تردن أن تعرفن اسرار سعادتى الزوجية تعالين أخبركن ولكن لا تقولوا لاحد ...وبالصور

السلام عليكم ورحمة الله وبركاته

جزاك الله خير أم سلمى
والزوجه أفضل إنها تحط في بيتها شي يسوى
مش مصروف شهري
بل إنها تتحمل جزء من مصاريفها خاصه الترفيهيه منها
وتجمع فلوسها في البنك وزوجها يجمع جزء إلى أن يمتلكو منزل أو قطعة أرض أو أي شيء له قيمه حقيقيه وبهذه النقود التي تضعها جميعا تسجل باسمها لحفظ حقوقها فيها
وإذا لم يكن متاح لها ذلك في بلدان قوانينها ظالمه للمرأه أو لاتضمن أخلاق زوجها أصلا من أن لايطلقها بسبب أن نصف البيت لها مثلا
فمالها إلا أن تترفه بمالها وترفه أطفالها فتزيد على مصروف الزوج مايفيدها
وتخزن جزء منه في البنك باسمها فلا يستطيع الوصول له
وان تساهم في المنزل ( عادة ماتساهم النساء بمصاريف الأولاد الترفيهيه بالذات يعني الرجل يدفع الرئيسي الي يخليهم يلبسون لبس عادي وهي تزيد الي يخليهم يلبسون مميز )
ونصيحه اذا كنتي عامله وليس لديكم منزل أن يكون طموحك أن تسكني في منزل ملك وان كانت سيارتكم فيها عيوب فمهم جدا أن تكون لديكي سياره جيده
وان لم تكن لديكي خادمه ترعى أطفالك وانت منهكه فالخادمه مسؤليتك لانها تخدمك وتعاونك فلا ذنب لزوجك في تقصيرك في بيتك حتى ان خفتي الانفصال سجلي الخادمه باسمك ان دفعتي جميع مصاريف استقدامها فهي من حقك

وحفظ الحقوق لاعيب فيه بل إنه يريحك من استغلال الزوج لطيبتك كما قالت أم سلمى حلول رائعه جدا بالنسبه لمسؤليات الزوج في المنزل

السلام عليكم ورحمة الله وبركاتة
وحشتونى جداااا يا أخواتى فى الله وعلى رأسكم أم سلمى حبيبة قلبى
والدتى الحمدلله أحسن حالا وستبداء اليوم العلاج الذرى
وأنا أضررت للعودة لبيتى

كنت متوقعة تفاعل أكبر بعد إسبوعين غياب
لكنى صدمت أن الأسرار إنتهت والتفاعل فتر
أم سلمى أقترح أن يكون للموضوع جزء ثانى
تقترح فيه كل عضوة أكبر المشاكل التى تواجهها ولم يسبق فتحها فى هذا الموضوع
وأرى من الردود أنها كثيييييييييييرة ومتشعبة
لنستفيد جميعا من خبراتك وخبرات باقى البنات ونوسع مداركنا فى المشكلات
وأشكرك جدا جدا على الموضوع الرائع يا أم سلمى جعل الله كل طاعاتنا وحسن تبعلنا لأزواجنا فى ميزان حسناتك

مشكورة اختي علي النصائح

lifedrop;12743166:
اشرحى المهاردة دى بكل تفاصيلها
نفسى اتعلمها اوى بس انا فاشلة فيها

:thumbs_up::thumbs_up::thumbs_up::thumbs_up::thumbs_up::thumbs_up:
انتى المفروض تعملى موضوع لوحدك للمتزوجات فقط
:lol::lol::lol::lol::lol:


:lol::lol::lol::lol:
انا عايزة اتعلم
اصل ساعات بحس انى غفر فى البيت

أسفة جدا للتأخير يا لايف يا حبيبة قلبى

الفكرة إنك تحسسيه بتقديرك لقوامتة ورغبتك فى طاعتة ودة مش عيب بالعكس دة واجب وتكليف من ربنا سبحانة وتعالى ومن أطاعت زوجها دخلت الجنة من أى باب شائت ويعادل فى الأجر الجهاد فى سبيل الله

