شط الفرات;13510778:
شلون اعرف انكم تتكلمون بدون ما اكتب
بروكولي;13524984:
سلام
اخبار طازجة ههه
بالنسبة للتخفيض 25% ااني اللي ذكرته دازين لي مسج وتوني من شوي راجعة من السيتي وطاحو رجايلي ههه
بالنسبة للعرض للحين موجود سنتر بوينت بقيمة 25 دينار او اكثر ينحسب تخفيض 25% وبطاقة السنتر بوينت تكنسلت اليوم كنسلناها وسوينا بطاقة اسمها شكرا يقولون لها مميزات اكثر وعطوني بطاقة مؤقتة لين توصلني على عنواني
محلات الاطفال مادخلتهم كلهم اخذت فرة سريعة
دخلت ميني مود مافيه شي عدل
تاب الويا ثيابه شتوية كلش مافي ربيعي وبعد ماعجبوني ذاك الزود اكثر شي عجبني البواطلين الصغار كلش من عمر سنة واقل والبنات بعد كان في ليهم شي حلو الصغار عاد لكن بعمر اربع ورايح مافي شي حلو
سيرجنت بعد ماعجبوني احس الوانهم كلة كاتمة وشتوية حدهم يعني مو مال شتا البحرين
وعقب دخلت ماكس كلش قحط وين الاقمصة مافي الا نوعين اكممام طويلة وملابس الكبار على قدنا في حلوين ومنزلين شوزات الوان واسعارهم عجيبة دينار ونص دينارين وبوتة بعد اسعارهم زينة بس ما اذكر جم
وعلى فكرة البطاقة اللي قلت لكم عنها استخدمناها بعد في ماكس بس ماكس من 20 دينار واكثر ينحسب 25% يعني واجد زين
وقبال ماكس صوب الكوفي شب حاطين كراسي وواحد يطبخ اطباق ماجي والتستلة وعطوني كتابين طبخ عجيبين هههه واحد موالح والثاني حلويات
وعقب رحنا كارفور وافترينا عندهم بعد عروض بس ماشفتها عدل لاني خلاص انتهيت من التعب بس اخذت لولدي فانيلة شتوية من صوف حلو شكلها تنفع للصبح روحة ولدي الروضة وسعرها رخييييييييييييييص 1.900 دينار وجربتها طلعت مرتبة
وخلاص متنا من التعب وطاحت رجايلي والحين توني بالعة لي ثلاث حبات مال الم الظهر والرجايل << يعني اسوي ليكم مقدمات جان اكسر خاطركم وتقيموني هههه
ام جاسم ويوسف;13534609:
السلام عليكم
مريت البارحة اللى هو ليلة الجمعة بيت المرة اللي فى عالي ( شورت شوب ) وعلى ما اعتقد وان شاء الله ضني ما يخيبني انها يوم السبت او الاحد راح يطرشون مسج لانها بتنزل بضاعة شتوية جديدة . واذا استاهل التقيم قيمووووووووووووني :D
مملكة بلقيس;13538267:
بناااات اشلون تقولون ماكس عنده تخفيض 50%
وانا يوم رحت ماكس اللي بمجمع الواحة عنده تخفيض 25% اذا شريتي ب25 دينار او اكثر
انتوا تقصدون مجمع الرفااع اللي عنده تخفيض 50% ردووا علي لاني متوااعده ويه زوجي على العصر نطلع
هديل الليل84;13538813:
يالله يقموني يا محبين النهر الابيض في الرفاع
وصول بضاعة شتوية بتاريخ 5 هذا ما قاله الهندي
زهور يانعة;13539550:
ما خبري النهر الابيض بالرفاع يمكن قصدش فنون اسراء
هديل الليل84;13540597:
لا في الحجياب اول محل من صوب مطعم كرامي مكتوب علية 500 فلس و دينار و دينار و نصف