نشره اخبار مباشره عن محلات ملابس الاطفال فى مصر الجزء التانى :)

معلش انا مش عارفه اظبط الصوره:o

lola2007;13966488:
معلش انا مش عارفه اظبط الصوره:o

حلو قوى ماشاء الله

انتى ممكن تعدلى الصوره انك تفتحيها عادى عندك هتلاقى تحت الصوره جمب المكان اللى بتعملى منه زوم عالصوره علامه فيها سهم ديه ممكن تظبطى منها الصوره تعدليها

انتى بقى جيباه بكام ومنين :)

ميرسى لذوقك انا هحاول اظبطها زى ما قلتى اصلى مستجده معلش:)
اانا جايبها من بيبى شوب اللى فى جولف سيتى مول بتاع العبور اصلى ساكنه هناك هو كان ب 122

crazy ananas;13966245:
هو زى ماقلتلك سيمو بس لو انتى هتدخلى من عند النادى الاهلى خاليه على يمينك وامشى فالشارع الطاقه لى اخره هتوصلى مصطفى النحاس هتلاقى المترو الصغير ودوران لفى وخالى المترو على شمالك وامشى دقيقه هتلاقى التوحيد على يمينك وعلى فكره الشارع اللى بعد التوحيد فى اور كيدز لو تحبى تشوفيه انا مدخلتوش معرفش نظامه ايه

اما بتاع النصر مش عارفه بس حسه انه لو فتح هيكون حلو

ممكن بقى تلبسى جوجو هاف كول قطن عادى بس تتقلى من تحته وخلاص او شوفى بوليرو ينفع عالحاجه

انتى قصدك تكبيره اللى فى سيتى ستارز وياترى اشتريتى حاجه ليكى

انا جالى اكتئاب دخلت محل فى عين شمس فتح جديد وفى حاجات حلوه ملاقتش مقاسى وكله ضيق رغم انتى مش تخينه قوى يعنى
ولو عوزه تشوفيه هو فالعماره الكبيره اللى قدام الدفراوى مول اللى فميدان النعام

انوووووسة وحشتيني اوي والله بتعملي فراغ كبير لما تروحي عند ماما، مين سمعك انا عندي كمان اكتئاب والله من بدري، ما انا كمان مليانة :D:D وكله ضيق بس كمان بجد لغاية دلوقتي ملفتش نظري حاجات حلوة اوي يعني يعني فيه حاجات بسيطة اللي عجبتني والباقي حساه مش جديد، بس كنت نازلة تاني النهاردة ان شاء الله اشوف ليا وليها بردو، انا جبت امبارح فعلا بوليرو هابقي انزلكم صورته رقيق اووووي، وجبت بادي قطيفة شكله بيئة :lol::lol: وشكلي هركنه، وجبت ايس كاب تاني ليها بس اللي عامل زي الكاب ده.
هو ده التوحيد والنور اللي تقصدوه تصدقي كنت معدية عليه واحنا راحيين لقرايبنا الاسبوع اللي فات ده وعجبني من بره وكنت اصلا عايزة ادخله هو والمحل بتاع الاطفال ده بس كنا متأخرين شوفتي الصدف.

lola2007;13966484:

خلاصي اوي ما شاء الله شكله كيوت اوي

نسيت اقولكم نزلت روكسي وقعدت ادور علي البادي بردو مفيش غير محل واحد في شارع جانبي من ابراهيم اللقاني لقيت عنده كام واحد بالعدد من بتوع لولي بوب وطبعا بردو مش هلاقي ولا مقاس ولا لون، والباقي كله قطن وبس وفي يمكن محلين بس عنده قطيفة مع القطن بس يمكن لونين بس ولا حاجة وخلاص، وام فلة انتي كان قصدك علي ستايلت انا فهمت من قبل ما اروح ودخلته هو فعلا فيه اكبر كمية باديهات عن الباقي بس بردو مفيش صوف خالص يعني كله قطن وقطيفة، والقطن فيه سادة وفيه مضلع رفيع وفيه مضلع عريض وبس :'(:'(