( وبصراحة شديدة حتعمليها حتعمليها برضاكى أو غصب عنك فليه تحطى نفسك فى موقف مش لطيف وتخسرى الأجر؟)

يعنى لو أمرك تعملى حاجة ضد رغبتك قولى له حاضر
وبعد شوية قولى له بدلع أنا نفسى اعمل كل إللى يسعدك بس الموضوع دة جاى عليا شوية فى كذا وكذا

أو أنا رأيى إنى أعمل كذا أحسن إنت إيه رأيك؟ وتدورى على بدايل أفضل من غير ما تحسسيه بالندية

ولو صمم على رأية تقولى له طيب ممكن نلاقى حل وسط يرضينا إحنا الأتنين؟(برقة ودلع وبصة طفولية بريئة :woo:)

ولاحظى إنك إنتى فى كل كلامك الطرف الضعيف إللى مستنية منه هوة القرار:-#

ودة حيسعدة جدا ويحسسة إنه هوة ليه اليد العليا ومش محتاج يفرض رأية عليكى أو يعند لأنك قفلتى عليه الباب دة :cool:

لكن الواقع إنك إنتى إللى بتديرى الحوار وبتوجهيه للحاجات إللى إنتى عايزاها وبتبعديه بهدوء عن الرأى إللى فرضة عليكى ;)

طبعا ممكن أول كام مرة يعند ويصمم على رأيه

يبقى تعمليه فورا وبدون زعل وإحتسبى الأجر سواء الموضوع كبير أو صغير ودة طبعا هوة حيشيله فى رصيدك حتى لو محسسكيش بتقديرة

لكن بعد كدة وبتكرار المواقف حتلاقيه بياخد رأيك الأول وبيهتم براحتك وهوة مبسوط ومظأطت :D

لأن فعلا إحساس الراجل بقوامتة وأهميتة عندك وثقتك فى قراراتة بيكبرك فى نظرة


لكن فى مواقف معينة لازم تظهر المرأة فيها قوتها بذكاء وبدون تخطى للحدود

لأن بعض الرجال بيستغلوا ضعف المرأة وبيحملوها أكبر من طاقتها وبيشوفوا إنها قليلة الحيلة ومفيش فى إيدها أى حاجة

ساعتها تركزى على نقاط قوتك وتظهريها فى أكبر حجم ممكن ليها وبمنتهى الثقة

يا رب تكونى فهمتى معنى كلامى

أما عن موضوع المتزوجات دة مفكرتش فيه قبل كدة هههههههههههه

إحنا هنا مع بعض بنخرج كل إللى جوانا من عيوب ومميزات وربنا يستر

ههههههههه

ولو عايزة تتعلمى إبعتيلى على الخاص وانا أديكى درس خصوصى تحت عنوان "إسألى وشيرى تجيب" :lol:

مي 1;12744336:

يسعد صباحك ومسائك بكل خير ياعسل ...

اولا شكرا على ردك علي وإهتمامك بمشكلتي
تصدقي ياغاليه لسه انتبهت ...:-o
هو فعلا بيقول انا أتزوجتك عشان تربيتك الصح وإنك مش لعابه ومحدش بيجيب في سيرتك :o
بس نتيجة التربيه الصحراويه دي رحنا فيها هههههههههههه
شكرا لك يا أحلى وأروع شيري والله نصائحك مفيده
وحركاتك حلوه ورائعه وان شاء الله حطبقها قريييييب
شكرا لكم والله احساس جمييييل انا زي الاخوات وكل وحده بتشيل هم الثانيه

ربنا يسعدكم ويبارك لكم :L:

فعلا يا مى دة نفس إحساسى إن كلنا إخوات وقلوبنا على بعض بصدق

ومتقلقيش من موضوع التربية
إنتى لسة صغيرة وإنما العلم بالتعلم والحلم بالتحلم واحدة واحدة حتبقى ولا صوفيا لورين :thumbs_up:

