نشره اخبار مباشره عن محلات ملابس الاطفال فى مصر الجزء التانى :)

حياتى لله 1;15593216:
حمد لله على سلامتك يا سيمو
حلوه المعلومات بتاعتك
أفدتينا
بس سين سؤال متعرفيش مذر كير دلوقتى بعد ال 50 %لسه فيه حاجه موجوده؟
وهل الشتوى عليه سيل واللا لأ

لاسف معرفش يا ام حفصة لاني مدخلتش مزر كير شفت من برا جوزي كان مستعجل بس احتمال انزل اخر الاسبوع هدخل واعرف الاخبار واقولك

Rojy om Hienar;15594163:
تسلمى يا ام حفصة(صوفى) هجربه
ام لمار قوليلى لسة فى اتش اند ام انا رايحة السبت الجاى هلاقيهم؟؟؟

اه يا روجي هناك ان شاء الله تلاقيهم انا كنت هناك يوم السبت

بسبوسةميدو;15595210:
ازيكم ياماميهات يارب تكونوا بخير جميعا انتم واولادكم امين:) كنت عايزة اعرف هل فيه بنطلونات جينز سكيني للصغيرين يعني سن سنه ونص كده ولا لا؟؟ والاقيه فين وسعره بيبقى كام ياريت اللي يعرف يقوللي بليز وشكرا مقدما:)

انا شفت سكيني في زارا وكان ب 200 :)

روجي ما شاء الله لبس هينار جميل جدا مبروك عليها.. بنات حد حس ان الجو بدأ يبرد؟ و بتعملوا ايه في لبس الاولاد بجد صعب بالنهار حر و الليل برد شوية مش عارفه البسه ايه..

هو الجو ابتدى يكون لطيف بس مش برد لسه
احنا لسه بنام في التكييف بس علشان بكون خايفة ع لومي بكون ملبساها عادي بالنهار كات او بيجامة حملات بس بليل بلبسها حاجة بنص كم وبنطلون خفيف لانها مبتحبش تتغطى ابدا وتحتهم سالوبيت حمالات خفيف

آدم ذي لمار كده مش بيحب الغطا..أنا مش عندي تكييف بلبسه سالوبيت حمالات تحت اللبس بتاعو حتي بالنهار ولما ينام اغطيه بحاجة خفيفة.. بس كده مش غلط لو البسو السالوبيت بالليل و يقلعها بالنهار ؟

انا لو خارجة بليل يا بوسي بلبس تايا حاجه بنص كم

انما لو الصبح بيبقي لبسها العادى بس كت بقي مش حمالات

[QUOTE=LaMar's MuM;15596076
انا شفت سكيني في زارا وكان ب 200 :)[/QUOTE]

مرسي ياجميل بس الصراحه حساه غالي:o
طيب مافيش حد تاني شاف سكيني للاطفال يكون اسعاره اقل من كده :)

انا شفت سكيني عند محل عندي بيبيع حجات ماركات وحجات بيبيهات مستورده والبنطلون كان سكيني مستورد يلبس من 12 ل 18 شهر تقريبا او اكتر هو كان كبير علي تايا بس ده مصلحه وهىعمرها 11 شهر

وكان ب 75 جنية

وان شاء الله اروح اجيبو عشان كان في قطعتين فقط :p ههههههههه

بنات حد يعرف الاقي الكرسي بتاع الاطفال اللى بيبقى متعلق فيه الالعاب بتاعتهم ده فين
بس مكان فى اسكندريه لو حد من اسكندريه هنا

او السجاده اللى بيناموا عليها وبرضه بتبقى فوقهم الالعاب ديه

مسك هتلاقيها فى مذر كير اللى فى سيتى سنتر

بنات انا نزلت امبارح ماكس وفيه حاجات حلوة اوى حريمي ورجالي واطفالي والاسعار جميلة

بس المشكلة ان مفيش غير صيفي وجوزي مش راضي نشتري حاجات صيفي

نعينها للسنة الجاية بس في شتوي في وسط البلد في كام محل

وكل المحلات مفيهاش شتوي خااااااالص بس التخفيضات حلوة

ورحت لولي بوب كان عنده حاجات حلوة بس لبس المواليد غالي عنده شوية

وماما جابتلي شوية حاجات هابقى اصورها ان شاء الله وانزلها

Rojy om Hienar;15599554:
مسك هتلاقيها فى مذر كير اللى فى سيتى سنتر

ميرسي ياقمر ربنا يخليكى يارب

ميس توكي شكرا ياجميل عندك في انهي منطقه يعني؟وسعره كده كويس ماشاء الله
وكلاسيك ممكن اعرف انهي فرع لماكس اللي عند وندرلاند ولا المريلاند وهو فيه تخفيضات كام في الميه ؟ يعني يستحق المشوار ولا ايه:)

mesk_2005;15598022:
بنات حد يعرف الاقي الكرسي بتاع الاطفال اللى بيبقى متعلق فيه الالعاب بتاعتهم ده فين
بس مكان فى اسكندريه لو حد من اسكندريه هنا

mesk_2005;15598029:
او السجاده اللى بيناموا عليها وبرضه بتبقى فوقهم الالعاب ديه

مسك روحى محلات الالعاب اللى فى المنشيه هتلاقى كل اللى انتى عايزاه و باسعار رخيصه اوى
و برده هتلاقيها فى سيتى سنتر او اى محل العاب كبير

بسبوسةميدو;15600127:
ميس توكي شكرا ياجميل عندك في انهي منطقه يعني؟وسعره كده كويس ماشاء الله
وكلاسيك ممكن اعرف انهي فرع لماكس اللي عند وندرلاند ولا المريلاند وهو فيه تخفيضات كام في الميه ؟ يعني يستحق المشوار ولا ايه:)

وندر لاند

هو في حاجات كويسة لكل الاعمار بس اصل الموضوع اذواق

بس حاجات الاطفال اكيد مفيش خلاف عليها وممكن تلقطي كام حاجة حلوة

وكمان بديهات حريمي للبيت وتشيرتات رجالي حلوة برضه وفي مقاسات

والبيحامات برضه حلوة والتخفيضات متفاوته من 20 : 50 %


حياتي لله

يعني المحلات دي عندها شتوي وعليه سيل معقول !!

