اسرارنا على المكشوف ّّّّ

انا استخدم السدر للجسم

مرحبا بنات
انا عندي سر صغير
وهو ماء زمزم بقالي فترة وانا بشربو ولاحظت ان صحتي تحسنت كمان بشرتي نورت لاني قبل كنت تعبانة و هدا انعكس على البشرة صراحة هو ماء مبارك اتمنى كل وحدة متفقة معاي تكتبلي رد

ماتتخيلوا يابنات اش قد انا مبسوطه لتفاعلكم بالموضوع عشان البنات يستفيدون يعطيكم الف عافيه

ونشوف اسرار باقي البنوتات

انا كنت الاحظ انه شعري يصير ملمسه خشن لو استعملت لاستحمامه الماء الساخن
جربت الماء البارد لتغسيل شعري والله انه لمعه ونعومة غير شكل

من اسراري عااااااد كثيره ومنهن لوجهي استخدم زيت اللوز والصويا من جونسن يوميا وشوفو وجهكم شقايل بيصير

تسلمين اختيه ع الموضوع الحلوو ....
بقولكم عن خلطاتي للويه والشعر والجسم لاني ف كل اجازه صيف احاول اطلع كل مواهبي ..لاني ايام الجامعه مول ما عندي وقت
ودووم احب افاجئهم ف لووك يديد كل بدايه كورس

اولا للوجه :
مرتين ف الاسبوع اسوي خلطه الروب والحلبه المطحونه واخر شي بعد ما اغسل ويهي احط ماي ورد وووايد استانس ع ويهي بعد هالخلطه ومول مافي ريحه
ومره اسوي خلطه الشوفان مع حليب طازج او روب بعد هالخلطه حلوه
ومرره ف الاسبوع اسوي سكراب بالمشمش بس هب منتظمه عليه
طبعا قبل الخلطات انظف ويهي عدل ... واكثر شي حبيته غسول لوريال الي لونه ازرق
واستخدم بعد صابونه خيار هنديه بدرهمين بس وااايد عجيبه .. ربيعتي خبرتني عنها اول شي ما صدقتهاا .. بس يوم جربتهاا استانست عليها

للجسم :
استخدم يوميا للاستحمام الخلطه الصابونيه خلصت علبتين وااايد فنانه وناويه اسوي علبتين للجامعه لان اخاف ما يكون عندي وقت واتعايز فاحسن اجهزهن من الحين
ودايما احط ماي ورد ف غرشة واخليها ف الثلاجه وكل ما اخلص من الشاور ارش جسمي ويهي كامل عشان يكون جسمي مورد ومشدود دووم
ويوميا قبل لا انام استخدم كريم الجلسلوليد الوسط مخلوط وياه فنيان زيت اللوز وفنيان جلسرين والليمون احطه قبل الاستخدام ما اعصره ف العلبه واخليه بس مرات اتعايز وما احط ليمون .....( واايد حبيت هالخلطه وبتم استخدمها للابد .. احط منها مرات حتى ف ويهي ) :) ها كله ما قبل النوم
سبوح الصبح غير احبه يكون بروايح عطريه مميزه .. طبعا كلكم اكيد اتعرفون فما لازم ارمس عشان ما تتمللون مني :)

للشعر :
استخدمت خلطه الحلبه المطحونه منقوعه ف زيت عشره ايام وانا ضفت عليها ثوم مطحون دام الريحه خايسه قلت مره عن مرتين دام الثوم زين لوووووول ... نتايج حلوه بس ريحه اعععععععععع الله يعين الي يسويهاا بس بعد الغسيل ما في ريحه للعلم تراهاا وايد مفيده تنبت الشعر سويتها 5 مرات لمده شهر
طبعا ودرتها لاني حصلت البديل وهي عشبه اسمها املج الي مستخلصين منها دابر املا طحنتها وخلطتها ويا ملعقة من كل زيت عندي وحطيت فيها بعد من زيت الحلبه الي سويته وااااااو خيالي استانست على شعري واايد من هالخلطه وبتم استدخدمها دوووم

سوري ع الرمسه الزايده اعرف اني مللتكم بس ها شوي لو اكتب كل شي اسويه ما بخلص ..

تسلمين يادكتوره العذاب ع الافاده طالعه من قلب وشكلي بسوي زي خلطاتك حق الوجه يعطيك العافيه

دكتورة العذاب روتينج في العنايه بنفسك
ماشاءالله تباك الرحمن مره حلو
بس عندي سؤال
وشو عشبة الاملج
لو عندك صوره حطيها فديت عيونك

هلا
موضوع حلو...
انا كلي أسرار....بشارككم بسر واحد بس...اممممم بخيلة صح ;)
أمزح عسولات....عجبني الموضوع و قرأت كل المشاركات

سري هو...
للشعر المسااااااااج..أثناء غسل الشعر..و عند وضع الماسك او الزيوت...المساج كثير مفيد
للوجه....بعد غسل الوجه الصباح أبخ وجهي بماي و رد بارد
لليد...التقشير و زيت اللوز
و للتنظيف...بعد ما انظف سواء كان الأثاث أو الحمام أخذ قماش مبلول بماي و كومفورت و أمسح
الريحة جناااااان
للعناية بالجسم...الحليب الساخن و الحلبة و فلفل اسود...مفيد و خاصة للنفاس و الحائض


و للحين...بث

مشكورة اختي رجائي
الله يسلمج هاي العشبه شكلهاا مثل الثمره مدوره وسوده وفيها نواه من داخل خبروني عنها قلت بجرب حضي وبشوف العطار طبعا لانه هندي ع طول عرفها وعطاني اياها
اسمحيلي ودي اصورها بس كلها طحنتها .. اصلا هي ما فيها شكل

بخبرج الزيوت الي خلطتهن وياها ( الجرجير ؛ الحبه السوده ؛ السمسم , اللوز الحلو ، النارجيل , الخروع , دابر املا الهندي الاصلي ، انوب ،حتى زيت النخاع التونسي حطيت وزيت الحلبه كلهن بمقادير متساويه )
اول شي خلطي الزيوت كلهاا مع بعض ف وعاء وعقب يبي وعاء ثاني وحطي ع حسب كم يحتاج شعرج من الاملج المطحون وذوبيه بالزيوت بالمقدار الي يكفيج وسوي مساج من الخاطر لان المساج اهم شي
ان شاء الله اكون افدتج حبيبتي

موجوده ف قوقل توني جربت وحصلتهاا

جزاج الله كل خير على الموضوع

واتمنى يتثبت

وتمممم التقيممممممم

وحفظته بلفيفرت

ماشاء الله موضوع حلوووووووووووووووووووووووووووووووووووووو

يعطيج العـــــــافيــــــــــــه ~~

الله يعافيكم بنات تسلمولي على مروركم وتقييماتكم والله احب الفايده تعم لكل البنات نشوف اسرار باقي العضوات

وعن نفسي يابنات انصحكم بالخلطه الصابونيه وربي جناااااااااااااااان اللي ماتسويها بتندم

كلمه روعه قليله عليها

انا بقولكم على سر يخليج بيضااااااااااااااااااااا ليييت
بس يمكن تقولولي يضر وما اعرف شو .... انا الحين يالسه اجرب فيه
" التشقيــــــر " خواتي استعملنه ويقولن ما شي غيره يفتح لا خلطات ولا خرابيط <<< سمحلي بنات ما اقصد شي والله
والدليل بنات خالاتي مداومين على التشقير وشو يوم تشوفينهن تغمضين عيونج من البياض <<< مبالغه يمكن شوي هع هع
لا صدق وانا يوم جربته احس بفرق انه لوني تغير وخاصه بعد ما ربيت سمريت شوي والحين استعدت لوني من استخدامي له لو انه كيميائي شوي
بس يقولون اسال مجرب ولا تسال طبيب وبس

miss.4;12991058:
انا بقولكم على سر يخليج بيضااااااااااااااااااااا ليييت
بس يمكن تقولولي يضر وما اعرف شو .... انا الحين يالسه اجرب فيه
" التشقيــــــر " خواتي استعملنه ويقولن ما شي غيره يفتح لا خلطات ولا خرابيط <<< سمحلي بنات ما اقصد شي والله
والدليل بنات خالاتي مداومين على التشقير وشو يوم تشوفينهن تغمضين عيونج من البياض <<< مبالغه يمكن شوي هع هع
لا صدق وانا يوم جربته احس بفرق انه لوني تغير وخاصه بعد ما ربيت سمريت شوي والحين استعدت لوني من استخدامي له لو انه كيميائي شوي
بس يقولون اسال مجرب ولا تسال طبيب وبس

التشقير اي واحد اختي الله يجزاك خيرتقصدين وكم مره تسوينه ؟؟
لانو اسويه بالمناسبات قبل الحف لكن ما فتحت زياده !!؟؟