عمتو بيتو;12747501:
شيري ماشاء الله تبارك الله
اضافاتك للموضوع
رااااااائعة جدا
تسلم ايدك
ربنا يهنيكي ويسعدك يارب

جازاكى الله خيرا يا عمتو
وربنا يرزقك الزوج الصالح يا رب اللهم أمين

أم حموودى القمر;12773384:
ام سلمى بجد مفيش كلام يعبر عن اعجابى بيكى وبنصائحك الاكثر من ممتازة

وكمان اضافات الاخوات شيرى ورفقا بالقوارير اكتر من ممتازة

جزاكن ربى الجنة وجمعنا فيها ان شاء الله

ليا سؤال انا مشكلتى فى العصبية والصوت العالى ودايما زوجى بيضايق منى لما بزعق لابنى او حوارى العادى معاه

انا كمان مضايقة من نفسى ونفسى اغير اسلوبى بس غصب عنى ضغوط الحياة وقلة نومى ومسؤلية طفلين هى اللى موترانى كده بس طبعا ماليش حجة

الله يكرمك قوليلى شوية نصايح تخلينى اتغير شوية وخصوصا انى مش راضية عن نفسى اصلا ودى اكتر حاجة بتزعل زوجى منى

أم حمودى القمراية
إزيك؟

يا حبيبتى إللى بتمرى بيه طبيعى جدا لأنك لسة فى فترة ما بعد الولادة ومحتاجة تتأقلمى على الوضع والمسؤلية الجديدة

وبس شوية تنظيم للبيت على مواعيد البيبى الجديد بحيث إنك تقدرى تنامى وقت أطول لحد ما هى تنتظم مواعيد نومها

وإمسكى نفسك عن العصبية لأن أطفالك حيكتسبوها منك

مثلا لما تتعصبى إستعيذى بالله من الشيطان الرجيم 10 مرات أو إستغفرى لحد ما تهدى

وشغلى سورة البقرة يوميا فى البيت بتطرد الشيطان بإذن الله وتهدى البيت والأولاد


خصصى نصف ساعة من اليوم على الأقل ليكى لوحدك للعناية بنفسك حسب ما تحبى
سواء بشرب مشروب بارد أو دافىء على الإنترنت
أو عمل ماسك لوجهك
أو الإستمتاع بشاور حلو والأولاد فى امان نايمين مثلا أو لو البيبى نايمة خدى حمودى معاكى الشاور وإلعبى إنتى وهوة بالمية أو إديلة لعبة يتشغل بيها قدامك وأنتى إستمتعى بشاور جل ريحتة حلوة

أو أى نشاط إنتى بتحبيه تحسى فيه إنك بتعملى حاجة لنفسك مش مطحونة فى مطحنة المسؤلية

وكيفى الظروف لحسابك قدر إستطاعتك

أما عن الرضا عن النفس دة لازم يجى من داخلك إنتى ولازم فيه وقفة مع النفس

أنظرى لمن هم أقل منك... مش حابة إنى أأقول أمثلة علشان لا أخد ذنب ولا أجرح حد بدون قصد لكن فعلا لو نظرنا حولنا حنلاقى إن حالنا اجمل مما يتمنى الأخرين وأنظرى لنقاط القوة والجمال بيكى الداخلية والخارجية
وخلى دائما دعاكى اللهم إنى أسألك رضاك والجنة وأعوذ بك من سخطك والنار

وربنا سبحانة وتعالى عندما يرضى عن العبد يرضيه ويرضى من حوله عنه

وربنا يسعدك ويحفظلك زوجك وأولادك ويبارك لك فيهم

أم سلمى2007;12863572:

أختى شيرى طمنينا على والدتك صحتها عاملة إيه

دلوقتى

قلقتينا عليها وعليكى بغيابك الطويل هذا

نتمنى أن نجد منك خبرا سعيدا عن قريب هنا

أختى i miss you dad

حلو التغيير والسعى فيه

ربنا يعينك ويثبتك

أختك فى الله ام سلمى

أم سلمى حبيبتى
وحشتينى جداااا
الحمدلله والدتى بخير
إدعيلها من فضلك

بس أنا زعلانة أوى
ليه روح الموضوع ضعفت؟
فين تفاعلك وتفاعل البنات
أنا من الصبح كل شوية أدخل ولا فى حد كأنها صحراء
يا رب الموضوع يرجع يتملى تانى بالردود الحلوة من البنات

