ام مـايا;14618532:
طيب يا بنات اللبس الخريفى والصيفي موجودين دلوقتى في محلات اية
انا شيفة محلاتنا احنا الكبار لسة شتوى وعلية سيل
كتكوتة انتى مكتبتيش تفاصيل العيد ميلاد هنا لية كلنا عاوزين افكار :)
انا لسه ملفتش اوي بصراحة علي الصيفي بس انا جبت من ماكس وكمان في جاتلي هدايا من نيكست صيفي بردو، دول اللي فيهم صيفي اعرفه بغاية دلوقتي، متعرفش فروع نيكست ايه بقي.؟
اهو الكلام اللي بعته بالظبط اصلي مكنتش عارفة اكتبه فين عشان مش تبقي مخالفة :):) بس انا معلمتش حاجات فظيعة بس بالنبة لصاحبي وقرايبنا وكل اللي جه كانت افكار حلوة ومطرقعة ورقيقة خاصة التورتة والبوسترات واللي عجبها بقي عايزة تقييمات مووووواااااه
بصراحة انا كنت عايزة اعمل اكتر من كده بكتير بس القوت مقضاش والموضوع كان صعب لني كنت انا اللي بفكر غالبا بس وجوزي بيقترح حاجات بس بسيطة ومتأخر لكن انا كنت عايزة نتفق ونقرر من بدري عشان عارفة اننا هنتزنق المهم، الحروف بتاعة اسمها دي قعدت اقلب النت علي شكل حروف يعجبني وكنت عايزاه جنبه شخصية كارتون، بس المهم ملحقتش اكمل اوي بس قلت هخليها خلاص حروف بس وتبقي الجملة كاملة مش اسمها وبس المهم عجبوني دول فطبعتهم وقعدت الون في اسمها الاول عشان لو الوقت مقضاش يبقي عملت اهم كلمة فيهم وتبقي كافية لو اتعلقت لوحدها وده اللي حصل فعلا
وعملت بوسترين بقي، انا صممتهم علي الكمبيوتر عادي بطريقة بسيطة جدا علي الوورد والبينت حطيت صورة معينة ليها في كل واحد تمشي مع الكلام اللي هكتبه وعملت حواليها شوية حركات وحطيت صور كارتون بردو تمشي مع البوستر وكتب في واحد فيهم بما معناه يعني ويلكم لجودي بارتي وبترحب بيكم ووكده وباصحابها بس انجليش طبعا، والتاني كتبت فيه كلام حلو اوي علي انها تمت سنة واتعلمت الاول تحبي وبعدين تقف وتسند ومش عارفة ايه وكده بس كان جميل اوي بجد عجب كله الحمدلله وطبعا كنت بدور عالنت بردو وبعدين حطتهم علي فلاشة ورحت طبعتهم في زيروكس علي ورق اسمه جلوسي ده عامل زي ورق الصور كده او البوسترات بجد وفيه لمعة وناعم وسميك كده وعلقت بتاعة الويلكم علي الباب من بره والتانية من جوا
وبالنسبة للتورتة بقي عملت اتنين واحدة كريمة عادي بالفواكه ودي طبعا معملتش فيها اي حاجة غير لوحة شوكولاتة مكتوب عليها هابي بيرزداي جودي، والتانية بقي شوكولاتة وفي النص الصورة بس الصورة دي انا وجوزي فكرنا فها وعملناها علي الكمبيوتر بردو وروحنا طبعناها في ستوديو عشان نديها للحلواني يحطها علي التورتة، عملنا لوحة العربية واخترنا اللون الاحمر عشان يبقي علم مصر بردو وبدل ايجيبت كتبنا جودي عربي وانجليش زي اللوحة بالظبط وحتي نفس حجم الفونت وكله والمسامير وتحت كتبنا تاريخ ميلادها وحلاوتها انه 25 زيه زيه 25 يناير لكن لو كان مختلف مكنتش هاتبقي حلوة
ومحبتش اعلق زينة وكده لأنها بقت حركة قديمة والاشكال محدودة عملنا صفين بلالين بشكل جميل وكنا هنزود بس الوقت بردو ومحبتش اجيب بلالين الوان كتير لأ نقيت لونين بس يمشوا مع الشقة عندي وكانوا فعلا كأني اخدتهم من علي الحيطة، وجبنا بيتزا لارج حسب عدد المعازيم وجبنا عيش فينو الصغير ده بتاع الحفلات وحشيته فراخ بانيه وكفتة وجبنا طبعا كانزات وعصير
ايه كمان يا ايمان عشان انا نساية عظيمة، اه وكنت جبت قبلها بوسترات واستيكرات كبيرة بتتلزق علي الحيطة ووضت اوضتها بيهم كارتون بقي وكده ونقلنا السماعات الصب بره في الصالة ووصلناها باللاب عشان بره اوسع طبعا وكله يبقي سامع وجنب التورتة
مش فاكرة عملت حاجة تانية ولا لأ، اااااااه وعملت فكرة الميني جيست بوك دي او الاوتوجراف كانت حلوة ولذيذة اوي وخليت كله كتب كلمة ليها