تردن أن تعرفن اسرار سعادتى الزوجية تعالين أخبركن ولكن لا تقولوا لاحد ...وبالصور

السلام عليكم ورحمة الله وبركاته
معلش بس كان لى تعليق صغير
و ياريت حضرتك تردى عليه
مش المفترض ان الزوجه لازم تضحى وتيجى على نفسها
على فكرة انا اوافقك الراى جداااااااا
و طول عمرى عايشه بمدأ لما اعمل حاجه يا اما اعملها وانا مش منتظره مقابل ( لو حتى كان كلمة شكر من اللى قدامى)
يا أما لو هجبى عليه و اقوله انا بعمل كذا و منتظره كذا يبقى فعلا مش بعملها
لكن طبعا العلاقة الزوجية اكيد فيها اختلاف
و ده لانك لما تعملى الحاجه تطوعا لله و للوطن او خدمه لاى شخص بترجعلك ممكن مش من نفس الشخص بس بتتردلك و ده بيكون كافى ليكى
حتى لو كان الرد ده انك انبسطى انك اديتى خدمه للى قدامك
على عكس العلاقة الزوجيه سبحان الله بتكونى منتظره الرد من الشخص بعينه اللى اسدتيله الخدمه
ومش اى رد لا لازم رد معين يشبعك معنويا و داخليا
طيب دلوقتى انا من الشخصيات اللى غير معتاده على الشكوى من اللى بعاشرهم اطلاقا
فعلاااااا عمرى ما اشتكيت من اى بنى ادم الحمد لله
دائما و ابدا بتكيف على الوضع اللى انا فيه
وعمرى ابدا ما احاول اغير اللى قدامى بالعكس بتقبله على علته و اغير نفسي انا و اتكيف معاه
فهل ده غلط؟؟
يعنى لازم اشتكى عشان زوجى يتعود انى بشتكى وان فيه حاجات بتضايقنى
انا عندى مشكلة فى التعبير عن الحاجات اللى بتضايقنى
يعنى ممكن اكون متضايقه جدا من حاجه بس لو حسيت انها هتعمل مشكله لو قلتها فبحجبها عن اللى قدامى و بتناساها و الحمد لله الموضوع مش بيطول
لكن طبعا لو مش هتعمل مشكله او لو مجرد ضيق فى التعامل لازم بتكلم و بقول و بعبر عن ضيقى
بس بدرجات
يعنى الاول ببدأ بتلميحات اذا لقيت اللى قدامى ما فهمش
يبقى انبهه بس باسلوب لطيف و غير جارح
انا بجد عايزه اعرف هل ده خطأ فى التعامل مع زوجى ان شاء الله
يعنى لازم اغير اسلوبى و اكون معبره بشكل صريح دائما ما فيهوش التواء
لانى فعلا طول عمرى بتعامل مع اهلى و اصحابى كده ما بحبش ابدا اجرح اى حد (طبعا سثناءات للناس اللى بتتعدى حدودها ومش بتفهم غير بالقول المباشر الصادم)
لدرجة اخويا بيقولى انتى سلبيه و ما لكيش راى
بقوله ليه بيقولى عشان عمرك ما اتغابيتى عليا او رديتى بغشامه
قولتله انا بتكيف
قالى انتى هيجى عليكى وقت هيبقى نفسك تعملى الحاجه اللى بتحبيها و مش هتعرفى لانك عودتى اللى حواليكى على كده
انى يعنى مسالمه ومافيش حاجه بتضايقنى
بس طبعا لا فى حاجات كتير بتضايقنى بس بجاهد نفسي و اتغلب على نفسي و اقول طالما مش هتأثر على محور حياتى و كلها زعل جانبى يبقى الدنيا قصيره اوى اقصر من انى اقضيها فى زعل انا مش بحب الزعل ولا كتر العتاب
هى مش سلبيه انا بيبقى ليا راى بس لو لقيت اظهاره هيسبب مشكله بحجبه و مش بقوله غير فى الوقت المناسب و ممكن ما اقولوش خالص
يعنى مشكلتى ان مش كل حاجه بقولها بعمل زى مصفاه فى دماغى و بنقى اقول ايه وما اقولش ايه
هل ده صح ولا غلط
لان ماما بتقولى انتى خبيثه ههههههههههههههههه عشان يعنى مش بقول كل اللى جوايا ولا كل اللى اعرفه
لانى بجد احترت فى الموضوع ده و فى انتظار رد حضرتك ضروووورى
ومعلش بتكلم عامى لانى سه راجعه من بره ومش شايفه قدامى:|