اختي العزيزه شيري
لو سألو لأجبنا ولو أضافو لشاركنا
لاكنهم توقفو عن الحديث فتوقفنا

وااااااااو الله يعطيك الف عافيه

رفقا بالقوارير;12887410:
اختي العزيزه شيري
لو سألو لأجبنا ولو أضافو لشاركنا
لاكنهم توقفو عن الحديث فتوقفنا

عندك حق طبعا
بس أنا مش عارفة أتوقف
ههههههه
أنا عندى شوق دام إسبوعين كاملين :worn_out:

أدعولى ربنا يهدينى للخير
انا وزوجى على مفترق الطرق وبيتنا ينهار

أم سلمى2007;12856059:

ربة البيت :

ربة البيت أكثر عرضة لملل والروتين فى حياتها نتيجة تشابه ما

تفعله كل يوم وأيضا ينتقل الملل نفسه إلى زوجها أيضا نتيجة عدم

إنشغالها تشهر كثيرا بإنشغال زوجها عنها وهذا يتسبب فى الضيق

المستمر لها

ومع مرور الوقت يتحول حديثها إلى مواضيع معينة تافهة لا يخرج

عنها مثل ما حدث بينها وبين جاراتها او مع اهلها أو مشاكلها مع

أطفالها أو ضيقها المستمر من يومها الذى لا يتغير

ويهرب الزوج من تلك الاحاديث المملة التى يكرهها ولا يحبها وتبدا

هى فى الشكوى المستمرة من عدم وجود زوجها ومن الخرس

الزوجى

فعلا يا أم سلمى
دى من المشاكل الكبيرة إللى واجهتنى فى بداية جوازى
خصوصا فى المحادثات الهاتفية لأنى على غير دراية بما يدور حوله وما هو فيه من مشاكل
فكنت أتصل به أتدلع وأقول أى كلام
وطلعا هوة بيتضايق جدا ومايبدلنيش الكلام الحلو وأحيان كثيرة يكبسنى ويقفل
وكنت بزعل جدا
إلى أن أدركت المشكلة
وتغلبت عليها إلى حد كبير :hysterical:

لكن مازلت موجودة:(

من يومين كنت أكتب قائمة مشترواتى وهو يعمل أمامى على المكتب

وكان يتحدث فى الهاتف فى موضوع مهم جدا وكله ارقام وحسابات

وبعدها سرحت فى القائمة وسألتة "إنت عمرك جربت تشرب الجنزبيل الباكيتس؟" :D

فوجدتة ينظر لى بإستغراب شديد مما جعلنى أدرك عدم أهمية السؤال أو الإجابة عليه بالنسبة له

فضحكت لتفادى الخجل وقلتلة " سورى سورى ركز فى إللى بتعمله" :D

فضحك هو أيضا و إنتهى الموقف

أما فى موضوع العمل

فى البداية اظهر زوجى رضاه التام عن الموضوع فى بداية الزواج

ثم تحجج بعدها بحملى وأنى بعد الإنجاب أستطيع العمل معه فى مجاله مما يتوافق وشهادتى

وبعد الإنجاب زادت الحجج والتأجيلات حتى صارحنى أنه يرفض تماما عملى معة

وأنى إذا اردت يمكننى أن أعمل فى مكان أخر بشروط معينة مستحيلة ههههههه

وبعدها رفض تماما فكرة عملى لأن البيت وإبنى أولى

وأنا إقتنعت طبعا خصوصا إنى أرفض نهائيا أن يتعلق إبنى بغيرى أو يكتسب صفات أو عادات من أى إمرأة غيرى

وهذا هو دورى الأساسى فى الحياة

أما فى موضوع الثقافة أحب أن أضيف جزء صغير

إبداءى بتثقيف نفسك بما يحب زوجك

يعنى مثلا زوجك تاجر ... إشترى كتاب "كيف تبيع أى شىء لأى شخص"

