خلي الملــــــــــــكة كلها حركات يا مملكات

راح ابدا بالمكالمات :call:


من تقولين الو لين تسكرين
الاغلبيه تقول ماعرف اسولف هو خجول انا مستحيه واحس بملل بالمكالمات واحيان اسكت ماتكلم واطول بالسكوت
ماعندي سوالف وهو نفس الشعور وشلون تدلعين بالمكالمات اول شي الصوت خليه ناعم كلامك مرتب مو تقولين كل كلمه ورا بعض بين كلمه وكلمه اسكتي شوي ضحكتك بالتليفون خليها يسمعها لاتضحكون ع الصامت ^^ مالكم داعي
شفتو ضحكت شوجي :lol: برنامجها ^^طبقوها بس بصوت منخفض شوي مو نفسها عالي تعورين راسه
ترى الضحكه العاليه لها طعم خاص
انزعي شوي من الخجل في المكالمات خلي المكالمات متنفسك الوحيد خليه يحس بطعم المكالمات معك غير
كيف تغزلين ماعندك كلام حلو ماتدرين من وين تجيبينه
عليكم بالخواطر تخرجك رومنسيه مع مرتبة الشرف اكتبي خواطر رومنسيه خواطر شوق خواطر حب والقطو كم كلمه من الخواطر
صدقوني لو قريتو كل يوم الخواطر وبديتو تاخذون من الكلام الي بالخواطر راح تولفون من عندكم وتصيرين رومنسيه وكلامك يقطر عسل
شوفي الكلمه الي تناسبك وحفظيها
والاشعار في ابيات شعر قصيره مره روعه عباراته تجنن اخذيها وتغزلي بها لخطيبك اكتبي مثل مسجات قصيره راح تلقين وش كثرها مسجات رومانسيه مسجات حب غزل ومن هالقبيل بتلقين بس ابحثي

كيف تقولينه ابتكري طريقه حلوه تفاجينه فيها^^^ راح اتكلم عنها


اولا
=اول مايدق عليك ويقول الو:call:^^^^ لاتقولين نعم هلا اذبحك هههههههه
قولي الــــــــو جريها خصوصا الواو طوليه شي بنعومه
= هو اكيد بيسئل وش اخبارك وش علومك^^^^ قولي بدلع مثل انا زينه يابعدي انت زين او قولي انا بخير بعد هالصوت او قولي انا منك ياالغلا اذا انت بخير انا بالف خير
انا الحمدالله ياقليبي بخير بسماع صوتك الله لايحرمني منه
تدلعي لاوصيك اوقوليها بطريقة طفوليه بدلع انا مبسوته مره مره ياقلبو^^ مو تقولين مبسوطه

=انتي بادري وقولي الحلو وش اخباره قليبي كيفه عمري طمني عنك حياتي وش مسوي^^^ مو تقولين وش اخبارك كيفك احذفي هالكلمه من قاموسك

=هو بالطبع بيقول بخير ومن هالكلام انتي قولي دووووووم يالغلا الخير فالك او عساه دوم يالغالي او عسى الخير والفرح دوم حالك انشالله ياقليبي دوم بخير تشطري باسلوبك

=راح يسئل ويسولف وانتي وش المطلوب منك اذا تكلم عن اهله قولي ياحليلهم فديتهم الله يخليهم لك اشتقت لاهلك من شوقي لك^^ جاملي لاجاب طاري اهله لاوصيكم هههههههههه
وش اخبار فلانه اخته وش مسويه اشتقت لها^^ اذا كنتي تعرفينه سوالك عن اهله شي حلو ومنها تكثرين بها السوالف

=اسئلي عن اهله وش اخبارهم دايم اسئلي عن امه اذا كان بعيدعنها قولي ام الغالي وش اخبارها اتصلت فيها تطمنت عليها
حياتي لاوصيك على امك ترى رضاها من رضى رب العالمين فلاتنسائها اتصل فيها وتطمن عليها انت تعرف قلب الام على عيالها فلاتشغل بالها وتحاتيك
عشان تكثرون السوالف وماتملون لاتقولين ماعرف اسولف^^
اسئليه عن خواته مثل اخته حامل اسئليه قولي غلاي وش مسويه فلانه ومتى شهرها عساها مبسوطه:022:
اخته تدرس وش اخبارها بالدراسه
عنده اخت حلوه امدحيه قولي ماشالله عليها جمال ومن هالكلام امدحي فيها
ابوك وش مسوي وكيفه مع الشغل عساه مايتعب كلش الا ابو الغالي
انا ماقولك بمكالمه وحده امسكي ع عايلته كلها^^ لا كل اسبوع امسكي ع واحد واسئلي عنه
اسئلي عن عايلته ومن اقرب خواته له او اخوانه
ولاقالك فلانه ارتاح لها واكلمها عن كل شي^^^ عاد تميلحي وقولي هاتصدق حياتي زاد حبي لها اكثر لانها قريبه من قلبك يافديتها راح اقولها تاخذ بالها عليك وتهتم فيك لين تجمعنا الايام ونتزوج^^^ لاتقولين استحي ترا لها مفعول سحري