جميل قوي ما شاء الله يا لولا

رحت امبارح لفلي وكيدز بارك والاتنين فيهم تشكيلة كبيرة من الباديهات والوان كتير بس لفلي المقاسات بتبدأ غالبا من 3 سنين مفيش للصغيرين وعندهم قطن وصوف بس الصوف كمان الوانه مش كتيرة اوي بس فيه كذا درجة من درجات الموف وفيه بيج ورمادي وكحلي تقريبا لكن القطن بقي كتير اوي والوان كتيرة، وكيدز بارك بقي كله قطن كتييييييير بس معرفش المقاسات ايه وفيه قطيفة قليل خالص بس اللبس عنده حاجات عجبتني اوي لذيذة وكيوت كده بس قلت مش هجيب تاني خلاص كفاية كده ودخلت تشايلد مول بردو عنده باديهات بس خامتها طرية اوي كده وناعمة تشبه الحاجات اللي تقليد كارينا او مش عارفة اسميها ايه وعنده هاف كول بس بكباسين من تحت بيبي كلاب بس انا مش عارفة هي المفروض تبقي داخلية بس خامتها وشكلها يدي انها تنفع للخروج لأنها قطن بس تقيل وفي زي تضليعة كده بس لونين بس روز وابيض بس اللبس عنده معجبنيش خالص




انا بقي في الاخر لما غلبت وخصوصا اني محتاجة جدا بادي من اللي كنت بدور عليهم فبقيت والله بدور كمان في لبس الخروج لو صادفني اي بادي مع طقم او حاجة تنفع اخدها بردو البسها تحت الفستان يبقي ماشي ، وفعلا الحمدلله لقيت بالصدفة في لفلي بادي مناسب وللأسف حساه غالي بس اهو بقي اعمل ايه وهو بيختلف حسب المقاس السعر، وانا جبت مقاس اكبر منها شوية عشان ميضيقش بسرعة هصوره واصور الباقي وانزلهم بإذن الله

ده البوليرو من ليدي بيرد اللي في تويز ار اس رقيق اوي





وده البادي القطيفة وطبعا الاضاءة مخلياه فاقع جدا وهو بسوستة من ورا من محل اسمه روجانا في روكسي



وده الكاب من راجل في روكسي



ودي كلبسات نونو علي رسمة كيتي من كيدز بارك اللي طلعت به من هناك :lol::lol::lol:



وده البادي من لفلي اللي هو بتاع خروج وكان متعلق معاه جيبة كمان بس عادي كل واحد بيتباع لوحده



والفيونكة دي مشبوكة بدوس يعني تتشال عادي



وكان في جوانتي من واحد في الشارع بردو في عين شمس بس مش لقياه دلوقتي

CuTie KaTkOoTa;13974327:
ده البوليرو من ليدي بيرد اللي في تويز ار اس رقيق اوي





وده البادي القطيفة وطبعا الاضاءة مخلياه فاقع جدا وهو بسوستة من ورا من محل اسمه روجانا في روكسي



وده الكاب من راجل في روكسي



ودي كلبسات نونو علي رسمة كيتي من كيدز بارك اللي طلعت به من هناك :lol::lol::lol:



وده البادي من لفلي اللي هو بتاع خروج وكان متعلق معاه جيبة كمان بس عادي كل واحد بيتباع لوحده



والفيونكة دي مشبوكة بدوس يعني تتشال عادي



وكان في جوانتي من واحد في الشارع بردو في عين شمس بس مش لقياه دلوقتي

حلوين اوي يا ايمي ماشاء الله تتتهني بيهم جودي يارب

حلوين قوي يا كيوتي ما شاء الله هو فين تويز أر أس ؟

Boody we zady;13969454:
جميل قوي ما شاء الله يا لولا

انتى اللى جميله
تويز ار اس فى سيتى ستارز وفى كمان فى اركاديا

كتكت حاجات جوجو طبعا حلوه ربنا يهنيها بيهم يارب
صحيح هو انتى كنتى بتدورى على بادى صوف عشان السالوبيت وله ايه لو كدا انا قبل مالدنيا تسقع قوى كنت بلبس نانو فانله بكم وواحده بنص وعليهم بادى قطن بكم خروج ولما الدنيا بردت كنت بلبس نانو عليه جاكيت تريكوه صغنن كدا بيكون شكله شيك وبيدفيها كمان

انا صورت شويه حاجات هنزلها عالجهاز واحطها قريبا ان شاء الله

مايونيز;13977060:
حلوين اوي يا ايمي ماشاء الله تتتهني بيهم جودي يارب

تسلمي يا غادة ربنا يخليكي

Boody we zady;13977083:
حلوين قوي يا كيوتي ما شاء الله هو فين تويز أر أس ؟

تسلمي يا ام بودي انتي الاحلين بصي هو فيه كذا فرع بس انا رحت واحد في مصر الجديدة، واللعب فيه تحففففففففففففة وكبير اوي ومقسم لكل الاعمار وكل الالعاب والبارتشين بتاع ليدي بيرد ده للبس بقي وله فروع بره مصر كمان بس طبعا تخصصه اللعب اكتر

lola2007;13979145:
انتى اللى جميله
تويز ار اس فى سيتى ستارز وفى كمان فى اركاديا

وفي في شارع الاهرام في مصر الجديدة ده اللي انا رحته

crazy ananas;13980143:
كتكت حاجات جوجو طبعا حلوه ربنا يهنيها بيهم يارب
صحيح هو انتى كنتى بتدورى على بادى صوف عشان السالوبيت وله ايه لو كدا انا قبل مالدنيا تسقع قوى كنت بلبس نانو فانله بكم وواحده بنص وعليهم بادى قطن بكم خروج ولما الدنيا بردت كنت بلبس نانو عليه جاكيت تريكوه صغنن كدا بيكون شكله شيك وبيدفيها كمان