زوجك يهتم بالأخبار السياسية إفتحى دائما قناة الجزيرة وأقرأى الجرائد اليومية أو إقرأى كتاب سياسى

زوجك يعشق السيارات ..... تصفحى فى الإنترنت على الأقل مرة أسبوعيا لتعرفى أخر الموديلات والمواصفات الحديثة للسيارات

زوجك يحب التاريخ .... إبحثى فى الإنترنت عن القصص التاريخية وإسمعيها أو إقرأيها وأقعدى معاه إحكيله

وأفضل الإهتمامات طبعا هى الإهتمامات الدينية لأن مهما كانت إهتمامات زوجك فالدين هو الأصل

إسمعى دروس دينية لأى مما تحبين من الشيوخ وأنتى تعملين بالمنزل و عند عودة زوجك أخبرية بأهم النقاط التى إستوقفتك

أو معلومة جديدة لم تعرفيها من قبل... أو فتوى كان يريد أن يعرفها مثلا

لكن إحذرى كل الحذر من الضغط على ما يزعجك منه فى هذا الجانب لأن الرجال أذكياء أو بمعنى أصح على رؤسهم بطحة ههههه

أم سلمى إسمحى لى أن أتكلم عن شهر رمضان

يا بنات الشياطين محبوسة ومسلسلة

يعنى ليس لنا أى عذر فى إننا نجعل من بيوتنا جنه

ونمحى منها أى أثر لمشاكل ومنغصات قديمة

لازم ننوى نية صادقة لله إن كل أعمالنا فى هذا الشهر وغيرة خالصة له وحدة

ونحتسب الأجر والثواب فى كل عمل

"اللهم اجعل عملى كله صالحا واجعله لوجهك خالصا ولا تجعل لأحد غيرك فيه شىء"

أولا

اليوم أو غدا وبعد نوم الأولاد إعدى مشروب لذيذ لزوجك وإجلسى معه فى جلسة حميمة

وإبدائى بتهنئته بشهر رمضان قولى له أننا نريد أن يكون رمضان هذا مختلف عن أى رمضان مضى

وإنى بحبك أوى وبحب أخرتك ونفسى نكون هدفنا الجنة وأنا بتخيل صورتك فى الجنة

وإقترحى عليه أفكار

منها تجديد التوبة من أى ذنوب قبل رمضان لنبداء هذا الشهر كالطفل المولود بلا ذنوب أو معاصى

الإتفاق على صدقة يومية (يخرجها هو طبعا بحكم خروجة يوميا فى نهار رمضان) مهما كانت قليلة فما نقص مال من صدقة ويدخل عليكم وعلى أولادكم وبيتكم البركة

القيام معا ليلا على الأقل بركعتين

تخصيص وقت لقرأة القرأن معا وأنا شخصيا أحب أن يقراء هو وأستمع إليه

وأحلى ما فى الأمر أن تتفقوا سويا على ترك معصية من المعاصى التى إنتشرت وأصبحت حلال بحكم العادة وليس الشرع كمشاهدة الأفلام أو سماع الأغانى أو التعامل مع البنوك الإسلامية أو الذهاب لأماكن يحدث بها ما يغضب الله تعالى (وأنا أحلف بالله العظيم أنى عندما فعلتها أنا وزوجى دخلت بيتنا سكينة وبركة لا يمكن وصفها بفضل الله تعالى)

القيام بصلة رحم يوميا ولو بمكالمة هاتفية خصوصا للوالدين والحموين

وأطلبى منه هو أن يقترح أعمال حسنة

وممكن تسمعوا معا درس عن الإستعداد لرمضان ليعينكم على علو الهمة

ملحوظة

طبعا كل واحدة عارفة زوجها ومفاتيحة ومداخلة إللى تدخل منها للمواضيع دى

لأن كل رجل مختلف عن الأخر

ممكن واحد يشعر إن زوجتة بتتهمة بالتقصير

وواحد أخر يشعر إنها تتفضل عليه وتشعره أنها أفضل منه

وممكن واحد لا يتقبل النصيحة أصلا

وواحد (ربنا يجعل كل أزواجنا مثلة) يرى فيها الزوجة الصالحة التى تعينه على دينه وهذا هو هدفنا فعلا

