sweetylolla85;14855381:
سؤال كمان ياكتكت معلش
العامريه فين فروعه؟
انا رحت فرعين منه بس اللي في مساكن شيراتون علي ناصية الشارع اللي بتدخلي منه يمين عشان تروحي علي الصياد بس ده صغير وضيق كده والتاني مريح وفيه تشكيلة اكبر قصاد المريلاند قريب من ماكس جدا وفرحات وكده، وله فرع في مدينة نصر في شارع متفرع من مكرم بس مروحتوش ولا شوفته خالص، وخللي بالك هو فيه كذا عامرية بس مش كلهم تبع بعض، هما كل واحد له كام فرع تبعه والباقي لأ كده يعني، بس دول حاجاتهم جميلة اوي
kitty_kity;14856018:
ازيكم يابنات
انا كنت امبارح ف سيتي ستارز في محلات اطفال هناك كلها تقريبا عاملة سيل
بس انا دخلت سيف ستورز ومذركير
سيف ستورز عامل تخفيضات على حاجات معينة 70%
وبقية الحاجات تخفيضات اقل
ومذركير برده عامل سيل مش كبير والحاجات الجديدة مش عليها سيل نيو كولكشن
غريبة يا كيتي ده انا كنت في كافور العبور وبصيت علي مذركير ملقتش سيل فقلت يبقي خلص بس مدخلتش، انا بس مقرتش اي حاجة من بره مكتوب عليها سيل :(
مبروك عليكي بس كنتي تجيبي من محلات ارخص شوية بس الجوانب كده تمام زي ما قلتلك قبل كده نفس الاسعار اهي واللعبة فعلا فيه منها بالسعر ده بس حرام بجد الرخيصة حلوة بردو وشغالة وممكن تجيبي الوسط بينهم لكن دي بجد كتير اوي
الشبشب بقي ليه كل ده هو كان عامل ازاي؟
انا شفت شباشب لسن جودي ماركة كروكس بس التقليد في شارع ورا من ميدان صلاح الدين وفيه بردو نوع تاني بس مالوش اسم وكانوا حلوين اوي ، الكروكس كان ب 15 باين وفي محل جنبه كان عنده نوع مشابه كان ب 40، ولسه في مرحلة التدوير علي شبشب مناسب ليها وولمقاسها والسعر كمان وعشان مش يكعبلها ولا يتخلع منها، هما كلهم كان ليهم استيك او قافلة من ورا بس مكنوش مناسبين اوي بردو
ااااااااااااااه نسيت اقولكم اللي عايز شوزات للبيبي قبل سن سنة هيلاقي بردو في نفس المحل اللي بقول عليه ده لقيت احجام تجنن تكفي بيبي مولود وعاملة زي بتوع الاطفال الكبار والباليرينا وجلد وكده وفظاع وكوتشيهات
