن جواه بقي :lol::lol: من الجنبين استيك وعروة وزراير زي بنطلونات الحمل بتاعتنا مصدقتش بجد مسخرة وحلو اوووووي، ومن تحت بقي الرجل استك عريض شكلها حلو اوي بردو وعنده تشكيلة كبييييييييرة جينزات.


صحيح هو ليجين سيلفي اقل مقاس فيه 4؟؟؟ اصل روحت محل جنبي بيقولي كده ولقيته هايبقي طويل علي جودي اوي وهيبقي وحش وهضطر اكشكشه كده وب 15 عنده.


هابقي اصورلكم الحاجات الجديدة لما اروق كده بس.




صحيح قولولي انتوا لو لقيته الاطقم اللي بتبقي كاملة دي تفضلوا تجيبوها خصوصا لو عيد مثلا او اي مناسبة ولا بتحبوا انتوا تجيبوا حاجة حاجة وتطقموا بنفسكم عشان اعرف بس بردو الآراء ايه الاغلبية.


مممممم بتهيألي كان فيه حاجة تانية في التقرير ده بس ناسية دلوقتي، قولولي رأيكم ايه بقي في كلامي

شوفي يا كتكوتة انا عن نفسي لما عمر كان صغنن كنت بحب اوي اجيب له الطقم اللي على بعضه و خصوصا الحاجات الشتوي بتبقي تحفة و شيك و بعدين ممكن الطقم الواحد يبقي طقمين و تلاتية يعني تستغلي كل قطعة فيه لكن في الصيف الكلام ده بيقبي صعب لان معظم اللبس شورتات و تي شيرت يعني قليل اوي موضوع الطقم. أما بالنسبة لللاخت مريومة فانا الحقيقة لسه مش عارفة لان ده اول تعامل مع فسفوسة صغنونة انا واخدة على لبس الولاد اللي مافيش اسهل منه لكن واضح ان الست هانم الصغننة هتتعبني لان لازم تلفي على كل قطعة لوحدة عشان تعملي طقم حلو و انا ماشوفتش اطقم على بعضها و عجبتني بس ارجع و أقولك انا لسه خبرتي في الموضوع ده قليلة يا رب القمرات الخبرة اللي هنا يساعدوكي :)

بالمناسبة صحيح انا كنت عايزة من القمرات حد يقولي على مكان اشتري منه بيجامات كيوت و بناتي و سعرها مش غالي اوي و تكون قطن مية في المية للهانم الصغننة

في محل ملابس اطفال اسمه دندشة 45 شارع كيلوباترا ميدان صلاح الدين بجوار مستشفى كيلوباترا عنده حاجات تحفة و عنده جروب على الفيس بوك بنفس الاسم بس اكتبيه بالانجلش

انا مش دايما بجيب اطقم وعلي حسب الشكل في الاخر
ام عمر ومريم ممكن تبعتيلي الجروب علي الرسايل لاني جربت اعمل سيرش وملقتوش

يسلمووووووووووو

علي فكرة يا بنات بعد طول مباحثات وافكار غالبا هسميه جودي وخلاص كله بيشكرلي في الاسم من كذا ناحية عشان ينفع لكذا فكرة في كتابته وشكله شيك بردو وسهل يتحفظ ويعلق مع الناس بعكس الاسامي الانجليش او الحاجات اللي كنا منقينها تحففففففة اه وروشة اه بس هاتبقي اصعب شوية مع الناس

أم عمر و مريم;15113663:
بالمناسبة صحيح انا كنت عايزة من القمرات حد يقولي على مكان اشتري منه بيجامات كيوت و بناتي و سعرها مش غالي اوي و تكون قطن مية في المية للهانم الصغننة

تسلمي يا جميلة علي ردك، انتي فعلا معاكي حق بس انا مكونتش ناوية اجيب اطفم خالص في الاول بس واحنا بنتفرج قالولي ليه وكده ولقيت فعلا كام واحد عجبوني بس مش كتير لأني مش بحب شغل الزحمة والبهرجة الجامدة، لقيت واحد حلوووو اوي وكميل وشيك اوي وعامل زي الكبار كان لونه تركواز في رمادي تحفففففففففة بلوزة وجيبة بتاعتها ومش فاكرة كان معاه ايه تاني يجنن، فلو كده ممكن اجرب في حاجات بسيطة بقي كده للي يعجبني واسه خفيف علي الصيف