ثانيا

دورك إنتى فى بيتك ومع نفسك

نظمى وقتك جيدا بحيث يتوافق مع مواعيد الصلاة ومواعيد تواجد زوجك بالمنزل

ننظفى البيت جيدا وخصوصا مكان صلاتك أنتى وزوجك الدائم وعطريه

طوال فترة عملك فى البيت هذا ليس وقت ضائع بل لكى فيه أجران بإذن الله

الأول إذا نويتى نية صادقة لله وحدة أنكى بهذا العمل تحفظى بيتك وتسعدى زوجك وأولادك فلكى أجر العمل

والأجر الثانى لأنك طول فترة عملك تستغفرى وتسبحى وتحمدى وأفضل الذكر لا إله إلا الله وممكن تستمعى إلى القرأن طوال فترة الطهى أو إلى درس دينى جديد

إختارى الأكلات التى يتم طبخها فى وقت سريع ومن الأفضل أن تكون خفيفة حتى لا تشعرى أنتى وزوجك بالثقل فى صلاة العشاء والتراويح


رمضان مش شهر الأكل بالعكس دة عدد الوجبات قل من 3 وجبات لوجبتين فقط إذن لاتكلفى زوجك فوق طاقتة بمصاريف الأكل الزائدة

كا ما ذاد عن سفرتك وأنتى تعلمين جيدا أنا لن يؤكل غلفيه فورا وأتركيه فى الثلاجة وأعطيه لزوجك وقت نزولة لصلاة التراويح ليعطيه لأى شخص فقير أو محتاج

فى السحور بركة إهتمى بتأخير السحور مثل ما وصانا الرسول عليه الصلاة والسلام ومتكسليش وتنامى لأ إجتمعى أنتى وزوجك وأولادك حول مائدة سحور صغيرة واعلمى أنكم تحفكم الملائكة بإذن الله

طبعا اللبس والحركات زى ما هية مقدرش أزود ولا كلمة على كلام أم سلمى :) لكن بلاش فى نهار رمضان حاولى تلبسى معقول لبس جميل ونظيف لكن ساتر لجسمك

تجنبى حدوث أى مشاكل بينك وبين زوجك وإن حدثت فتجنبى الشجار والصوت العالى وحاولى حل الأمر بهدوء أو تأجيل الكلام

أنا مش عارفة أوضح كل ما بداخلى بس قصدى من كل الموضوع إن رمضان يكون بداية جديدة لحياتك الزوجية يكون هدفك فيها رضا ربنا والفوز بالجنة فى كل قول وفعل

وهذا فقط هو ما يبنى بيتك ويجعله جنة

وكل واحدة وشطارتها

:L: السلام عليكم ورحمة الله وبركاته انا فرحانة انى اول من ردت عليكى يااستادة sherryماشا الله عليكى:L: وانا عندى سؤال نفسى حد يرد عليه كيف الزوجة تقف جنب زوجها فى الازمات وتحسسه انها حاسة بيه ازاى؟وجزاك الله خيرا وبما تنصحين بنت ستتزوج وهى فى الجامعة وشكرا على نصائحك الجميلةF:

جازاكى الله خيرا يا قدوتى عائشة

الموضوع بيختلف على حسب نوع الأزمة

هل هى أزمة مادية أو نفسية أو وفاة شخص عزيز عليه أو كرب أو إبتلاء

عليكى بالدعاء له وتصبيرة وتذكيرة بالله وحثة على القرب منه والصبر وإن ربنا إذا أحب إنسان إبتلاه علشان يسمع صوته فى الدعاء

وإن عسى أن تكرهوا شيئا وهو خير لكم

وبأن أمر المؤمن كله خير إن أصابته سراء شكر فهو خير له وإذا اصابتة ضراء صبر فكان خير له (دة مش نص الحديث طبعا دة من الذاكرة)