واذا قال ماعندي احد قريب لقلبي من خواتي^^^ عادي ياغناتي انا اصير لك اخت وصديقه وزوجه امر تدلل متى ماحسيت انك بحاجة اخت تفضفض لها راح اكون لك الاخت وكل شي^^^ اكيد بيقول او ماتقصرين
انتي قولي ياحياتي حنا بينا زواج ومانبي الرسميات تعيش بينا ماتبي حياتنا سعيده ومبنيه ع تفاهم
انا راح اشوفك اخوي وزوجي وماخبي عنك شي
وانت اعتبرني اخت صديقه زوجه لاتخبي عني شي
واتفقو ع الصراحه لانها مهمه

= اذا قال سالفه او موقف له قولي بنص السالفه ياحياتي ياحلاوتك ياحلوك يازينك

=لاوصيكم بالمدح امدحو فيهم لو اشكالهم تخرع ماعليك تراهم يسانسون ع المدح وحسسيه انك مجنونه عليه
مثل امدحي ضحكته يالبيه يهالضحكه ^اموت انا ع هالضحكه^ فديت الضحكه وراعيها^ ياحلاوة ضحكتك^ وينهم المرضى عن ضحكتك انا متاكده لاسمعوها بيتشافون^^^ اموت ع ضحكتك لاسمعتها اذوب

امدحي شكله وش هالقمر ياحلاوتك بينهم ^اسم الله عليك وش هالزين الله يحفظك لي^يالبيه يروعة طلتك^^
الناس تشوف بالسماء قمر وانا اشوف بالارض قمر والحين قاعد يكلمني ياحبي له
امدحي مثل طوله جسمه عيونه
الناس لو شافوك بعيوني مالاموني^^ محد قالك انك مجنني مهبل في بجمالك^^
القمر هو القمر يغار من طلتك^^ خفف شوي نورك طلتك اعماني^^

= امدحي اخلاقه اسلوبه^ حتى لوكان العكس ماعليك المدح يجيب نتيجه


= اسئليه عن شغله مرتاح^^ غناتي كيف الشغل معك عسى مايتعبون غلاي ياويلهم مني
حياتي كيف امورك بالشغل الله يوفقك ويسهل عليك ويسعدك

= اذا كان ساكن بمدينه بعيده عن اهله بحكم شغله اسئليه كيف يرتب اموره وشلون يتصرف ومن يغسل ملابسه
اسئليه بنبرة الخايفه عليه
حبيبي من يصلح لكم الغداء من يغسل ملابسك حياتي انتبه لروحك وه طمنتيني عنك

=ناقشي معه امور الزواج بعيد عن الجراه مثل قولي حبيبي وش الاشياء الي تمناها بشريكة حياتك وكيف تبي طريقة تعاملها وانا راح اكلمك عن الاشياء

=اتفقو ع الصدق والصراحه والتفاهم انتي بادري وقولي توعدني ماتقول الا الصدق وماتكلم الابالصراحه وتصارحني بكل شي
ابي اكون قريبه منك بقلبي لاتحرمني هالاحساس
ابيك تتصل وتقول فلانه انا متضايق مثل من احد من اخوياك اوبيتك قلت اجي اوسع خاطري عندك ومن هالكلام
ابي اشاركك بكل كبيره وصغيره مو من حقي^^ لاتنشبين له قولي باسوب حلو

= تكلمو عن ايام الطفوله ياحلاوتها وش كان يسوي يوم كان طفل وانتي بعد قولي له وش كنتي تسوين
ومواقفك ايام الطفوله
قولي حياتك خاطري اسئلك عن طفولتك وش كنت تسوي او اذا كان قريب منك قولي لها تذكر يوم كنت صغير وتسوي كذا انا كنت اشوفكم ومن هالكلام

=سولفي لها عن يومياتك قولي اليوم طلعت مثل لبيت عمي اورفيجتي واستانست وسولفنا وقولولي عن كذا وكذا
وصار كذا^^ مو تقولين كل شي لاشي المعقول