انا صورت شويه حاجات هنزلها عالجهاز واحطها قريبا ان شاء الله

ما انا بردو عملت زيك كده جبتلها بوليرو علي السالوبيت عشان البرد لكن البادي الصوف بقي كان عشان الفستان النص كم ومكنش هاينفع فوقه جاكت هايبقي مبهدل اوي وهايخبي شكله وكمان هيضايقها وهايكركب :(:( وكنت عايزاه كمان عشان الجيبة لأن الجاكت اللي فوقها كروشية كده خفيف فكنت عايزة تحته بردو صوف بدل القطن، بس الحمدلله ده هاينفع الاتنين خلاص يمشي الحال هو مش اللون اللي كنت عايزاه بس بردو واخد درجة من الدرجات الموجوة الحمدلله ولبستها النهاردة خلاص الطقم الجديد اخيرا :confused::confused::confused:

انا لسة مستلمة الحاجة دى من جروب عالفيس قولو ماشاء الله لاقوة الا بالله ودى الصور
شايفين حاطة الحاجة فى ايه؟

ودول مفرودين

وده من قدام
ودى الماركة عن قرب
وده من ورا

هينار حلوة اوى الحجات ما شاء الله بس مقولتيش اسعارها ايه و السلوبيت الكارترز سعره كام

البجامات برضو كارترز بس ماصورتهاش عن قرب كل واحدة ب55 جنية والسلوبيت ب50 لقطة مش كدة

CuTie KaTkOoTa;13974250:
رحت امبارح لفلي وكيدز بارك والاتنين فيهم تشكيلة كبيرة من الباديهات والوان كتير بس لفلي المقاسات بتبدأ غالبا من 3 سنين مفيش للصغيرين وعندهم قطن وصوف بس الصوف كمان الوانه مش كتيرة اوي بس فيه كذا درجة من درجات الموف وفيه بيج ورمادي وكحلي تقريبا لكن القطن بقي كتير اوي والوان كتيرة، وكيدز بارك بقي كله قطن كتييييييير بس معرفش المقاسات ايه وفيه قطيفة قليل خالص بس اللبس عنده حاجات عجبتني اوي لذيذة وكيوت كده بس قلت مش هجيب تاني خلاص كفاية كده ودخلت تشايلد مول بردو عنده باديهات بس خامتها طرية اوي كده وناعمة تشبه الحاجات اللي تقليد كارينا او مش عارفة اسميها ايه وعنده هاف كول بس بكباسين من تحت بيبي كلاب بس انا مش عارفة هي المفروض تبقي داخلية بس خامتها وشكلها يدي انها تنفع للخروج لأنها قطن بس تقيل وفي زي تضليعة كده بس لونين بس روز وابيض بس اللبس عنده معجبنيش خالص




انا بقي في الاخر لما غلبت وخصوصا اني محتاجة جدا بادي من اللي كنت بدور عليهم فبقيت والله بدور كمان في لبس الخروج لو صادفني اي بادي مع طقم او حاجة تنفع اخدها بردو البسها تحت الفستان يبقي ماشي ، وفعلا الحمدلله لقيت بالصدفة في لفلي بادي مناسب وللأسف حساه غالي بس اهو بقي اعمل ايه وهو بيختلف حسب المقاس السعر، وانا جبت مقاس اكبر منها شوية عشان ميضيقش بسرعة هصوره واصور الباقي وانزلهم بإذن الله

ماشاء الله الحاجة جميلة اوى هينار برضو عندها زى البوليرو بس ماما كانت جايباهولها من مذر كير

هو فين تشيلد مول ده؟؟؟


وحد يعرف الناموسية بالاستاند بكام ومنين؟

om_hienar;13983331:
البجامات برضو كارترز بس ماصورتهاش عن قرب كل واحدة ب55 جنية والسلوبيت ب50 لقطة مش كدة

البجامات ديه تحفه ابني مش بيرضا يلبس الا هيا علشان الرسمات الكتيرررررر وكمان قمشتها حنينه اوووي ومش بيحب الحاجات التقيله او المبطنه وسعرهم حلو عندنا في حدود 60 او 70