وعليكى بهدوء وذكاء أن تشعرى بما يحب ويكره

فبعض الرجال تحب الإفضاء بما فى صدرها (وهم قلة جدا) وتحب أن تجد أذن صاغية ورأى حكيم لتشاورة

والبعض الأخر يحب الدعم المعنوى فقط (وهم أغلبية) بمعنى إنك تتركيه ليفكر فى حل مشكلتة بنفسة لوحدة بتفهم منك وثقة فى قراراتة ودعم لرأية

وعدم التعجل بالحلول والإلحاح فى أى طلبات

والبعض يحب من تشغله بمهارة عما يزعجة وتنسيه الدنيا وما فيها سواء بحوار هادىء أو بموضوع يشده أو بمشاركتة فى شىء بيحبة

مع مراعاة نصيحة الصحابية لبنتها "إياك والفرح بين يديه وهو حزين ... والحزن بين يديه وهو فرح"

وكلهم بيحبوا يشعروا بنضوجك فى الأزمات بمعنى إنك تتحملى غضبة أو ثورتة لأتفه الأسباب

وتتحملى تقصيرة فى بعض الواجبات

وكل دة بصدر رحب وبدون من أو معايرة لأن دة واجب الزوجة الصالحة

وطبعا كل دة مش سهل وبيجى بالممارسة المهم إنك تحتسبى الأجر وتخلصى نية حسن التبعل للزوج

وطبعا لو الأزمة مادية يبقى لازم تكونى مدبرة فى صرف الفلوس وتقدرى تشترى حاجاتك وحاجات البيت فى أضيق الحدود
ولو حسيتى إنه بيجى على نفسة علشان يوفرلك أى طلبات ترفضى وبشدة

وترضى برزقكم وتأخذى بأسباب جلب الرزق من إستغفار ودعاء وأعمال صالحة

ولو تقدرى تساهمى بأى شىء فى البيت يكون خير طبعا

وأياك والنظر لأخواتك وجيرانك أو إشعارة بأنه سبب فى إحساسك بالنقص فى أى شىء

لأن دى كلها أرزاق مقسمها الرزاق

أما عن الزواج فى الكلية فإستخيرى الأول

وإتفقى معاه من البداية على إللى يريحك فى المذاكرة والإنجاب بما لا يخالف الشرع طبعا

ونظمى وقتك وذاكرى أول بأول علشان الدروس متتراكمش وتضطرى فى الأخر تقصرى فى حقة لأن وراكى مذاكرة كتيرة متراكمة

وإستعينى بالله وربنا يصلحلك كل أمرك ويكتبلك إللى فيه الخير

sherry الحلوة و الله منورة و الحمدلله على سلامة الوالدة أجر و عافية أن شالله ....أنا مستمتعة بردودك اللي كلها حكم و تدل على حكمة صاحبتها ...الله أيبارك لك في صحتك و جوزك و عيالك و لا تتركينا مثل أم سلمى فطمتنا بسرعة ههههه بس أحنا ناطرينها و بشوق:adore:

فهدونه;12891635:
sherry الحلوة و الله منورة و الحمدلله على سلامة الوالدة أجر و عافية أن شالله ....أنا مستمتعة بردودك اللي كلها حكم و تدل على حكمة صاحبتها ...الله أيبارك لك في صحتك و جوزك و عيالك و لا تتركينا مثل أم سلمى فطمتنا بسرعة ههههه بس أحنا ناطرينها و بشوق:adore:

جازاكى الله خيرا على الدعوات الجميلة ولكى بالمثل وأكثر اللهم أمين

هههههههههههه

أعجبتنى جدا كلمة فطمتنا
فعلا نحن كالأطفال الصغار بدونها
أنا لن أترك الموضوع ودة واضحح من مشاركاتى من ساعة ما رجعت
ههههههههه
مش بإيدى بجد بس أنا فعلا أحبكن جميعا فى الله وأفتقدكم جميعا
الله يديم المعروف يا فهدونة يا حبيبتى