اليوم طلعت حياتي لسوق وناسه انبسطت شريت بس خساره تمنيتك معي عشان تختارلي ع ذوقك وانت تعرف انا بدونك ماسوى

رحت للمشغل قصيت شعري صبغت حواجبي طلعت حلوه اشبهك ههههه وانا اقول انا حلوه طالعه لمن اثاريي طالعه عليك يافديتك هههههههه

اخوي فلان جاء من السفر وقال كذا وكذا اختي جات لعندنا زياره امي وابوي سافرو
يعني اخبار عايلتك بس بشكل مبسط

=اسئليه عن نفسه تغديت تعشيت افطرت تسحرت اكلت عدل حياتي لازم تاكل اذا شبعت اعرف اني شبعانه واذا اكلت شويونه تراي بموت من الجوع فلاتذبحني بالجوع خلي بعض ردوردك فيها مزحه
ابيك تاكل زين وقبل لاتاكل سم واكل بشويش عشان اكلك ينفعك وبعد ماتخلص لاتنسى الدعاء بعد الاكل
وغسل يدينك وفرش اسنانك ولاتنسى شي بيقول وش قولي احبك

=وصيه ع نفسه قولي حبيبي انتبه لروحك تراي مشاركتك فيها دير بالك ع روحك يالغلا
اذا جيت تنام لاتنسى الاذكار وقراة القران ونام لاتفكر واستغفر وانت ع الفراش
بس راح ازعل ياعمري لو ماسويت شي^^^ بيقول وش قولي اذا ماتحلمت في بجييك في المنام وبذبحك بس بشويش مهههههههه قولي امزح حبيبي

=مثل اذا قالك انا مظطر اسكر بروح مثل لدوام او الاهل او اي مكان صديقتي تقول اقوله يصير اروح معك بيضحك وبيستغرب
تقول اقوله ماعلي ابي اروح ماراح اسوي شي بجلس مودبه اهم شي ماتخليني بروحي ماعرف اعيش بدونك واكره الساعات ااذ بعدت بصوتك الله يخليك حمودي ابي اروح معك^^ خليه يحس بتواجدك معه لحي عليه مثل الطفل بدلع
هو قالها المره الجايه راح اخذك هههههههههه بس جد وناسه تقولي استانس كثير
تقول تعود الحين اذا كلمني وجاء يسكر يقولي بتروحين معي ههههههه^^ انتم لاتصدقون انه بيجي ياخذك لا عيشوها احلام^^^^

=اذا كنتي تدرسين سولفي معه عن الدراسه بس لاتجيبين له صداع :confused:

=اسئليه وش مواهبه وهواياته
شجعي الموهبه الي تعجبك مثل قولي الله وناسه تعجبني هالموهبه مثلك حلوه
واذا سئلك وش مواهبك هواياتك
قولي مثل الروايات والرقص والقراه واحبك ^^ شفتي احبك احشريها في الكلام بشكل عفوي

=اسئليه قولي عمري وش الشي الي يعجبك في او تتمنى اني اغيره^^^ هالسوال خطير اموت عليه

=اخذي رايه بي تصرف مثل قولي انا اليوم تهاوشت مع اختي ولحد الان زعلانه مني ياربي ماعرف وش اسوي حياتي انا مالي غير ساعدني ثم اذا رد قولي الله لايحرمني منك مدري بدونك وشلون اتصرف الله يخليك لي ودي مشكور ياعمري اقولها بكل لغات العالم كلها
اخذي رايه اليوم طالعه لعزيمه وماراح البس الا ع ذوقك وش تحبني البس

= حاولي تفتحين له قلبج حسسيه انه كل شي بحياتك كوني عفويه وع طبيعتك واياك والجراءه معه تجرين معه اوكيه بحدود المعقول بس ماتعمقين معه
اذا تكلم لاتقاطعيه مهما كان الامر اسكتي اذا خلص قولي الي عندك

= خليه يثق فيك ثقه قويه لاتحاولين تشككينه بتصرف اوردة فعل تعاملي معه بشكل منمق مثل طلب ايميلك عطيه او الرقم السري عطيه لاتقولين خصوصيات ومدري وش هو راح يفهمها شي ثاني بالعكس هذا من حرصه...................

تعبببببببببببببببببببببت :|:|:| لي باااااااااااااااااااااااااك اكمل الباقي اتمنى تكون البداية عجبتكم عشان اتحمس واكممممممممممممل واذا ماعجبكم ماراح اكمل ..........

اختكم اضواء ............F:F:F: