طاجن البامية بالتقلية الرهيييييب

تسلمي يا قمر

صباح الخير يا حبيبتي
انا كنت قريت ليكي موضوع عن الباميا و نفسي اعملها مرة و تطلع حلوة كنت عايزة اسالك عن شوية حاجات
انتي لما حطيتي عصير الطماطم على اللحمة عشان تتسبك و اللحمة تستوي مش بعد شوية عصير الطماطم هينشف و هتكون اللحمة لسه ماستوتش كده هنزود مية ولا ايه؟؟؟
اصلي شايفاكي حاطة عصير طماطم كتيرة اوي هي كده مش هتطلع مززة؟؟؟
انا بس متلخبطة نحط مية على عصير الطماطم ولا نحط مية لما اللحمة تستوي طيب ماهي كده هتتحرق ولا نحط مية لما نحط الباميا ولا امتى بالظبط؟؟
معلش اصلي متلخبطة و كل مرة تبوظ مني و تطلع مززة
ياريت تساعديني و شكرا ليكي بجد

كليوباترا الكون;13770274:
صباح الخير يا حبيبتي
انا كنت قريت ليكي موضوع عن الباميا و نفسي اعملها مرة و تطلع حلوة كنت عايزة اسالك عن شوية حاجات
انتي لما حطيتي عصير الطماطم على اللحمة عشان تتسبك و اللحمة تستوي مش بعد شوية عصير الطماطم هينشف و هتكون اللحمة لسه ماستوتش كده هنزود مية ولا ايه؟؟؟
اصلي شايفاكي حاطة عصير طماطم كتيرة اوي هي كده مش هتطلع مززة؟؟؟
انا بس متلخبطة حاطة عصير طماطم كتيرة اوي هي كده مش هتطلع مززة؟؟؟
معلش اصلي متلخبطة و كل مرة تبوظ مني و تطلع مززة
ياريت تساعديني و شكرا ليكي بجد

صباح النور يا قمر
انا حاسة ان انا اللي اتلخبطت ^o) ههههههههه :lol:

بصي بالراحة كدة من الاول واحدة واحدة وان شاء الله تظبط معاكي المرة دي
بس ماتنسيش تبقي تطمنيني الاخبار :)

اولا عصير الطماطم عبارة عن 2 طماطمتين كبار وعليهم كوبايتين مية اللي هما كوبايات الشاي العادية
هاتضربي الطماطم وبعدين تدوبيفيها 3 معالق صلصة او 2 زي ماتحبي طعم الصلصة خفيف ولا تقيل ومكعب مرقة دجاج تفتتيه وملح وفلفل وشطة لو تحبيها


وبعدين هاتيجي في الحلة تحطي معلقتين السمنة وتدبلي فيهم البصلة وتحطي اللحمة تشوحيها وتنزلي عليها بالصلصة اللي عملتيها دي وتسيبيها حوالي ربع ساعة تتسبك ولما تحسي انها اتسبكت كويس تحطي البامية بتاعتك

وهاقوللك حاجة اسهل واضمن من اللي انا عاملاها في الموضوع
تحطي البامية وتسويها عادي علي البوتجاز من فوق وتديلها وقتها خالص وبعد ماتتاكدي انها استوت واللحمة استوت تدخليها الفرن 10 دقايق وتحطيلها التقلية بتاعت الثوم دي وتولعي الشواية تحمري الوش

اعملي معاها لحمة موزة علشان تستوي اسرع وكمان لو خايفة ماتستويش ممكن تسلقيها الاول حتي لو تلات اربع سوا وبعدين تحطيها مع البامية في الصلصة بسماتخافيش والله هاتستوي بالطريقة دي ان شاء الله وهاتبقي جميلة



مش بعد شوية عصير الطماطم هينشف و هتكون اللحمة لسه ماستوتش كده هنزود مية ولا ايه؟؟؟


لا عصير الطماطم مش هاينشف هو هايقل وساعتها ممكن تزوديه ماية او شوربة لو عندك واللحمة هاتكون استوت




حاطة عصير طماطم كتيرة اوي هي كده مش هتطلع مززة؟؟؟


هما طماطمتين اتنين بسيعني مش كتير وعليها اللي قلتلك عليه فوق ومافيش اي مزازة خالص





اتمني اكون قدرت افيدك زاجاوب علي اسألتك كلها ولو عندك اي استفسارات تانية اؤمريني مش هاتأخر


:)F:

متشكرة ليكي يا حبيبتي بجد مبسوطة اوي شرحك حلو اووووووووووووووووووووووي
ان شاءلله هعملها و اقولك اكييييييييييييييييييييييييييييد
اصل جوزي علطول مابيعجبهوش باميتي و ابقى مضايقة اوي
نفسي مرة اعملهاله مظبوووووووووووطة
شكرا ليك تاني بحبك في الله

احبك الذي احببتني فيه يا قلبي
يارب تطلع حلوة ان شاء الله وتعجب جوزك وتدعيلي ههههه

نورتيني في موضوعي يا قمر

جميلة جدا تسلم ايدك وربنا يخليلك بنتك ويجعلها من الصالحين هي واولادي واولاد المسلمين

امين يارب العالمين
تسلمي يا حبيبة قلبي

تسلم يدج عالأكله ..

بصراحه تفتح النفس

يعطيج ألف عافيه

ما شاء الله روعة حيبتي
يعطيك العافية يارب

ماشاء الله عليك
طباخة ماهره
وتسلمييييين ع الوصفة الرااائعة

تسلموا حبايبي نورتوني