*DONY*;15600987:
مسك روحى محلات الالعاب اللى فى المنشيه هتلاقى كل اللى انتى عايزاه و باسعار رخيصه اوى
و برده هتلاقيها فى سيتى سنتر او اى محل العاب كبير

منشية ايه يا دوونى عشان انا برضو عيزة اجيب الحاجات الى مسك بتقول عليها

* كلاسيك *;15605392:
وندر لاند

هو في حاجات كويسة لكل الاعمار بس اصل الموضوع اذواق

بس حاجات الاطفال اكيد مفيش خلاف عليها وممكن تلقطي كام حاجة حلوة

وكمان بديهات حريمي للبيت وتشيرتات رجالي حلوة برضه وفي مقاسات

والبيحامات برضه حلوة والتخفيضات متفاوته من 20 : 50 %


حياتي لله

يعني المحلات دي عندها شتوي وعليه سيل معقول !!

حياتى لله 1;15606350:

أيوه يا جميل
عندهم سيل
أظن لأن دى كولكشن قديمه
(معلش أول مره أشترى بقى هههههههههه)
إن شاء الله هأتعلم على إيديكم وأكون شطوره
بس المحلات التانيه
زى مذر كير ستى ستارز الشتوى مش عليه سيل
وإتش آند إم
إنتى إيه الأخبار؟
كملتى لبس بنوتك؟

سؤال يا ماميهات : السلوبيتات القطيفه للبيت ألاقيها حلوه وأسعار كويسه فين؟ورينج السعر كام؟
وشكراااااااااااا كتيييييييييييير ليكم
يارب حد يرد عليا

هتلاقيها فى بيبى شوب او ماكس غالبا بتبقى فى حدود 80 وده احسن سعر ليها اللى ارخص من كدة وحشيييين اووووووووى ومقاسات غريبة ومنفوةخين اللى همة بيبقوا فى حدود من 30 ل 60 دول انا لسة ماروحتش العبور بس صاحبتى بتقوللى مذركير وسيتى ماكس عاملين سيل جامد:L::thumbs_up:

حياتى لله 1;15606350:

أيوه يا جميل
عندهم سيل
أظن لأن دى كولكشن قديمه
(معلش أول مره أشترى بقى هههههههههه)
إن شاء الله هأتعلم على إيديكم وأكون شطوره
بس المحلات التانيه
زى مذر كير ستى ستارز الشتوى مش عليه سيل
وإتش آند إم
إنتى إيه الأخبار؟
كملتى لبس بنوتك؟

سؤال يا ماميهات : السلوبيتات القطيفه للبيت ألاقيها حلوه وأسعار كويسه فين؟ورينج السعر كام؟
وشكراااااااااااا كتيييييييييييير ليكم
يارب حد يرد عليا

ماشي يا حبيبتي اذا رحت ناحية هناك قريب هابقى ابص ان شاء الله

انا برضه اول مرة ام و محتاسه خاااااااالص والله :|

اقولك بقى على مذر كير انا رحت امبارح لافلي اللى في اخر مكرم وتشايلد مول

و سيتي ستارز ... لافلي احلاهم بصراحة والناس هناك لطيفه والاسعار معقولة

والحاجات نضيفه اوي وتشايلد مول كويس برضه بس الناس هناك مش هيلب فل :cool:

بس السراير هناك حلوة واحتمال نجيب من هناك

مذر كير بقى اسعار خزعبليه خااااااااااااالص تحفة طبعاً وكل حاجة بس بجد

اسعار غير منطقية والسيل على حاجات مش شتوي و معظمها حاجات داخليه تقريباً

احنا اتضايقنا وخرجنا قولنا ممكن نبقى ننزل في السيل بقى و برضه اوركسترا نفس

النظام تقريباً ونكست بس نكست عنده سيل على الصيفي كويس

احسن واحد فيهم اتش اند ام واسعاره معقولة شوية عن الباقي بس هستنى

ان شاء الله السيل لأن كمان مفيش المقاس اللى انا عايزاه للسنة دي

يعني ممكن اخده للسنة الجاية مثلاً

لو عايزة شتوي اسعاره كويسه ممكن تبصي في وسط البلد عند عرفه ودجاني

وفي محل اسمه المهد بعد مول طلعت حرب ع الشمال ممكن تلاقي عنده حاجة

لو نيو بورن لو كبير شوية اتش اند ام حلو والاسعار من اول 100


انا بقى عايزة اعرف انا ناقصني ايه بصفه عامة في كل المستلزمات

انا جبت بناطيل وتشيرتات داخليه و 2 شايات و كام حاجة للبيت

وكام حاجة للخروج مع طواقي وجوانتي واحد لحد ما اشوف هترتاحله ولا لأ

وشربات وكوفرته ولسه هاجيب كمان وبطانية ولحاف

كده في ايه تاني ناقص ؟؟؟