ألذ نوعين قطايف بالصور من مطبخي حياكم

صارلي من بداية رمضان وانا حابة اسوي القطايف

بس ماكنت مقتنعه بالوصفات اللي اقراها بالنت

قبل يومين كنت اشوف برنامجي المفضل وهو مطبخ منال العالم ;)

وسوت قطايف عصافيري بحشوة الكاكاو فاخذت مقادير العجينة

واضفتلها بعض المكونات ...

صح قبل ماابدي هذا الموضوع اهداء للغالية اختي ام عموري :L:

مقادير العجينة..

2 وربع كوب طحين <<< انا زودت الربع من عندي لان كانت كلش خفيفه

نص كوب سميد ناعم

2 ملعقة صغيرة بيكينغ باودر

1 ملعقة كبيرة نشا

3 كوب ماء

3 ملعقة سكر << اضافه من عندي

رشة فانيليا << اضافة من عندي :o


مقادير الحشوة اي حشوة انتوا تحبونها
انا سويتها بحشوة القشطة خلطت نص علبة قشطة الخفق
طبعا بعد ماخفقتها خلطتها مع نص علبة قيمر



وراح تحتاجون كيس او علبة كريمة وفستق مطحون


الطريقة ...

تخلط جميع المكونات هذي بخلاط العصير وتتركينها ساعه ترتاح علشان السميد ينفش ويطرا

بعد مرور ساعة تصبون مقادير العجينة بوعاء نفس هذا او مشابه اله علشان تسهل عليهم عملية تشكيل القطايف



انا ماصورت عملية تشكيل القطايف بس هيه سهله تجيبون مقلايه تيفال

تخلونها تسخن تمام وتصبون العجينة اذا تريدونها قطايف كبيره واذا صغيرة عصافيري

شكلوها باحجام صغيره ولمن تستوي نقلوها لصحن ووسكروا بس جهة وحده ,,, اكرر هذي القطايف العصافيري اللي تتسكر بس من جهه وحده,, هاي العصافيري بعد ماسكرتهم من جهه وحده



اما العادية الحجم الكبير انا سويت منهم بس 2 هذا شكلهم بعد مااستووا

اهم شي لنجاح القطايف ان تظهر هالفقاقيع هههه او مثل شكل الخلية


هاي من الجهة الثانيه شكلهم



وهني حشيتهم





وسكرتهم زيييين وقليتهم بزيت حاار



والقطايف العصافيري حشيتهم بواسطة علبة الكريمة وزينتهم بالفستق





صورة اقرب



ونصب عليهم شيرة قبل التقديم طبعا



وهذي القطايف الكبيرة بعد ماقليتها وزينتها بشوي لوز مطحون وصبيت شيره عليهم

لا تدققون بالاحجام كل وحده حجم :p



هذي صورة اقرب





اللي يعجبها موضوعي اطلب منها دعوة صادقة بهالايام الفضيلة

ان الله يرزقني بالحمل الطبيعي الثابت ويقر عيني بشوفة ذريتي

ويسخر لي زوجي ان شاء الله:)

اللي حابة تنقل الموضوع مااحللها الا اذا ذكرت المصدر ...