البيجامات بقي انا جبت من العامرية اغلبهم في مصر الجديدة جنب ماكس اللي قصاد المريلاند، قطن ومضمون واشكال ظريفة واسعار حلوة الباقي كان متنوع من هنا ومن هنا بس ده احسن مكان فعلا لازم بجيب منه كل موسم كام حاجة علي الاقل

أم عمر و مريم;15113674:
في محل ملابس اطفال اسمه دندشة 45 شارع كيلوباترا ميدان صلاح الدين بجوار مستشفى كيلوباترا عنده حاجات تحفة و عنده جروب على الفيس بوك بنفس الاسم بس اكتبيه بالانجلش

انا لقيته تصدقي فعلا ممكن اكون شفته قبل كده كذا مرة بس مدخلتوش وفيه محل تاني جديد نوعا ما قريب منها بردو بس جوا اكتر شكله حلو اووووووي من بره بس بردو معرفش اسعاره ايه ظروفها

عالم سمسم;15113718:
انا مش دايما بجيب اطقم وعلي حسب الشكل في الاخر
ام عمر ومريم ممكن تبعتيلي الجروب علي الرسايل لاني جربت اعمل سيرش وملقتوش

صح يا هوبا فعلا خلاص هجيب حاجات بسيطة ان شاء الله، هبعتلك اسمه عشان لو ام عمر مدخلتش

تسلمي يا كتكوته وصل بس شكله مهجور بس الكام صوره حلوين اوي
واسم جودي حلو جدا وانسب حاجه حتي طالع موضه يعني وهيثبت مع الناس مش هتنساه
ربنا يكرمكم ويرزقكم من حيث لا تحتسبو يارب

بنات بتحطوا ميزانية الهدوم الصيفي والشتوي اد ايه وبتجيبوا العدد كام ؟
بالذات اللي عنده اكثر من طفل

وانا كمان ياكتكوته عايزه اسم الجروب

ساره افندي;15115514:
وانا كمان ياكتكوته عايزه اسم الجروب

بعت لك اسم الجروب على الخاص يا سارةF:

عالم سمسم;15113718:
انا مش دايما بجيب اطقم وعلي حسب الشكل في الاخر
ام عمر ومريم ممكن تبعتيلي الجروب علي الرسايل لاني جربت اعمل سيرش وملقتوش

معلش إتأخرت عليكي انا آسفة
انا بعت لك اسم الجروب على الخاص F:

CuTie KaTkOoTa;15114142:
علي فكرة يا بنات بعد طول مباحثات وافكار غالبا هسميه جودي وخلاص كله بيشكرلي في الاسم من كذا ناحية عشان ينفع لكذا فكرة في كتابته وشكله شيك بردو وسهل يتحفظ ويعلق مع الناس بعكس الاسامي الانجليش او الحاجات اللي كنا منقينها تحففففففة اه وروشة اه بس هاتبقي اصعب شوية مع الناس



تسلمي يا جميلة علي ردك، انتي فعلا معاكي حق بس انا مكونتش ناوية اجيب اطفم خالص في الاول بس واحنا بنتفرج قالولي ليه وكده ولقيت فعلا كام واحد عجبوني بس مش كتير لأني مش بحب شغل الزحمة والبهرجة الجامدة، لقيت واحد حلوووو اوي وكميل وشيك اوي وعامل زي الكبار كان لونه تركواز في رمادي تحفففففففففة بلوزة وجيبة بتاعتها ومش فاكرة كان معاه ايه تاني يجنن، فلو كده ممكن اجرب في حاجات بسيطة بقي كده للي يعجبني واسه خفيف علي الصيف

البيجامات بقي انا جبت من العامرية اغلبهم في مصر الجديدة جنب ماكس اللي قصاد المريلاند، قطن ومضمون واشكال ظريفة واسعار حلوة الباقي كان متنوع من هنا ومن هنا بس ده احسن مكان فعلا لازم بجيب منه كل موسم كام حاجة علي الاقل


انا لقيته تصدقي فعلا ممكن اكون شفته قبل كده كذا مرة بس مدخلتوش وفيه محل تاني جديد نوعا ما قريب منها بردو بس جوا اكتر شكله حلو اووووووي من بره بس بردو معرفش اسعاره ايه ظروفها


صح يا هوبا فعلا خلاص هجيب حاجات بسيطة ان شاء الله، هبعتلك اسمه عشان لو ام عمر مدخلتش

كتكوتة لو سمحتي قولي لي اسم المحل التاني و مكانه عشان لما اروح هناك اروح للاتنين مع بعض
و ميرسي يا قمر على كل حاجة:L:

انهي احلى التوحيد و النور اللي في التامن مدينة نصر و لا اللي في الحي العاشر؟ و هل ممكن الاقي عندها صنادل بيت لمريومة و لا موجود في مكان تاني؟

عالم سمسم;15114237:
تسلمي يا كتكوته وصل بس شكله مهجور بس الكام صوره حلوين اوي
واسم جودي حلو جدا وانسب حاجه حتي طالع موضه يعني وهيثبت مع الناس مش هتنساه
ربنا يكرمكم ويرزقكم من حيث لا تحتسبو يارب

ربنا يخليكي يا هوبا ياررررررررررب بجد احنا فعلا محتاجين الدعاء جامد، هو فعلا قعدت اقلب ملقتش غير 4 صور بس وحلوين اووووي

i muslmah;15114313:
بنات بتحطوا ميزانية الهدوم الصيفي والشتوي اد ايه وبتجيبوا العدد كام ؟
بالذات اللي عنده اكثر من طفل

انا مش بحط ميزانية بصراحة بس ممكن احدد عدد اطقم معينة او وانا بشتري ولما اوصل لعدد بقول لنفسي كده كفايسة همسك نفسي ومش هجيب تاني خلاص وبقفل في الطقم نفسه يعني الحاجات اللي باقية له وكده وبس، مش عارفة بقي لما يبقوا اتنين ولا حاجة هعمل ايه بس اظن كده بردو وعلي اد الفلوس اللي معانا، بس حاليا احنا كل فلوسنا تقريبا رايحة علي الهانم وبس هههههههه مبقتش اجيب حاجة لنفسي تقريبا خالص

ساره افندي;15115514:
وانا كمان ياكتكوته عايزه اسم الجروب

كنت لسه هبعتهولك اهو لقيت ام عمر بعتتهولك يا سارة

أم عمر و مريم;15120509:
كتكوتة لو سمحتي قولي لي اسم المحل التاني و مكانه عشان لما اروح هناك اروح للاتنين مع بعض
و ميرسي يا قمر على كل حاجة:L:

نسيت اسمه والله لأني شفته مرة واحدة بس، بصي انتي ادخلي بردو من شارع المستشفي بتاعة كيلوباترا وكملي لأخر الشارع ده وادخلي يمين وبس هتلاقي في وشك، من بره بجد شكله حلو اوي وصاحبتي بتقولي تقريبا حاجاته حلوة وسعره كويس، بس انا الوقت يومها كان مزنوق اوي فمعرفتش ادخله للأسف، انتي بقي لما تروحي ان شاء الله عليكي بالتقرير بتاعه وفيه محل سندريلا عجبني اوي اخر مرة دخلته في صلاح الدين قصاد ريموندس يعني نفس الشارع اللي فيه محلات الدهب وفيه كمان شي ماما في صلاح الدين قصاد سنتر هارون وستوديو كادو

ميرسي يا كتكوتة اول ما اروح ان شاء الله هارجع لكم بتقرير معتبر ان شاء الله :)

مرسي ياكتكتوته
مرسي ام عمر ومريم علي اللينك حبيبتي
بس ايه الاضهاد ده كلها بناتي طب اللي عنده شباب زي حالتي يعمل اييييييييييييييييييه

بقولكم يا بنات هو انتم لسه بتجيبوا صيفي صح، يعين لو فتحت الفترة اللي جاية دي ان شاء الله هايبقي لسه فيها شغل بردو وبيع قبل ما ندخل علي العيد نفسه كمان صح؟؟

ولا اغلبكم خلصتهم الشراء خلاص

أم عمر و مريم;15122000:
ميرسي يا كتكوتة اول ما اروح ان شاء الله هارجع لكم بتقرير معتبر ان شاء الله :)

ربنا يخليكي، انا زودتلك محل فوق كمان كنت فكراكي مقرتيش لسه، اسمه سي ماما chez mama قصاد سنتر هارون وكادو في صلاح الدين

ساره افندي;15122016:
مرسي ياكتكتوته
مرسي ام عمر ومريم علي اللينك حبيبتي
بس ايه الاضهاد ده كلها بناتي طب اللي عنده شباب زي حالتي يعمل اييييييييييييييييييه

:lol::lol: معلش يا سارة بس هو اكيد في اولادي كمان بس مش مكمل الصور عالنت بس، خلاص تعالي هنا لما افتح المحل ان شاء الله وهاتي مني هجيب حاجات اولاد لذيذة اوي بإذن الله